ذئاب الجبل الاخيره للكاتب حماده فاروق هاشم 

ويقول... 
انت متعور ياعربي.... 
حوصل حاجه بينك وبين علوان.... 
العربي يرد... 
محصلش حاجه يا حالصول نفادي... 
احنا دلقيت جايين نقدمو بلاغ اف علوان.... 
الصول نفادي... 
بلاغ... وفي علوان.... 
العربي.... 
ايوة.... 
اټهجم علي دار نعمه وخد دبور عافيه من اهناك... 
وواضح اكده والله اعلم نيته مش صافيه.... 
الصول نفادي...
طيب اقعد اقعد... 
اني عارف كل حاجه... 
العربي... مستغرب... 
عارف.... عارف كيف يعني.... 
الصول نفادي.... 
عصام بيه عيشك ف احوال علوان الايام اللي فاتت... 
وعشان اكده خلاني اراقب علوان... 
وشوفته لما راح دار نعمه واخد دبور من هناك.... 
ورجعت بلغت عصام بيه.... 
وقالي... حاول تعرف ايه الحكايه.... 
وانا دلوكيت افهمت منيك... 
بس تفتكر ليه علوان نيته موش زينه ياعربي.... 
العربي.... 
اني عارف علوان زين ياحالصول نفادى... 
واللي حوصل لدبور ده واللي هو فيه اني شاكك في علوان هو السبب... 
الصول نفادى مستغرب.... 
طب لييييه... 
اي موصلحة علوان ف اكده.... 
ليه يعمل اكده ف دبور..... 
العربي.... 
زى ماعمل في الشيخ بدار الله يرحمه وعمل في البدرى ولده... 
علوان عشان يوصل لغرضه عيزيح الكل من سكته... 
اني خابر علوان زين.... 
بس والله.... والله ف سماه لو دبور حصله حاجه عفشه لكون طابق في زمارة رقبته ومخلص عليه.... 
الصول نفادي يمسك التلفون ويقول.... 
لازم عصام بيه يعرف اللي حصل... 
انا هبلغه وهو هيقولي نعملو ايه... 
ويمسك الصول نفادي السماعه ويتصل بالضابط عصام.... 
المشهد... الاسكندريه... الصبح... 
البدري نايم عالسرير جمب نورا ويصحي ويبص حواليه ويقوم من علي السرير ويبص في الساعه ويلاقي الساعه 7 صباحا... 
يقوم البدرى بسرعه ويلبس الروب ويطلع من اوضة النوم وتقوم نورا علي صوت الباب.... 
البدري خرج من الشقه وطلع للمعلم حسني.... 
البدري يخبط علي المعلم حسني ويفتح حسني الباب.... 
حسني.... 
بدرى.... صباح الخير يا بدرى.... 
البدرى يدخل... 
جرى ايه ياعربي.... 
مش وصيتك اول ما عزوز ودبور ياجو تبلغني علطول.... 
مبلغتنيش ليه....هم فين..... 
المعلم حسني ساكت ومش بيتكلم.... 
البدرى.... 
باه....ماترد ياحسني... سايبني اتحددت مع روحي....
فين هم..... 
المعلم حسني... 
لسه موصلوش يابدري.... 
البدري.... 
لسه موصلوش.... 
كيف ده ياحسني.. 
الساعه داخله علي 8 الصبح.... 
وانت قولت هيكونو هنا الفجريه.... 
المعلم حسني... 
مخابرش.... مخابرش يابدري.... 
البدرى... 
مخابرشي.... مخابرشي كيف ياحسني.... 
المعلم حسني.... 
انا هلبس وهنزل علي المينا... 
وهتصل واسال علي عزوز اتأخر تكده ليه.... 
البدري.... 
انا قلبي مش مطمن ياحسني... 
اكيد حصل حاجه عفشه.... 
المعلم حسني.... 
قدم الخير يابدرى ياواد عمي... 
ربنا ميجبش حاجه عفشه... 
انا هروح عالمينا وهتصل بعزوز وهنعرف كل حاجه.... 
يقوم البدرى.... 
طب يلا.... يلا ياحسني احياة ابوك.... 
انا هنزل اغير هدومي وانزل علي المكتب.... 
وهستني منيك تفلون.... 
المعلم حسني... 
طيب... طيب ياواد عمي.... 
مؤلف القصه
حماده فاروق هاشم...
المشهد.... بهتون..دار نعمه.... 
نعمه قاعده جمبها... 
نعمه... 
كيفك دلقيت ياخاله لبيبه.... 
الخاله لبيبه... 
اني زينه... زينه يابتي... 
دبور... دبور يانعمه.... 
نعمه... 
ماله دبور ياخاله لبيبه... 
الخاله لبيبه.... 
متهمليش دبور لعلوان يانعمه... 
اني قلبي مش مستريح... قلبي عياكلني علي دبور يابتي.... 
نعمه... 
دبور عند علوان ياخاله لبيبه... 
مټخافيش ياخاله.... 
الخاله لبيبه... 
مهو ده اللي مخوفني يا نعمه... 
وفي اللحظه دى الباب يخبط وتروح نعمه تفتح الباب... 
العربي واقف علي الباب... 
نعمه تشوف العربي وتصرخ... 
كيفك ياعربي.... كيفك ياخوي.... 
مال دراعك.... انت متعور.... 
حصل ايه ياخوى.... 
العربي.... 
محصلش.... محصلش يانعمه.... 
نعمه... 
حصل حاجه بينك وبين علوان ياعربي... قول... قول ياخوى.... 
العربي.... 
قولتلك محصلش حاجه يانعمه.... 
اني عرفت ان علوان كان اهنه في العشيه وخد دبور....هملتيه ليه يانعمه.. 
نعمه تبص في الارض ومش بتتكلم.... 
العربي.... 
ما تونطقي يانعمه... هملتيه ليه.... 
نعمه.... 
باه ياعربي.... واد عمه وخده يقعد عنديه.... حصل ايه يعني.... 
العربي....
لساكي عتدافعي عنيه يانعمه.... 
كل ده.... ولساكي زى مانتي.... 
وتطلع الخاله لبيبه من الاوضه وبتتسند علي الحيطه ويشوفها العربي ويجري عليها.... 
العربي يمسكها.... 
باه... خاله لبيبه... ماالك... مالك ياخاله.... ايه اللي عمل فيكي اكده..... 
الخاله لبيبه.... 
علوااان.... علوان ياعربي.... 
العربي ڠضبان.... 
علوان.... علوان....وحصلت يدك تتمد علي الولايا يا علوان..... 
الخاله لبيبه.... 
دبور.... دبور ياعربي.... 
متهملشي واد عمك لوحديه ياعربي يا ولدى........ 
العربي...
واخرتها امعاك ياعلوان الكلب... 
طيب.... طيييييب
المشهد... دار علوان..... 
علوان في داره صاحي من بدرى وخلي مراته تعمل الفطار وياخده بنفسه وينزل بيه لدبور في الاوضه اللي قاعد فيها.... 
علوان يدخل بالفطار ودبور قاعد علي الكرسي ومغمض عنيه ونايم.... 
علوان يقرب من دبور وماسك صينية الفطار وبيتكلم.... 
علوان يضحك ضحكته الخبيثه... 
والله وهتوحشني يادبور.... 
وهوكلك بيدي اخر فطور عتفطره.... 
والله خسارتك في المۏت يا دبور.... 
خسارتك ياواد عمي.....
ويصحي علوان في دبور... 
دبور.... دبور ياواد عمي.... 
اصحي.... اصحي يادبور.... 
الفطور.... 
هوكلك بيدي.... 
ويصحي دبور وعلوان يقعد جمبه ويحط الصينيه ويبدأ يأكل فيه.... 
المشهد.... اسكندريه... 
عزوز بيتصل بالمعلم حسني وبيحكيلو اللي حصل وسبب تأخيره في الرد عليه واللي عمله علوان.... 
المعلم حسني يخلص المكالمه مع عزوز ويتصل علي البدري في المكتب.... 
التلفون بيرن ومحدش بيرد.... 
يقوم المعلم حسني وينزل من سلم المكتب ويروح للبدري في الموقع... 
المعلم حسني ينزل من العربيه قدام المشروع.... 
البدري واقف