ابن عمي_كامله_بقلم هويدا زغلول

كمان وفضلت سعاد ټعيط واقعدت لوحدها
وفي عمها عسران قال لنجيه مراته 
اسمعي يانجية اني نويت اجيب سعاد بت اخوي تجعد وتعيش ويانا اهنه في الدار
نجية 
بتجول ايه ياعسران بت اخوك تيجي فين انت اتخبلت في عجلك ياراجل انت تجيبها فين انت ناسي انك عندك ولدين في الدار يعنى بت اخوك هتيجي تجعد وسطيهم ازاى بجولك ايه ياعسران بطل حديدك الماسخ ديه
عسران 
انا جولت كلمة يانجية وكلمتي لازم تمشي في الدار دي وبعدين بت اخويا هتيجي هتبجا في مجام اختهم يعنى هما يعاملوها معاملة زينة وعرفيهم أكده
نجية 
وليه بجا ياعسران عايز تجيب بت اخوك تعيش ويانا اهنه وليه امصمم جوي أكده
عسران 
عشان عرفت من المحامي ان اخوي عبد الحكيم كتب كل حاجة باسم سعاد بته ومكتبش ليا اني وأخوه منصور اي حاجة يعني الأرض والبيت وكل حاجة لبته وبس
شهقت نجية وقالت 
واه واه واه كيف اخوك يعمل فيكم أكده هو مش عارف ان من حجك انت واخوك منصور انكم تورثو فيه الله يكحمك ياعبد الحكيم ماطرح ماروحت
عسران 
خلاص يانجيه ماتدعيش على اخوي اني هجيب بته اهنه عندينا ووجتها بجا نبجا نتحكم فيها براحتنا
نجيه ردت بخبث وقالت 
على جولك ياعسران احنا نجيبها اهنة وساعتها نتصرفو وياها واهو بالمره تخدمني في شغل الدار وتشتغل فيها
ووطت صوتها وقالت ده اني هطلعه على عنيها بت عبد الحكيم اللي لهفت كل حاجة دي
عسران 
عاتجولي حاجة يانجية
نجية 
هاا لع ياخويا اني بجول يلا روح هات بت اخوك جوام لحسن اخوك منصور ياخدها عنديه
وراح عسران لسعاد وقالها 
كيفك ياسعاد يابتي طمنيني عليكي كيف أحوالك
سعاد 
الحمد لله ياعمي اني بخير
عسران 
اسمعي ياسعاد اني جاي اليوم عشان اخدك معايا
سعاد 
تاخدني معاك على وين ياعمي
عسران 
اخدك على داري دار عمك ماهو ماينفعش بنته زيك تجعد لوحدها أكده انتي عايزة الناس تاكل وشنا ولا ايه
سعاد 
بس اني مرتاحة اهنه ياعمي اني عايزة افضل جاعده في دارنا وبعدين اني مش بخاف يعني
عسران 
اني جولت لازم تيجي وياي يعني تيجي من غير ولا كلمة ياسعاد اني عمك وفي مجام ابوكي الله يرحمة يعنى لازم تسمعي كلامي يلا بينا
وراحت معاه سعاد على