مرات ابويا كامله بقلم هويدا زغلول

ماما يعني تقولي لي يا ماما
وردة
وانا بقا ابقي وردة ودي اختي فله اعتبرينا اخواتك راحت وردة مسكاها من شعرها جامد وقالت
هو ده شعرك ولا باروكة
فله
دي اكيد باروكة ياورده هو في واحدة عندها شعر بالحلاوة دي وريني كده وراحت فله شداها منه نهلة سرخت وقالت
ااه ااه في ايه انتي وهي ده فعلا شعري سيبي
عزيزة عشان تعدي الموقف قالت
عزيزه
هاها مشاء الله ما بس يابت انتي وهي سيبو اختكم معلش يا نهلة البنات بيهزروا معاكي بس مش اكتر
نهلة ردت بقرف وقالت
لا ابدا مفيش حاجة حصل خير
حامد 
واضح ان ورده وفله دمهم خفيف اوي يانهلة وهيسلوكي جدا
نهلة بتريقة 
ااه واضح اوي
ورده 
طيب فين ياعمو الاوضة اللي هنقعد فيها انا واختي فله عشان عايزة اغير هدومي
حامد 
اهيه ياحبيبتي الاوضه اللي هناك دي روحي دخلي فيها شنطك انتي واختك يلا
فله. 
امال دي تبقي اوضتك انتي يانهلة انا عايزة اتفرج عليها كده ودخلت اوضتة نهلة والاوضة اللي هتقعد فيها هي واختها وقالت
ايه ده اشمعني يعني اوضة نهلة دي واسعه وحلو وبتبص على الشارع واحنا اوضتنا مكتومة وضيقة وبعيد عن الشارع انا عايزة الاوضه دي
نهلة 
لا طبعا دي اوضتي وانا مش هسيبها ابدا
فله. 
خلاص نقعد انا واختي معاكي
نهلة 
لا ولا بحب حد يقعد معايا في اوضتي ويمسك حاجتي بابا ماتقول حاجة
حامد 
يابنات الاوضه بتاعت نهلة مش هينفع حد يقعد معاها فيها أصلها بتحب تنام لوحدها
ورده 
ااه طيب على العموم هناخد الاوضه التانيه ولما تبقى بتاعتنا هنبقا ناخد الاوضه دي
حامد 
انتي بتقولي ايه
عزيزة عشان تداري على الموقف قالت 
ههههه يوه جتك ايه ياوردة ماحنا هنعيش مع عمكم حامد في بيته بتاعه وهو بتاعنا برضو البت بتهزر ياسي حامد متاخدش في بالك
حامد 
ااه ياحبيبتي اعتبري البيت بيتكم انتي واختك وماما طبعا
نهلة استغربت من تصرفاتهم وقالت 
انا داخله اوضتي يابابا عن اذنكم
ورده بصتلها بقرف وقالت لفله في ودنها
ورده 
البت دي شكلها مناخيرها في السما وشايفه نفسها اوي يابت يافله
فله 
سبيها والنبي لنكسر لها مناخيرها دي اتكي على الصبر بس
حامد
ما تقومو يابنات تدخلو اوضتكم كده وتغيرو هدومكم وانتي يا عزيزة يلا ندخل اوضتنا
عزيزة بدلع
حاضر ياسي حامد اللي تشوفه يلا بينا
وعند نهلة في اوضتها كانت قاعده بتكلم رنا صاحبتها وقالت لها
نهله 
انا مش عارفة الست اللي باباها جابها دي يارنا شكلهم غريب اوي وتصرفاتهم تصوري فضلو يشدو في شعري ومفكرينو باروكة
رنا 
هههههه انتي بتتكلمي بجد يا نهلة فعلا عملو كده
نهلة 
اه والله زي ما بقولك كده يا رنا لا وشكلهم عامل زي ريا وسکينة لا بكيزة وزغلول متعرفيش ملهومش شكل استغفر الله العظيم انا مش عايزة اعيب
رنا 
الله يكون في عونك يا نهلة ياحبيبتي المهم قولي لي عملتي ايه في المحاضرة بتاعت امبارح انتي فهمتي حاجة من الدكتور اللي دخلنا ده
نهلة 
بصراحة لا مفهمتش حاجة بس انا بقول...... وفجأة لقت باب الاوضة بيتفتح عليها ودخلت فله عليها ونهلة قالت
نهله 
ايه ده في ايه انتي ازاى تدخلي عليا كده من غير ما تخبطي اقفلي يارنا دلوقتي وانا هكلمك بعدين
فله 
يعني عملت نفسك بتكلمي واحدة صاحبتك لما شوفتني ههههه بلاش يابت الحركات دي
نهلة 
حركات ايه وبتاع ايه انتي ايه الكلام اللي انتي بتقولية ده اتفضلي اخرجي بره ولو سمحتي بعد كده لما تحبي تدخلي عندي تخبطي الأول
فله 
هو يعنى دخلت عليكي المحاضره انا داخله الاوضة عادي ياختي مفيهاش حاجة وبعدين متقلقيش مش هاقول لحد انك بتكلمي شباب في التليفون ولما شوفتيني عملتي نفسك بتكلمي واحدة صاحبتك
نهلة 
انتي باين عليكي مچنونة ودماغك مفوتة اتفضلي اطلعي برة بررررة
حامد في اوضتة هو وعزيزة قال 
هو في ايه نهلة بنتي بتزعق ليه تعالي نشوف في ايه وخرج من الاوضة وسمع فله بتقول لنهلة 
انتي طلعتي بت مش سهلة وبجحة وعينك يندب فيها رصاصة يابت
حامد 
هو في ايه يابنات في ايه يانهلة ايه اللي حصل
فله 
تعالي ياعمو حامد شوف بنتك المتربية شوف بتعمل ايه من وراك
حامد 
بتعمل ايه يافله وايه الكلام اللي بتقوليه ده
فله 
دخلت عليها اوضتها لقيتها بتكلم شاب فيديو وهي قاعدة بلبس البيت المكشوف ده واول لما شافتني عملت نفسها بتكلم واحده صاحبتها
نهلة اټصدمت وقالت 
انتي كدابة يخربيتك ايه الكلام ده متصدقهاش يا بابا دي كدابة انا كنت بكلم رنا صاحبتي ما انت عارفها ولقيتها داخلة عليا من غير استذأن
عزيزة 
انا بنتي