نيمت جوزي كامله بقلم هويدا زغلول

بابا بالذات ده مش هينفع انت عارفه كويس قوي انها تحصل مشاكل كثير انا مش هعرف 
انسي اخو
سعديه 
بقولك اي ي بت انتي اخلصي كده 
هو انتي فاكره أن احنا بناخد رايك ولا اي الموضوع هيتم هيتم
فتحي 
اما انتي امرك عجيب والله مش فاهم 
انتي عايزه اي بالظبط
سعديه 
مش عايزه يا اخويا بنتك تجيب لك العاړ بتقول لك بتحب واحد وانا مش عارفه انت دمك ايه ساكت كده وبنتك بتقول الكلام ده
فتحي 
انا معنديش حب والكلام الفاضي ده فرحك
علي ابراهيم الاسبوع الجاي وبعدين 
هو قال عايزك بالجلابيه اللي عليكي يعني 
ولا هجيب ابيض ولا اسود
هند 
كمان يا بابا
سعديه 
مهو هو كمان ظروفه علي قدو مش هيقدر 
يجيب حاجه الف مبروك يا عروسه وبعدها 
اتجوز ابراهيم وعشت في الاوضه
رجوع
وعند هند قالت لابراهيم 
انا رايحة عند ابويا النهارده تبقى تيجي تاخدني بالليل وانت راجع من الشغل
إبراهيم 
طيب خلي بالك من نفسك ومن البنات ياهند انتي هتبقي شايله وحامل كمان استني لما اجي معاكي اوصل لك ولا حاجة
هند 
لا خليك قال يعني هتوصلني بالمرسيدس لا ياخويا انا هاخد توكتوك لحد بيت ابويا ريح انت نفسك بلا هم
قالت كلامها ونزلت مشيت وإبراهيم عند امه 
وقالها
ابراهيم 
ازيك يا اما عامله اي هتعوزي حاجه من برا
الحما 
الله يسلمك يا قلب امك 
انت رايح الشغل يا ابراهيم استني ياضنايا لما اقوم اعملك لقمة تفطر بيها قبل ماتنزل لشغلك
ابراهيم 
لا ياما خليكي مرتاحة انا كلت لقمة في السريع كده وانا واقف في المطبخ
الام 
ليه وهي الشملولة مراتك حضرت لك اكل ولا ايه دي تتحسد يعنى
إبراهيم 
لا دي راحت عند ابوها الصبح بدري معزومة هناك عندهم وانا فطرت ونازل رايح الشغل
الام 
غريبة دي من امتى مرات ابوها بتعزمها دي عمرها ماحصلت ابدا
إبراهيم 
اهو اللي حصل بقا يا أمي هاتقول ايه يلا انا ماشي مش عايزة حاجة ياحبيبتي
الام 
عايزاك طيب ياضنايا خلي بالك من نفسك ربنا يرزقك يا ابراهيم ياحبيبي
وعند هند اللي راحت لمرات ابوها وقالت لها
سعديه 
عاملة ايه مع جوزك ياهند
هند 
الحمد لله يامرات ابويا اديني عايشة هعمل ايه يعني
سعدية 
هو لسه الموكوس ده مش عارف يجيب لك شقه تسكنو فيها بدل الحق اللي انتو عايشين فيه ده
هند 
لا مش ناوي وبعدين هو هيجيب منين يامرات ابويا مانتي عارفة إبراهيم علي اد حاله والقرش اللي بيجيبو بيروح على مصاريف البيت ويدوبك مكفي بالعافيه وبعدين مش هو ده اللي انتي 
صممتي عليه ولا اي خليني ساكته الله يخليكي
سعدية 
مانتي يابت لو ناصحة كنتي تعرفي تحوشي من وراه انما انتي اللي خايبه هاقول ايه بقا
هند 
بقولك ايه انا مش نقصاكي خليني قاعده الشوية اللي قاعداهم معاكي انتي وابويا عشان ارجع البيت بطلي كلامك ده
سعدية 
يابت وهو انا قولت حاجة ده انا بنصحك ياموكوسة مش اكتر ده انتي بت وش فقر
ورجعت هند البيت وعدت الايام وهند ولدت تؤام تاني ومرات ابوها قالت
سعديه 
مشاء الله عليكي ياهند مش بتجيبي غير بالتوأم
الحما 
ياختي قولي مشاء الله تبارك الله ربنا يبارك فيهم ويحفظهم جرا ايه ياسعدية هو انتي جايه تقري على البت ولا ايه
سعدية 
لا ياختي ولا جاية أقر ولا حاجة انا بس بقول ياعيني على إبراهيم هيجيب منين ولا منين ده شقيان وتعبان
الحما 
ربنا بيرزق ياسعدية مش احنا اللي هنرزق وادعيله ربنا يعينه عليهم ياختي
سعدية 
يارب يام إبراهيم هو انا اكره يعنى لما اشوف بنت جوزي عايشه متهنية في بيت جوزها
وفضلت سعدية قاعدة شوية ومشيت وهند كانت تحت عند حماتها بعد الولادة وقالت
هند 
انا خلصت الأربعين بتاعي ياحماتي انا هطلع الاوضه بقا عشان امجد يرتاح اصلي كنت حاسه انه مضايق من صوت العيال