جوزي _كامله_بقلم هويدا زغلول

انها تعبانة والصبح كنت سايبها عندها صداع
الام
وانت بيدخل عليك الدلع ده يامجدي امال لو كانت حبله كانت عملت فينا ايه وبعدين انتو صحيح مش ناوين تروحو تشوفو الدكتور عشان موضوع الحمل ده
مجدي
تاني ياما هتتكلمي في الموضوع ده بقولك ايه ياما كل شيء قسمة ونصيب واحنا مستنين فرج ربنا
وخرجت أمنية من الاوضه وقالت احضر لك الاكل يامجدي حالا هدخل احضره
مجدي
لا يا امنيه مش عايز اكل دلوقتي انا عايزك في موضوع مهم الأول موضوع يابت لو حصل هينقلنا نقله تانية خالص
أمنية
موضوع ايه ده يامجدي
مجدي بص لامه وقال لامنية طيب تعالي ندخل الاوضه ونتكلم
الام
ليه ياحبيبي هو الموضوع ده سر بينك انت والمحروسة ولا ايه
مجدي
لا سر ولا حاجة ياما بس هو موضوع كده خاص بمراتي
أمنية.
هو ايه الموضوع يامجدي ماتقول وخلاص
مجدي
انت هتقعلي النقاب ده يا أمنية
أمنية
نعمممم انت بتقول ايه يامجدي اقلع النقاب يعنى ايه لا طبعا ده لايمكن يحصل ابدا
مجدي
اسمعي بس ياحبيبتي هو مش المفروض انه مش فرض عليكي تلبسيه يعني الحجاب هو اللي فرض انما النقاب لا
أمنية
انت عايز ايه بالظبط يامجدي وعايزني اقلعه ليه بقا
مجدي
بصراحه كده في شغلانة حلوه ليكي وهناكل منها الشهد وانا قولت اكيد أمنية هتوافق وتقف جنبي وكده
الام
ودي شغلانة ايه دي يابني اللي هتخلي مراتك تجيب لك فلوس كتير
مجدي
هتشتغل موديل ياما موديل
الام
مووو ايه ياعين امك يعني ايه ياخويا كلمني عربي عشان انا مش فاهمة حاجة من كلامك ده
مجدي
هتشتغل موديل يعنى في واحد صاحبنا عنده مصنع وعايز واحده امورة وحلوه تعرض له الملابس بس تكون بوشها مش منتقبة وبصراحة كده انا مفيش احلى من مراتي
أمنية قامت وقفت وقالت انت بتقول ايه يامجدي انت اټجننت ولا ايه
الحما
جن لما يلهفك يابت انا ابني اټجنن ايه كلامك ده
مجدي
استني انتي ياما انا بتكلم انا وهي لحظة بس
الام
لحظه ايه يامجدي يعنى بقا هي تغلط فيك وتسكت لها كده
مجدي 
اسمعي يا أمنية انا بقول لك انتي لازم تقلعي النقاب واظن من حقي انا جوزك وانت المفروض انك تسمعي الكلام صح ولا لا
أمنية 
اسمع كلامك في كل حاجة يامجدي الا اني اعصي ربنا
الحما 
وهو قالك انك هتعصي ربنا وتمشي في البطال ولا تمشي في البطال ياختي
أمنية 
اومال اللي ابنك بيطلبه مني ده اسمة ايه ياماما يعنى ايه عايزني ابقي عارضة ازياء ازاى يرضى لمراتة كده
مجدي 
وهو انا عايزك تبقى عارضة ازياء وتقلعي هدومك يا أمنية لا طبعا انا راجل ومرضاش لأهل بيتي كده انتي هتعرضي الملابس بهدوم محترمة وحجاب
أمنية 
ااه البس واحط ميكب ومكياج واتصور والناس كلها تتفرج عليا مش هو ده اللي انت عايزه يامجدي
مجدي 
مانتي هتعملي كده فعلا بس هتكوني باحترامك يا أمنية ومحدش هيطلب منك انك تحطي ميكب ومكياج ومسخرة من دي انتي ياحبيبتي وشك زي القمر ومش محتاج حاجة خالص
أمنية 
تمام يعني انت هترضي لمراتك انها تعرض وشها عشان الناس تعرف انك متجوز واحده زي القمر وحلوه وبس
مجدي
لا طبعا يا أمنية مش هرضي ان مراتي تعرض نفسها قدام الناس وقولت لك انك هتبقي باحترامك انا عايز اعمل كده عشان نزود دخلنا ولما يبقا معانا فلوس هنروح لدكتور النسا عشان نشوف موضوع الحمل اللي اتأخر ده
الام
ايوه كده يسلم فومك ياحبيبي انا نفسي اشيل عيالك والله يا مجدي قبل ماروح
مجدي
بعد الشړ عليكي يا أمي ربنا يخليكي لينا ويطول في عمرك ها قولتي ايه يا أمنية هتقعلي النقاب وناخد بعضنا ونروح بكره للراجل ماشي
أمنية
لا يامجدي انا مش موافقه اني اقلع النقاب اللي فضلت طول عمري لابساه