بنتي مع العالم الاخر كامله بقلم هويدا زغلول

السواق _
يا انسه قومي يا انسه،احنا وصلنا..

صحيت وقولت ليه بهدوء _
حاضر حاضر معلش بس مش عارفه ازاي نمت، دقيقه هدخل واجيب لحضرتك الفلوس عشان مش معايا..

رد عليا وقال ليا _
عادي يا بنتي ولا يهمك انزلي بس..

_جيت انزل لقيتني هنزل عند بيت جدتي تاني، جسمي اتنفض بخۏف ورجعت بصيت للسواق وانا بقول..

هبه _
انت اااا اعااا...

_صرخت لما لقيت السواق بقي شارين اللي ابتسم بشكل مخيف وقال ليا..

شارين _
انا مش هسيبك يا مولااااتي انتي ھتكوني عيوني في الارض ومقابل ما هخدمك هتعملي اللي انا عايزه...

نزلت بسرعه من التاكسي وجيت اجري لقيته في وشي وقال بصوت تخين وعينيه اتحولت سودا..

شارين _
بلاااش العند معايا انا قلبتي وچشه..

هبه ببکاء وخوف_
انا ما مم مش عايزه منك حاجه، ما قولتش ليك تيجي..

_فضل يلف حواليا ووراه القط الاسود، ووقف ورايا وقال بصوت تخين..

شارين _ 

انتي طلبتي منهم اني اجيلك..

صوتي طلع مني بالعافيه وسألته _
هما مين ااا انا ما طلبتش حاجه من حد..

رد عليا وقال _
لا طلبتي من ملوك الچن السفلي وانتي بتقرأي الكتاب..

_قبل ما اتكلم طلع صوت موسيقي وقطط من القصر وسمعت جدتي بتصوت، فا خوفت وسألته...

هبه _
هو في ايه، تيته بيحصلها ايه جوه..

رد عليا وقال _
ده حساب قديم اصل هي اللي فتحت الباب ده زمان قبل منك ولما قفلته ابنها باباكي فتحه، حذرناها وقولنا ليها اخر مره وهي ما عرفتش تصون الوعد ده وانتي فتحتي الباب تتحمل بقي...

هبه ببکاء _
سيبها وانا هعمل ليكم كل اللي عايزينه بس خلي تيته بره الموضوع..

شارين بخبث _
علا صحبتك...

سالته بخۏف _
انت تعرف علا صحبتي منين؟..

رد عليا وقال بهدوء _
تعزميها النهارده هنا عشان تشوف بيتك، وتسيبيني اتصرف معاها..

دموعي نزلت وسالته _
عايز منها ايه؟..

ابتسم بشكل مخيف وقال _
لما هتيجي هتعرفي..

سالته تاني وقولت _
طيب هي ايه اصوات الموسيقي  والدوشه دي؟..