يوم سبوع بنتي

ما اقصدش طبعا بحبك ولو ما كنتش بحبك ما كنتش اتجوزتك بس دي مراتي وبالعشره وام ابني ما احبش حد يتكلم عنها بالۏحش كل واحد فيكم يبقى في حاله منعا للمشاكل
الاب
جوزك معاه حق يا رقيه هو ما غلطش في حاجه
وانت يا ام رقيه خليك في حالك ما لكيش دعوه بالموضوع دي
الام
حاضر انا مش هتكلم
كلهم سكتوا ورقيه كانت مټعصبه
في السوق كانت ماشيه سماح وقابلت واحده جارتها
سماح
ازيك يا ام عبد الله عامله ايه
ام عبد الله
الحمد لله يا اختي انت عامله ايه عرفت اللي حصل
سماح
ايه اللي حصل يا وليه ما سمعتش حاجه
ام عبد الله
مش ضرتك ولدت امبارح وجوزك جري بيها على المستشفى الساعه 200 بالليل وسمعت يعني ان جوزك هيعمل عقيقه وهيعمل سبوع كبير عشان خاطر البنت دي
سماح بغيظ
طب ما تعرفيش مكان المستشفى اللي ولدت فيها ما انا لازم اروح اعمل الواجب
ام عبد الله
لا يا اختي هي المستشفى الطوارئ اللي هنا راحوا عليها تقريبا على طول
سماح بغيظ
ماشي يا ام عبد الله اشوفك بعدين
سماح سابتها ومشت وقالت في نفسها
انا بقى مش هخليكم تتهنوا بحاجه مش انا اللي تعملوا معايا كده بعد عشره العمر دي كلها يروح يتجوز عليا صاحبه عمري وېغدر بيا ماشي يا فوزي ما حړقت قلبك على بنتك دي ما بقاش انا سماح
سماح راحت على المستشفى وسالت على رقيه وطلعت موجوده في المستشفى طلعت الاوضه 
وفتحت باب الاوضه وقالت
مش كنت تقولي لي علشان اقف جنبك يا رقيه بدل ما تبقي لوحدك يقطعني ازيك يا ام رقيه ازيك يا عمي ما طلعتيش لوحدك بس الوقفه لما تيجي من الصحاب حاجه ثانيه
فوزي
انت عرفتي منين ان هي ولدت احنا ما قلناش لحد
سماح
حتى لو ما قلتوش ما انا اكيد هعرف قابلت جارتكم ام عبد الله وقالت لي قلت لازم اجي اعمل الواجب برده حتى احنا بينا عشره عمر ولا ايه يا رقيه
رقيه
عايزه ايه يا سماح
سماح
اخص عليك وانا هعوز منك ايه يعني انا جايه اطمن عليك واشوفك واشوف النونه الا سميتوها ايه بقى
فوزي
سميناها هويدا يا سماح روحي انت علشان ما تتاخريش على ادم وتسيبيه لوحده
سماح
بقى انا اقول عايزني امشي من غير ما اشوف البنت واطمن عليها حتى تبقى قله اصل منه
رقيه
البنت مش هيخرجوها دلوقتي علشان ما تعطليش نفسك
سماح
لا ما فيش عطله ولا حاجه انا هفضل قاعده لغايه ما البنت تيجي واشوفها اطمن عليها
كلهم سكتوا بغيظ
سماح
انا سمعت يا فوزي انك هتعمل عقيقه الا ما عملتهاش مع ابنك اللي كنت هتطلقني لو ما كنتش جبت الواد جاي دلوقتي تعمل عقيقه للبنت
فوزي
خليك في حالك يا سماح وما تتدخليش اللي ما لكيش فيه اعمل عقيقه للواد للبنت انا حر
سماح
يا اخويا ما تقفش قوي كده اصل اللي يشوفك وانت فرحان قوي بالبنت ما يقولش انك كنت هتطلقني لو كنت جبت بنت
رقيه بكيد
واحده عن واحده تفرق يعني هو علشان بيحبني متقبل مني بنت ولد مش فارقه المهم انا وهتيجي مني انا لكن لما يبقى جواز عادي صالونات يحكم رايه براحته مش فارق معايا يطلقك او لا
سماح بغيظ
بقول لك ايه يا خطفت الرجاله انت لمي لسانك احسن لك ولا نسيتي نفسك
الام
انت ازاي تتكلمي مع بنتي كده وبعدين يا حبيبتي ما حدش قال لي جوزك يروح يتجوز عليك انا بنتي تقدم لها راجل شوفناه مناسب وافقنا عليه الدور والباقي عليك انت بقى
فوزي
سماح خدي بعضك وروحي ما فيش داعي لوجودك هنا
سماح
بقى كده يا فوزي ماشي انت حر