اخويا الظالم _ كامله

ياما صرفت من وانتي لسه مفعوصة ان الأوان انك تصرفي شوية
ورده 
ياربي بقا امتى اخلص من البيت ده
صابر 
بتقولي حاجة يابت
عفاف 
مابتقولش ياخويا مابتقولش 
تعالي عايزاكي في موضوع
ودخلت امي معايا الاوضه وقالتلي
الام
بقولك ايه انتي خلاص هتمشي من البيت وتخلصي من الهم ده
ورده
وده ازاى بقا ياما
عفاف
يابت جايلك عريس كويس هيريحك من الشغل والقرف ده
ورده
يعني اخلص من هم صابر هيطلعلي هم تاني ويطلع مين بقا بسلامته ده
عفاف
سعد ابن الحاج عماد
ورده
ينهار اسود ياما سعد اللي كان متجوز البت بديعه دي فضحته هو وأهله لما اتجوزها ولاقته مينفعش عايزاني انا اتجوزة
عفاف
يابت بيقولو اتعالج وبعدين دول ناس اغنيه اوي وهتعيشي في نعيم ياورده انا ياحبيبتي عايزه اطمن عليكي عشان خاېفه لاروح واسيبك لصابر يبهدل فيكي ياضنايا
ورده
يعني عشان صابر مبيهدلنيش اروح لعالم زي دول ده اخواته ياما محدش يقدرهم دول عاملين زي ريا وسکينة
عفاف
ههههه يوه كتك ايه ياورده ضحكتيني بصي ياحبيبتي انا عايزة مصلحتك وانتي بقا مصلحتك مع العيله دي وعقلك في راسك اعرفي خلاصك اما اروح اشوف عمك صابر لبينادي عليا
ورده
ااه ياني من الغلب اللي انا فيه بس اهو يكون 
ارحم من جوزك واللي بيعمله فيا موافقه
وبعدها بكام يوم قولت لأمي وعم صابر اني موافقه على العريس وجم عندنا هو وامه وابوه وابوه قال
عماد 
ها قولت ياسطى صابر احنا جايين وشاريين
واي حاجه انت هتقول عليها ولا الحلوه 
بنتك أنا موافق عليها
صابر
اه ياحاج عماد وانا بشتري راجل بس اللي أوله شرط آخره نور دلوقتي احنا مش هنعرف نجيب حاجة في الجهاز انت عارف الحاله على الاد وورده كمان مش بنتي يعنى مش هعرف اجبلها حاجة قولت ايه
حسنية
ما احنا عارفين الكلام ده ياسطى صابر واحنا ياخويا ولا قولنا لك هات ابيض ولا اسود احنا عايزينها كده بشنطة هدومها
صابر
طيب وشنطة هدومها دي مش لازم لها مصاريف برضو ياحجة ولا ايه
عماد
اللي هاتقول عليه ياصابر انا رقبتي سداده شوف انت عايز ايه وقول
صابر
احنا نقسم البلد نصين ياحاج يعنى ادفعو المهر المعقول بس من غير ماتظلمو البت
سعد
ياعم صابر اللي انت عايزه هندفعه بس العروسة لما تدخل بيتنا أسرار بيتنا متطلعش بره
عفاف
والنبي انا ورده بنتي عمرها تشوف حاجة تقولها ولا تحكيها لحد دي بنتي متربية وانا عارفاها كويس
حسنية
مشاء الله ياعفاف احنا عارفين ان بنتك متربية وبنت حلال عشان كده احنا اخترناها وبعتنا ام اسماعيل عشان تقولكم اننا جايين
عماد
يبقا خلاص كده بقا ياجماعة نقرا الفاتحة
وقروا فاتحتي وسعد بصلي وقالي
مبروك ياعروسة انا بستاذنك ياعم صابر اخد ورده بكرة وننزل نشتري الدهب سوا وامي معانا
صابر
ومالو ياسعد يابني روحو
ومشيو الناس من عندنا وعم صابر قالي
صابر
اسمعي يابت ياورده انا عايزك تنقي دهب تقيل وسعره غالي انا عايزك تطمعي يابت انتي فاهمة ولا لا
ورده
وانا اطمع ليه ياعم صابر انا عمري ماكنت طماعه وبعدين الناس زي مانت شايف اهم جايين وشارين وكانو موافقين على كل اللي انت طلبته
صابر
انتي يابت بتتكلمي معايا كده ليه الحق عليه اني عايز مصلحتك ماتشوفي بنتك ياعفااف وتعقليها
عفاف
حاضر ياخويا هعقلها جرا يابت انتي ماتسمعي كلام عمك صابر
ورده
حاضر ياما هسمع كلامه وهنفذ اللي بيقولي عليه في حاجة تانية سبيني بقا عشان عايزة اريح شويه
وتاني يوم لقيت سعد جاي وروحنا نشتري الدهب بصراحة كان كريم معايا وجبلي شبكة حلوه اوي واداني فلوس كمان واحنا خارجين قولتله
ورده
بقولك ايه يا سعد انا كنت عايزه أسألك سوال كده
سعد 
اسألي ياورده عايزه تسالي في ايه
ورده 
هي بديعه اللي انت كنت متجوزها طلقتها ليه أصلها طلعت من بيتكم قالت كلام غريب