جوزي وامي كامله بقلم هويدا زغلول

وقبل ما بدا حكايتي اعرفكم بنفسي انا اسمي سارة عندي 28 سنه متجوزة وعندي بنت عندها 4 سنين
وفي يوم كنت نايمة بعد ما جوزي راح الشغل الصبح لقيت جرس الباب بيرن فتحت لقيت ماما جاتلي قالت لي
الام صباح الخير ياسارة ايه ياحبيبتي انتي لسه نايمة
سارة
اه ياماما نمت بعد ما عمر نزل الشغل بتاعه هو احنا امتى دلوقتي

فايزة
احنا الضهر ياحبيبتي اوعي كده خليني اقعد مالك واقفه كده ليه هو انتي يا بت بقيتي غم نوم 
ليه كده وبعدها راحت اقعد وساره
سارة
امممم مامنتش طول الليل البت هايدي منامتش وكانت مسهراني جنبها طول الليل
فايزة
امال جوزك بينام ازاى وبيصحي يروح شغله ازاى منك انتي وبنتك
سارة
مانا بسيب له الاوضة وبروح اقعد انا وهي في اوضة الأطفال
فايزة
ااه طيب ياحبيبتي انا جبت هدومي عشان اقعد عندكم كام يوم اصلي اتخانقت مع حماتي وسبتلها البيت
سارة
تاني ياماما هو انتو كل يوم تتخانقو انتي وتيتة علطول عاملين مشاكل مع بعض كده
فايزة
اعمل ايه ياسارة المرحوم ابوكي راح وسابني مع أمه عشان jكرهني في عيشتي يابنتي
سارة
هي تيتة مش قادرة تنسي بقا انها حما وتعاملك كويس
فايزة
هي مين دي اللي تعاملني كويس دي وليه اعوزو بالله منها مفترية وقادرة بورية منها
سارة
خلاص ياحبيبتي متزعليش نفسك بقا خليكي اقعده معانا هنا اهو بيتي بيتك برضو
فايزة
اه بس خاېفة لعمر جوزك يتضايق ولا حاجة ياسارة
سارة
يتضايق ايه بس ياماما ده حتى عمر بيعزك اوي وبيعتبرك زي مامتة بالظبط
فايزة
طيب ربنا يستر لما نشوف بقا لما يرجع هايقول ايه
سارة
مش هيقول حاجة ادخلي انتي بس غيري هدومك كده وارتاحي لحد ماحضر الغدا
ودخلت ماما الاوضة وقلعت هدومها واخر النهار رجع عمر وقالي
سوسو حبيبتى خودي جبتلك شوية فاكهة اغسليها بقا وحطيها في التلاجة
سارة
كويس انك جبت فاكهة ياحبيبي اصل ماما هنا عندنا
عمر
بجد مامتك عندنا طيب مش تقولي عشان ادخل اسلم عليها
سارة
اهي جوه ادخلها
ودخل عمر عند ماما وقال
اهلا وسهلا ياحماتي منورة عندنا هنا والله أنا بقول لسارة كانت تعرفني عشان كنت جبت حاجة حلوه معايا انا مجبتش الا فاكهة بس
فايزة
ولا يهمك ياعمر وبعدين هو انا غريبة يعنى ياحبيبي انا بس معلش هقعد معاكم كام يوم بس لحد ماشوف مكان اروحة لاني بعيد عنك اتخانقت مع حماتي جدت سارة
عمر
انتي قاعده منورانا ياحماتي اقعدي براحتك انشالله تفضلي معانا علطول انتي في مقام ماما برضو
فايزة
تسلم ياحبيبي انا بس كنت عايزاك تشوفلي شقة كده صغيرة تكون حتى قريبة منكم هنا عشان ابقي اعرف اروح واجي على سارة بنتي
عمر
من عنيا ياحماتي اشوفلك حاضر بس انا مش عايزك تشغلي بالك انتي تفضلي عندنا بس دلوقتي
ودخلت سارة قالت
يلا الاكل جاهز ياماما يلا ياعمر
فايزة
انا قولت لجوزك يشوفلي شقه بالايجار اهو ياسارة عشان هطلع اقعد فيها
سارة
معقولة الكلام ده ياماما انتي هتسيبي تيتة وتعيشي لوحدك
فايزة
وفيها ايه يعني ياسارة هو انا هتخطف انا عايزة ابعد الوليه جدتك دي وقرفها دي بقت تخنق
عمر
ههههه معلش ياحماتي وبعدين انتي السن بقا وليه حكمة وتيتة كبرت واكيد مش عارفة تصرفاتها ايه
فايزة
لا لا ياعمر سن ايه يابنتي دي بقت لا تطاق يبقا البعد عنها احسن
عمر
ربنا يهدي الحال يارب وبعدين انتي عايزاها تقلب عليا لما تعرف اني انا جبتلك شقه تانية
فايزة
ولا هتقلب ولا حاجة هي اصلا مش عايزاني معاها انا عارفة دماغها كويس الست دي دي حماتي من زمان بقا
عمر
معلش ان شاء الله ربنا يهديها وتبقى كويسة
سارة
انا بفكر اروح ازورها واتكلم معاها يمكن ربنا يهديها ياماما اصل انت الاتنين ملكوش الا بعض برضو
فايزة
بقولك ايه يا سارة متقلبيش دماغي عايزة تروحي لها روحي هي جدتك برضو والمفروض توديها بس متجبلهاش سيرتي
عمر
طيب شوفي هتروحي امتى ياسارة عشان ابقي اجي معاكي
سارة
لا انت تفضل هنا مع ماما وكمان عشان اسيب هايدي معاكم انا هاروح وارجع علطول
وتاني يوم رحت عند تيتة وقولتلها
ازيك يا تيتة عاملة ايه انا قولت اجي اشوفك واطمن عليكي
الجده
عامله ايه يا سارة وجوزك وبنتك مجوش معاكي ليه
سارة
معلش ياتيتة هبقا اجي انا وعمر وهجيب هايدي كمان مره تانية انتي عاملة ومزعله ماما ليه ياتيتة
الجده
انا ياسارة انا هزعلها ربنا يعلم فايزة دي طول عمرها زي بنتي وبعاملها زي بنتي هي قالت لك ايه ياسارة
سارة
هي مقالتش حاجة بس هي بتقول