ذئاب الجبل _الخامسه _

في ايه عاد... 
لبيبه... 
مفيش... مفيش ياعلوان.... وتبص بعيد... 
علوان... 
شوف الوليه تكلمني كيف... 
طب عليا النعمه.... 
وتدخل نعمه... 
خبر ايه يا علوان... في ايه.... 
علوان.... 
الوليه الشوم دى عتطلعلي وكني عامل عمله.... 
نعمه.... 
روحي ياخاله لبيبه روحي انتي دلقيت.... 
علوان.... 
فينه دبور يانعمه... عايز اطمن عليه... 
نعمه... واه لساك فاكر دبور ياعلوان والله زين انك فاكره.... 
علوان... 
اباي... جري اي يانعمه حتي انتي كماني.... 
نعمه... قوصرة عاد.... 
دبور جوة في المونضره.... 
ويدخل علوان ويفتح الباب ودبور قاعد علي الكرسي... 
علوان يقرب من دبور...ويبص ليه... 
اذيك يا واد عمي.... 
دبور يبص لعلوان وعنيه بتقول كلام كتير....لكن لا قادر ينطق ولا يتحرك.... 
علوان.... يقرب منه اكتر.... 
ويقول... اني خابر زين انت عتقول ايه من جواك يا دبور.... 
وخابر كمان لو كوت بصحتك كوت عتعمل فيا ايه.... 
لكن هنقول ايه عاد... ربنا رايد انك تبقي اكده.... 
وبعدين عاد انت السبب في اللي انت فيه ده.... 
البت مكنتش عتحبك ولا كانت رايداك.... 
كانت عتحبني اني.... 
واتجوزتها علي سنة الله ورسوله.... 
دبور بيسمع الكلام وعنيه بتطق شرار وبتدمع في نفس الوقت.... 
نفسه ياخد حقه ويفش غله في علوان ولكن للاسف مينفعش بحالته دى.... 
علوان لسه بيسمع دبور كلام لو جبل كان اتهد وتدخل عليهم الخاله لبيبه وعلوان يبطل كلام.... 
ويبص للخاله لبيبه ويقول.... 
طيب يادبور... اني هعاود واطل عليك كل عشيه واي حاجه تعوزها ياواد عمي هعملهالك.... 
اني ليا مين غيرك يا واد عمي.... 
يلا.... سلام.... وبطلع من الاوضه والخاله لبيبه بتابعه بنظراتها وكانها حاسه بالاعيبه..... 
....................... 
المشهد.... الضابط عصام
المستشفي....
الضابط عصام في غرفته بعد ما طلع من العمليات ومعاه صديقه شريف..... 
حمدالله علي سلامتك يا عصام.... 
عامل ايه يا بطل..... 
يرد عصام.... 
الحمد لله.... انا تمام يا شريف 
المهم قولي..... قبضتو علي ابو دبيكي..... 
الضابط شريف.... 
للاسف يا عصام... قدر يهرب مننا... 
القوة اتلهت فيك وفي اصابتك وهو استغل الفرصه وهرب.... وكأن الجبل اتشق وبلعه.... 
مع اننا مشطنا الجبل بالكامل.... 
بس اكيد دخل مخبأ او مغاره واحنا مازلنا مراقبين المكان.... هيقع هيقع ان شاء الله.... 
المهم انت بس قوملنا بالسلامه.... 
الضابط عصام.... 
انا الحمد لله مفياش حآجه.... 
انا مش هيهدالي بال غير لما اقبض علي ابو دبيكي ده.... 
زى ما قبضت علي ابوة من خمس سنين..... 
هقبض عليه هو كمان..... 
الضابط شريف.... 
اه... عشان كده هو بيحاول ينتقم منك... تصفيه حسابات يعني.... 
الضابط عصام.... 
الناس دى للاسف مش فاهمين ومش مقتنعين ان البلد دي فيها حكومه... 
هم هنا فاهمين انهم كل حاجه... 
القاضي.... والجلاد.... وكل حاجه.... 
الضابط شريف.... 
طبعا يا عصام.... هي دى الصعيد ودى عوايدهم.... 
وزى مافيه ناس كتير ولاد اصول وولاد ناس.... 
فيه ناس برضو ولاد حرام..... 
الضابط عصام.... 
انا خدمت هنا من خمس سنين وكنت بحارب علشان امشي من البلد دى ولما وصلت لحلمي وروحت اسكندريه....
طلبت تاني ارجع مخصوص علشان اصحح اوضاع كنت مخطئ فيها ولازم اصححها ومش همشي من هنا غير لما ده يحصل.... 
الضابط شريف.... 
انا واثق من ده....هو فعلا اللي قدامي ده الضابط عصام... العنيد اللي مش بيرجع عن طريق مشي فيه مهما كان الطريق ده صعب وكله مخاطر.... 
ويقوم الضابط شريف ويقول... 
انا اطمنت عليك ومش هطول..... 
يومين كده وتخرج وتنور مكتبك وانا منتظرك لحد ما تسترد عافيتك باذن الله.... 
استأذن انا..... 
............................ 
دار علوان....... دبور...... 
دبور قاعد علي الكرسي المتحرك وعنيه بتجيب في دموع.... وبيفكر... 
اااااااه يادبوووور اااااه.... 
علوان الخسيس عيبص في عينك وعيقولك مهجه مكنتش عتحبك.... 
ااااااااااه يا مهجه ااااااااااه.... 
الدنيا من غيرك متسواش يامهجه.... 
والحياه من غيرك ضلااااام.... 
وعلوان.... اوعر من ديابة الجبل.... 
وعينه في عيني وانا مقادرشي المسه.... 
يامانفسي اطبق في زمارة رقبتو واطلعها بيدي دى واشرب من دمه.... 
يابوووووووووى..... 
الصبر من عندك ياااااااارب... 
صبرني ياااااااارب
...................... 
نقطة بهتون...... 
الضابط شريف قاعد علي المكتب وقدامه العربي واللي معاه.... 
ماشي خلاص تقدرو تروحو انتو دلوقت.... 
وبعد كده متبقوش تدخلو في حاجه زي دي.... يمكن لولاكم كنا قدرنا نسيطر عليهم.... 
العربي.... 
طيب يابيه.... اللي تؤمر بيه جنابك....... 
سلامو عليكو يابيه..... 
ويخرج العربي من النقطه.... 
يدخل العربي داره ويقعد علي الكنبه وبيفكرررر.... 
وبعدهالك عاد يا عربي.... 
هتفضل قاعد اكده وعتتفرج عاللي عيوحصل.... 
حتي بعد اللي عمله علوان.... 
واتجوز علي خيتك الغلبانه وعياخد اللي وراها واللي قدامها
وزاح الكل من قدامه... 
لساك عتركب راسك ياعربي.... 
لااااااه... انا هطربك الدنيا علي راسك ياعلوان... ومش ساكتلك واصل بعد اللي عملته وعتمله ده.... 
وبكره من النجمه هتدلي اسكندريه وعجيب البدري واد عمي في يدى..... 
ويانا يانت ياعلوان في هواره.... 
............ 
نهاية الحلقه.... 
والي لقاء في الحلقه القادمه ولقاء العربي مع البدري.... 
وياتري البدري هيرجع معاه ولا لا... 
وعلوان هيعمل ايه.... لما يلاقي نهايته قربت.....وهيغرز انيابه في مين المره دي.... 
ده اللي هنعرفو