امي وخالتي كامله
سنين في ثانوية عامة
نوال
الله قصدك ايه ياسامية ان بنتي فاشلة مانتي عارفه هي كانت بتسقط وبتعيد السنه ليه ماهو من المخفي ابوها اللي كان بيعاملني انا وهي ولا العبيد لحد مأثر على نفسيتها ياعين امها
إسراء
خلاص ياخالتو متزعليش ان شاء الله هتتوفق السنة دي وتدخل كلية محترمة
نوال
سمع منك ربنا يا اسراء
طيب انا داخلة اغير هدومي
ودخلت الاوضة بتاعتي اللي هند بنت خالتي قاعده معايا فيها وكانت بتتكلم في التليفون واول ماشافتني قالت
هند
طيب طيب هكلمك بعدين يلا سلام دلوقتي انتي جيتي يا اسراء
إسراء
انتي كنتي بتكلمي ياهند اصل خالتو لسه بتقول انك بتاكلي الكتاب وانا مش شايفاكي بتاكليه ولا حاجة
هند
إسراء
ااه طيب ربنا يوفقك اتجدعني بقا السنة دي عشان تنجحي وتدخلي الجامعة
هند
اديني بعمل اللي عليا اهو يا بنت خالتي هو انتي هتنامي ولا هتعملي حاجة
إسراء
بتسالي ليه انتي عايزة حاجة ولا ايه
هند
ها انا لا لا ابدا اصلي لسه ورايا مذاكرة وخاېفة تطفي نور الاوضه عشان تنامي
لا ياستي انا هاروح المطبخ اكل وبعدين اغسل المواعين وارجع اذاكر جنبك هنا
وسبتها وخرجت من الاوضه ومسكت تليفونها وقالت
هند
ايوه ياموحة معلش ياحبيبي قفلت في وشك السكة اصل بنت خالتي دخلت عليا وانا بكلمك
سامح
ااه ولا يهمك ياحبيبتي هو احنا كنا بنقول ايه بقا
ورجع بابا من برة وقال
إسراء رجعت ياسامية
اه ياجمال رجعت وبتغسل المواعين في المطبخ
جمال
مواعين ايه ياسامية البت في الجامعة يعنى المفروض ترجع وتشوف مذاكرتها واللي وراها تعمله مش تدخليها المطبخ تغسل وتمسح
سامية
جرا ايه ياجمال هو يعني لما بنتك تغسل الطبقين يبقا كده هنعطلها عن مذاكرتها وبعدين ده علام ليها امال لما تتجوز هتخلي جوزها يجبلها خدامة ولا ايه
وليه لا ومالو انا هتشرط على اللي يتجوزها انه يجبلها خدامة في البيت هو انا ليا غيرها يعنى دي بنتي دي تعيش ملكة في جوزها كده
وخرجت من المطبخ وبوسته وقولت له
ياحبيبي يابابا ربنا مايحرمني منك ابدا وطولي في عمرك يارب
جمال
حبيبت بابا انتي
سامية
ايوه ياختي ما انتي ملكيش الا ابوكي انما انا لا
انتي حتة من قلبي ياماما انتي كمان والله
سامية
مباكلش من الكلام ده يلا ادخلي على المطبخ كملي المواعين ياقلب ابوكي
إسراء
حاضر ياماما عن اذنك يا بابا انا داخله المطبخ وسبتهم ودخلت وكل ده خالتي عماله تعوج في بوقها
جمال
خفي على البت ياسامية دي هتبقا دكتورة صيدلانية اد الدنيا انا داخل اوضتي
نوال
هو ايه ياختي ده والله ماحد ماهيبوظ البت دي غير جوزك ده يا سامية ياختي مرارتي اتفقعت منه
سامية
اعمله ايه بس يانوال ماهو اللي مدلعها كده
نوال
لا لا ده دلع ماسخ وبعدين بنتك لازم تتحجب ااه دي كبرت اهيه وانتي عارفة الحارة اللي احنا فيها كل واحد وواحدة بكلمة ومحدش بسيب حد في حاله
سامية
قطع لسان اللي يجيب سيرتنا بكلمة يانوال انا بنتي متربية احسن تربية
نوال
والنبي مانا كمان بنتي متربية احسن تربية دي البت بتمشي في الحارة وتقول يارض اتهدي ماعليكي ادي
ماما بصتلها وقالت
بقولك ايه خليني في رمضان اللي بعد بكرة ده احنا عايزين ننزل نشتري الحاجات بتاعت رمضان ونخلي كل حاجة هنا
نوال
اللي تشوفيه ياوختي
وجه رمضان وعدت الايام وكنت في يوم راجعة من الكلية وقفني شاب وقالي
ازيك يا إسراء
إسراء بخضة
حسام انت عايز مني ايه وازاي توقفني في الشارع كده بعد اذنك خليني اعدي لو سمحت
حسام
لحظة بس يا إسراء انا عايز نقعد انا وانتي ونتكلم انا غرضي شريف والله وعايز نقعد مع بعض
إسراء
مش هينفع ياحسام ارجوك بلاش توقفني كده تاني عن اذنك انا ماشية
وسبتة ومشيت ورجعت البيت لقيت هند بتقول قدام ماما وخالتو
هند
حمد الله على السلامة يا اسراء بس على فكرة حلو الشاب اللي انتي كنتي واقفة معاه على ناصية الشارع ده بس بصراحة شكلكم كان اوفر اوي
سامية برقت عنيها وقالت
شااااب شاب ايه ياهند ده إسراء كانت واقفه مع شاب
هند
ااه ياخالتو كانت واقفة مع شاب ونازلين هزار وضحك وايييه مش عايزة اقولك دي حتى معملتش حساب اننا في نهار رمضان طيب كنتي خلتيها لبليل احسن
إسراء.
اخرسي ياهند ضحك ومسخرة ايه دي اللي بتقولي عليها انتي اټجننتي ولا ايه متصدقيهاش ياماما دي كدابة
نوال
في ايه يا اسراء
