جوزي وامي كامله بقلم هويدا زغلول
انك زعلتيها والنبي دي ماما حتى دايما بتشكر فيكي وبتقول عليكي مامتها
الجده
بصي ياسارة امك بقت عصبية اوي ومبقتش بتستحمل كلمة مني وكل ما اقول حاجة تتعصب عليا
سارة
معلش ياتيتة دي من عشمها فيكي بس هي هتقعد عندي يومين بس وبعدين هتجيلك بس عشان خاطري متزعليهاش منك
وسبت تيتة ورجعت البيت لقيت ماما قاعده هي وعمر وجوزي وهما عمالين يهزرو ويضحكو وماما كانت لبسه لبس بيت ضيق عليها دخلت وقولت
فايزة
جوزك ده دمه زي العسل يابت ياسارة ده بيضحكني ضحك تعالي اقعدي معانا تعالي
سارة
والله ياماما انا عارفة ان عمر طول عمره دمه خفيف بس مبقاش بيهزر معايا زي الاول ولا بيضحكني كده زي ما بيضحكك
عمر
يعني هو انتي بتديني فرصة ياسارة انتي علطول قالبه لي على الوش الخشب ومش بعرف اتكلم معاكي
ياسلام ولما ماما جات لقيت حد تهزر معاه ماشي ياعمر
عمر
انتي زعلتي ياقلبي ده انا بهزر معاكي متزعليش مني
سارة
خلاص مش زعلانة
فايزة
انتي جيتي كده وماقولتيش عملتي ايه جدتك قالتلك ايه زمانها قالت لك بركة ياجامع ان امك مشيت ومش راجعة
سارة
بالعكس بقا ياماما دي زعلانة عشان انتي مشيتي وسبتيها وقالت انك بتتعصبي عليها علطول والله ياماما انا شايفة انه تيتة طيبة وقلبها ابيض
ابيض ولا احمر انا مش هرجع لها الوليه دي وخلاص ياسارة همشي طالما انتي مش عايزاني عندك هنا
سارة
ياماما هو انا قولتلك انك تمشي من هنا بالعكس بقا انا فرحانة انك معانا هنا ومش قصدي حاجة
فايزة
لا ياسارة انتي عايزاني امشي كلامك عن جدتك بيبن كده انا همشي خلاص
وسابتهم ودخلت جوه وعمر قالي
في ايه ياسارة اللي انتي عملتي ده بتزعلي مامتك ليه كده مامتك قاعدة هنا ومنورانا
وهو انا قولت كده برضو ياعمر غلط في ايه انا بس
عمر
طريقتك وضحت لها انك مش عايزاها في بيتك ادخلي بقا وصالحيها بكلمتين يلا متخليهاش تزعل منك
ودخلت لماما لقيتها بتلم هدومها قولت لها
انتي بتعملي ايه ياماما بتلمي هدومك ليه والنبي ياماما اقعدي انا مكنش قصدي والله
فايزة
لا انا همشي هرجع لجدتك عشان ترتاحي مني انتي اصلا مش عايزاني عندك
والله ماقصد حاجة ابدا انا مقصدش ازعلك ياماما خلاص بقا عشان خاطري فضي هدومك من الشنطة بقا وخليكي
فايزة
خلاص ياسارة خلاص روحي بقا اعملي لي فنجان قهوة عشان جالي صداع يلا
سارة
من عنيا ياست الكل احلى قهوة ليكي حالا
وعدت ايام وماما قاعده عندي ومره لقيتها خارجة من الاوضة ولبسه قميص قصير قولت لها
ايه ده ياماما ايه اللي انتي لبساه ده عمر زمانة راجع من الشغل يشوفك بالمنظر ده
مالو لبسي ياسارة يعنى في ايه لبسي عشان تكلميني كده
سارة
ياماما بقولك عمر زمانة راجع عايزاه يشوفك كده
فايزة
انا مش عارفة انتي بتحاسبيني ليه ياسارة هو انتي كل شوية هتزعقي فيا عشان تمشيني من عندك
سارة
والله ما اقصد خلاص خليكي براحتك انا مش هتكلم معاكي تاني اعملي اللي تعمليه وسبتها ودخلت المطبخ
فايزة
هو ايه ياختي ده هي البت دي بتعمل كده ليه الجو حر عايزاني البس ايه في الجو ده مش فاهمة انا والنبي ده خساره فيها جوزها
وبعد شوية رجع عمر وقالها
مسا الخير يا احلى حما في الدنيا
فايزة
مساء الورد على عيونك يا عمر اتاخرت ليه كده النهارده تصدق قلقت عليك
عمر
تصدقي بنتك عمرها ماقالت لي اتاخرت ليه وقالت لي انها قلقانة عليا ربنا يخليكي ليا ياست الكل
فايزة
تسلملي ياجوز بنتي ياغالي انت منحرمش منك
وخرجت من المطبخ لقيتة بيقولي
شوفتي الناس الحلوه حماتي الغالية بتقولي ايه ده لسانها بينقط سكر والله
سارة بضيق
طيب الغدا جاهز يلا عشان نتغدا
عمر
ياساتر مالك ياسارة قالبة وشك ليه كده في ايه
سارة
مفيش ياعمر وانا مش قالبة وشي ولا حاجة انا كويسه اهو يلا الاكل هيبرد
واعدنا ناكل لقيت ماما وعمر قاعدين يهزرو مع بعض اوي خلصنا اكل وقولت
انا هدخل المطبخ اغسل المواعين
فايزة
اسمع ياعمر مراتك زهقانة مني وانا عارفة كده كويس فياريت بقا تشوف لي الشقه اللي قولت لك عليها خلينا نخلص
عمر
انتي مش هتمشي من هنا ياحماتي انتي قاعدة هنا في بيتي متاخديش في بالك تصرفات سارة بنتك معلش
فايزة بخبث
لا ياعمر لا انا من ساعت ماجيت هنا وانا حاسه انها مش طيقاني انا برضو ليا كرامة
عمر
خلاص
