بنتي جارنا_كامله_بقلم هويدا زغلول
عايزة اسيب بيتي
مروة
يوووه انا مش عايزة اسمع صوتك خالص انتي تعبتيني وسبتها ودخلت جوه
الجده
اسمعي كلام ماما يا ايمان هي بتعمل كده عشان مصلحتك وپتخاف عليكي
ايمان
وهو يعنى لما كل يوم والتاني تتخانق هي وبابا يبقو كده بيعملو عشان مصلحتي لا ياتيتة انا مش عايزاهم يخافوا على مصلحتي طالما كل يوم هيتخانقو
الجده
ربنا يهديهم يا ايمان يابنتي هنقول ايه بس
وليد
هو انتو فين يا ايمان انا روحت الشقه وخبط
عليكم بس محدش فتح
ايمان
انا عند تيتة انا وماما وهنفضل كام يوم عندها بس انا مبحبش ابات بره شقتنا ياوليد وعايزه ارجع البيت
وليد
معلش يا ايمان اسمعي كلام ماما وخليكي معاها هي اكيد يومين وهتجيبك وترجعو البيت
ايمان
حاضر يا وليد هسمع كلامك وهفضل معاها بس عارف انت توحشني اوي يلا هستحمل الكام يوم دول وخلاص
اي الكلام الغريب ده
ايمان
هو فيه اي مالك مش انت طول عمرك بتقول علينا أصحاب هو كلامي زعلك دلوقتي
وليد
لا مش زعلني بس خدي بالك من نفسك ومن ماما وبعدها قفل السكه
وعدت الايام وايمان قالت
ياماما كفاية بقا كده عشان خاطري بابا وحشني اوي وعايزة ارجع البيت
مروة
هو ابوكي كان سال فينا ماهو سيبنا عند تيتة ولا عبرنا حتى
ماهو بيرن عليكي وانتي مش عايزة تردي عليه هو كلمني وسال عليكي كذا مرة
الجده
المفروض انه يجي هنا عشان ياخدكم يا ايمان
ايمان
بس بابا مش غلطان ياتيتة ماما هي اللي سابت البيت ومشيت هو قالي كده على فكره بقا ماما ظلماه
مروة
انا يا بنت بقا ابوكي لعب في دماغك وخلاكي تكلميني كده طيب يا ايمان انا مش هكلمك تاني ولا انتي ولا ابوكي
ياماما انا مقصدش حاجة والله انا بحبكم انتو الاتنين ومش عايزة حاجة تحصل بينكم وتبعدو عن بعض كده
مروة
طيب خلاص انا هبقا اشوف الموضوع ده تعرفي تسكتي
وايمان كلمت باباها وقالتله
ايوه يابابا تعالي بقا عشان تاخودنا انت وحشتني واوضتي وحشتني ومش عارفه انام هنا عند تيتة
فوزي
حاضر يا حبيبتى هحاول بكرة اجيلكم انا اليومين دول عندي شغل كتير اوي يا ايمان
جرا ايه يا فوزي هو انا مش هشوفك بقا ولا ايه ولا اكون مش وحشتك
فوزي
وحشاني اوي ياهند بس اليومين دول مشغول بطريقة صعبه انا بقالي يومين بنام في الشركة ومش بعرف اروح ارتاح حتى
هند
طيب وانت ليه بتهلك نفسك يافوزي بس صحتك ياحبيبي لازم تحافظ عليها وبعدين هي مش مروة لسه في بيت أهلها
فوزي
ايوه لسه بس ايمان عايزاني اروح اخدهم في أسرع وقت ممكن قال ايه مش مرتاحة في بيت جدتها
طيب ماهي فرصة اهي يافوزي انك تيجي عندي واشوفك وسيبها شوية عند امها مش هي اللي عايزة كده برضو يلا هستناك النهارده بالليل وهعملك الاكل اللي انت بتحبه يلا متتاخرش
وقفلت معاه هند
عند وليد مامتة قالتله
هو انت يا وليد زهقان من اقعدتي معاك يابني ولا ايه
وليد
لا والله يا ماما انتي ليه بتقولي كده بس
الام
عشان يابني بحس انك بترجع زهقان من برة كده وبحس انك مش طايق وجودي
وليد
بالعكس ياحبيبتي ده انتي منورة البيت والدنيا كلها يا أمي
الام
طيب يابني ربنا يخليك وبعدين ماهو انت تريحني بس وتسمع كلامي وتوافق تتجوز البنت اللي قولتلك عليها
وليد
تاني يا أمي هنتكلم في الموضوع ده قولتلك انا مش عايز جواز بعد مراتي انا لوحدي كده كويس اوي
الام
يابني نفسي اشيلك حتة عيل وافرح بيه يا وليد
وليد
ههههه حاضر هاروح اجبلك حتة عيل من كافور واخليكي تفرحي
الام
انت بتتريق على كلامي يا وليد طيب انا زعلانة منك ومش هتكلم معاك
