سلفتي وحماتي

ايه ده هي دي العروسة
منال
اه ياست ام خالد دي ملاك بنتي
حماتي سكتت ومش ردت وخالد قال 
انا حاليا ياجماعة معنديش شقه بس شقة والدي اللي انا عايش فيها انا وماما كبيرة وواسعه فانا قولت نعيش فيها مؤقت لحد ماحوش واشتري شقه خاصة بينا
منال 
ومالو يا استاذ خالد تقعدوا مع الست والدتك والله انت ابن حلال عشان مش عايز تسيب الحاجة لوحدها وعايز تفضل معاها
الحما 
لا ياحبيبتي احنا مش لوحدنا في الشقه دي مرات ابني الكبير عايشه معانا اصل معاها ابنها ومش هينفع نسيبها تمشي الولد
منال 
ااه وماله ياحبيبتي مفيش مشكله المهم ان بنتي هتبقا مرتاحة مع خالد ابنك
الحما 
ااه طيب يعني كده اتفقنا يلا بينا ياخالد
علام 
وانتي مستعجله ليه ياحجة ما انتو قاعدين شوية
الحما 
لا معلش اصل ميعاد دوا السكر والضغط بتاعي جه ولازم اخده في مواعيده انت كبير بقا ياحاج وعارف يلا بينا ياخالد
ومشيو وسمر قالت 
الظاهر ان ام العريس اتخضت لما شافتك ياملاك
علام 
ماتتلمي ياسمر ايه الكلام اللي بتقوليه ده
سمر
وانا جبت حاجة من عندي ياجدو مانت شايف الوليه اول ماشفتها اتكهربت ازاى وقالت تمشي وتخلع
منال 
قالا تبقا مصېبة لو العريس ده كمان طفش ومرجعش هنا تاني
ملاك 
كفاية بقا حرام عليكم كفايه واڼهارت وجريت على اوضتي قفلت على نفسي وفضلت اعيط
وعند خالد مامته قالتله 
بقا دي اللي انت واخدني عشان اخطبهالك دي عجبك فيها ايه دي بقا ان شاء الله
خالد. 
مالها ياماما مالها دي ملاك وهي ملاك
الحما 
بمنظرها ده وتقولي ملاك اتوكس واسكت مالهم البنات خلصو يعني عشان تروح تخطب دي
خالد 
ماما انا خلاص اختارتها وعايزها وانتي موافقه وهتجوز ملاك يعنى هتجوزها
ودخل اوضتة وجات سلوى من جوه وقالت 
هو في ايه ياحماتي هي العروسة مالها مش عجبتك ولا ايه
الحما 
دي ولا عجبتني ولا تعجب اي حد مش عارفه عجبت الموكوس ابني على ايه دي لا شكل ولا منظر وسوده كمان لا وايه مصمم عليها
سلوى 
يلهوي طيب وهو متمسك بيها اوي كده ليه يعني تكونش البت دي عملاله عمل
الحما 
ده اكيد ميه في الميه ماشي يا خالد مش هو عايز يتجوزها يبقا يجبها بقا ونشوف هنعمل فيها ايه اما خليتها تكره اليوم اللي اتولدت فيه مبقاش انا
وجه خالد عندنا تاني واتفقنا على كل حاجة واتخطبنا وبقيت حاسه اني طايرة من السعادة وفي يوم بقوله 
هو انت صحيح ياخالد بتحبني بجد اصل يعنى انا مش حلوه وممكن الناس تقولك ليه اخدت واحده زي وكده
خالد 
انا مليش بحد ياملاك انا كفايه عليا انتي وبس انا مش عايز غيرك انتي اللي ډخلتي قلبي هاتقولي ازاى بقا ومش ازاى والكلام الفاضي ده هاقولك دي حاجة كده من عند ربنا هو اللي بيحط القبول في قلوبنا
ملاك 
كلامك حلو اوي ياخالد وبجد انا خاېفه لكون بحلم واكون عايشه في حلم جميل بس مش عايزة افوق منه
خالد 
انا عايزك تحلمي براحتك ياحبيبتي صدقيني ياملاك انا بحب كل حاجة فيكي
ملاك
ربنا يخليك ليا يارب يا خالد ويقدرني اني اسعدك
وعدت الايام وكنت بنزل انا وريم اختي نشتري الجهاز هي كانت بتجبلي أغلى واحلى حاجة
وجينا يوم الفرح ودخلت انا وخالد شقة مامتة وسلوى قالت 
نورتي البيت ياعروسة ولو اني اشك في كده ههههه
خالد 
بتقولي حاجة ياسلوي
سلوى 
ها لا ياخويا ده انا ببارك لعروستك ياخالد الف مبروك ربنا يسعدكم
ملاك 
شكرا ليكي يا ابلة سلوى
سلوى 
ابلة ايه ياحبيبتي لا انا سلوى بس انتي تعتبريني زي اختك بالظبط ماشي
ملاك 
حاضر
خالد 
طيب يلا ياملوكتي ندخل اوضتنا
ودخلت انا وخالد وحماتي قالت 
ملوكتك انا مش عارفة عجبة فيها ايه دي هووف الواد عايز يفرسني
سلوى 
انا مش عارفة ياماما هي سحراله اقطع دراعي ان مكانت البت دي سحراله
الحما 
خلاص ياسلوي واهو اتجوزها وخلاص المهم دلوقتي هنعمل ايه مع البت دي انا مش طيقاها في البيت هنا
سلوى 
خلاص ياماما يبقا نرسم ونخطط ونطفشها
الحما 
ازاى يابت ياسلوي أيدي على كتفك
سلوى 
اصبري بس نسيبها يومين كده تعيش الدور انها عروسة وبعد كده بقا نبدأ الشغل
وفضلت عايشه ايام سعيدة مع خالد والعلاقة كويسه مع حماتي ومرات ابنها كويسين لحد في يوم لقيت رقم بيرن رديت 
الوو مين
المتصل 
الووو ازيك ياقمر وحشتيني اوي احلى ملاك
ملاك 
انت مين وايه الكلام الغريب ده
المتصل 
الله ايه ياقلبي بقا انتي مش عارفاني ده انا حبيبك يابت نسيتي ولا ايه
ملاك 
الظاهر انك غلط لما اتصلت عليا النمره غلط وقفلت