خد بالك من مراتك

من جسدها بعض التوتر ثم أطلقت زفيرا ساخنا لعله يهدي بعض الحمم بداخلها.. ورفعت وجهها له وقالت بتوتر حصل خير
ضيق عينيه وهو ينظر لها بحيرة من شخصيتها وسألها أنتي إنسانة غريبة جدا.. وأنا مش عارف افهمك
استعادت جمودها وردت إيه اللي محتاج تفهمه أو
تعرفه
نظر لوجهها بحدة وقال محتاج اعرف عنك كل حاجة منكرش إني أعجبت بيكي.. بس أنا معرفش عنك غير إسمك 
أخذت شهيقا باردا وهي تنظر حولها ببعض التوتر ثم عادت وثبتت نظراتها على وجهه وقالت أنا إسمي سدرة وبشتغل ممرضة زي ماأنت عارف وعندي
٢٤ سنة وليا أخت بس عايشة مع أبويا ومراته وأختي.. ووالدتي مټوفية من ٣ شهور وأظن عندك علم بكده
هز رأسه نافيا وقال مش ده اللي عايزة اعرفه عنك أنا عايزة افهمك مش عارف.. شخصية غامضة ومعقدة 
تنهدت وأجابته بحدةأظن فهم الشخصيات ده بيجي بالوقت والعشرة ومش لازم اهزر واضحك وادلع معاك عشان ابقى فري ومش معقدة
رد عليها مسرعا ليمحي سوء فهمها لما يعنيه وقال لا مش قصدي كده تماما بالعكس يمكن تحفظك ده اللي جذبني ليكي 
شعرت بصداع مفاجيء وكأنها أصيبت برأسها فجأة فمالت على المنضدة أمامها ورفعت يدها تسند رأسها.
هيئتها ذلك أثارت الذعر بداخله عليها حاول مد يده للإطمئنان عليها ولكنه تذكر ماحدث فتراجع وسألها أنتي تعبانة.. أنا ممكن أساعدك 
هزت رأسها بالنفي دون أن ترفعها وقالت بصوت مرهق أنا كويسة
رفعت رأسها وحاولت رسم التماسك والصلابة ونظرت له قائلة طلبت تشوفني عشان تقولي على الجديد
ردت عليه سدرة بهدوء أنا مش عايزة شبكة ولا مهر ولا أي حاجة من دي.. وبرضه ممكن تأجر شقة ونفرشها بحاجة بسيطة وبعدين نبقى نجدد ونعمل اللي احنا عاوزينه 
تعجب آسر من كلامها ولكنه كان سعيد بداخله لأنها ليست كبنات سنها تطمع في الكثير لذا سألها بس أنتي من حقك زي غيرك يكون عندك شقة ويبقى لك مهر وشبكة تليق بكي و
قاطعته قائلة أنا مش هكدب عليك أنا من يوم ما أبويا اتجوز ومراته جات البيت وانا مبقتش طايقاه ومستعدة اعيش معاك ع الأرض بس مطولش الخطوبة وعجل بالفرح 
اندهش من كلامها فسألها وهو ده السبب اللي خلاكي توافقي ع الجواز مني
أومأت رأسها بخفوت وقالت ممكن يكون ده سبب رئيسي إن أغير رأيي في رفضي التام للجواز وخلاني اوافق
نظر لها بشفقة وقال يمازحها رغم ان ده شيء يجرح رجولتي انك موافقتيش لشخصي.. رغم اني راجل قمر ومفيش مني
وألف بنت تتمناني.. بس صراحتك شفعتك لك 
رفعت وجهها له وعلي شفتيها شبه إبتسامة عندما رآها ظن أنه خيل له.. لذا ابتسم هو تلقائيا ثم أدرك شيئا فعاد إلى جديته وسألها طب هو والدك ممكن يوافق على ظروفي دي 
هزت رأسها موافقة وقالت ببعض الحزن اللي قولتلك عليه ده بالنسبة لوالدى كتير إحنا في منطقة شعبية والناس فيها يعتبر معډومة وحياتهم ماشية بالزق.. فالقليل عندهم كتير وأبويا هيفرح إنه هيخف الحمل عنه
أدرك الآن أنها تحمل الكثير بداخلها وبمجرد إطمئنانها له ستخرج مابداخلها وسيستطيع حينها أن يفك شفرتها المعقدة.
لا تعلم هل تسعد بذلك أم تحزن أختها ستتم خطبتها وترحل
هي الأخرى كما رحلت غصون وستظل هي وحدها أسيرة ذلك العڈاب بقية عمرها.. فهي لم ولن تحظى يوما برجل ينتشلها من ذلك العڈاب كأختها من سيرضي بفتاة مشوهة تعيش معه وينعم لها كزوجة عندما تذكرت ذلك مسحت دموعها التي سألت على خديها بأناملها وخرجت لتساعد زوجة أبيها في إعداد
المنزل لمقابلة العريس الآتي مساء اليوم ولكن قبل أن تخرج دخلت سدرة لها تحمل كوبين من الشاي الساخن على طبق وبيدها الأخرى كيس به بعض الشطائر الجاهزة وقالت لها خدي مني كده
تناولت سدن الطبق الذي يحمل الكوبين بيدها ووضعته على المنضدة الصغيرة بغرفتها بينما أغلقت سدرة الباب وتبعتها قائلة أنا جبت معايا شوية سندوتشات نتغدى بهم بدل الحوجة لمرات أبوكي العقربة دي
ثم سحبت الكرسي وجلست بجوار سدن ونظرت لها بتأمل
فلاحظت الحزن البادي على وجهها فسألتها مالك ياسدن.. زعلانة ليه
ردت بحزن عليها قائلة هتتجوز وتمشي زي غصون ياسدرة وهتسيبيني
ردت علي أختها تطمئنها ومين قال إني هسيبك بالعكس هنشوف بعض كل يوم وهتزوريني مين قال أننا هنبعد
نظرت لها سدن