صاحبتي الغداره
ده تاني
وتاني يوم راحت حبيبه المصنع وشافت إسراء تعبانة وبترجع في الحمام
حبيبه
انتي شكلك تعبانة اوي كده ليه ماتاخدي اذن وتروحي يا اسراء بدل ما الاستاذ هشام يخصملك نص اليوم لانه بيسال عليكي وبيقول انك اتاخرتي في الحمام
إسراء
انا خلصت اهو وطالعه من الحمام وبعدين خليكي في حالك ملكيش دعوة بيا خالص انتي سامعة
هو يعنى الحق عليا اني عايزة اساعدك انا بس شايفاكي تعبانة بقالك فترة فقولت.......
إسراء
قولتلك خليكي في حالك واوعي بقا من وشي خليني اعدي
وطلعت إسراء وهشام شافها وقالها
هشام
جرا ايه يا اسراء هو انتي كل شوية تسيبي شغلك وتقولي رايحة الحمام وتتاخري انتي بقالك كام يوم بتعملي كده ماهو يابنت الناس الشغل ده مينفعنيش لو تعبانة اتفضلي ارجعي البيت ولما تبقى كويسه تبقى ترجعي الشغل
معلش يا استاذ هشام اصل انا تعبانة وعندي شوية برد فخلاص والله اخر مره اسيب المكنة وانزل الحمام
هشام
التعبان يروح البيت يا اسراء انما يجي يعطلي شغلي مش هينفع كده
إسراء
اصل مش هينفع اقعد في البيت يا استاذ حضرتك عارف الظروف على العموم انا هشتغل اهو والله
وفضلت تشتغل وهي تعبانة واخر اليوم بعد الشغل إسراء اتصلت بوليد وقالتله
وليد
ماجتش فين يابت
إسراء
تقابل ابويا هي مش مها كلمتك وقالتلك انك لو ماجتش تقابل ابويا انا هاروح لعم جمال واقوله كل حاجة
وليد قال لنفسه ااخ دنا نسيتك خالص الله يحرقك وبعدين قالها
اااه صحيح ياحبيبتي ده فعلا كنت جاي بس حصلت عندي ظروف كده وهي اللي اخرتني عندك
إسراء
امممم طيب والظروف دي هنخلص امتى انا مبقتش قادرة استني اكتر من كده انا مرات ابويا بدأت تشك فيا يا وليد ارجوك اتصرف بسرعه
ااه حاضر حاضر ياحبيبتي انا جاي بس نتقابل الأول وعايز اطلب منك طلب كده ولو نفذتيه هاجي اتقدم لأبوكي واللي جابوكي كمان
إسراء
طلب ايه ده ياوليد اللي انت عايزة مني
وليد
هو مش انتي تعرفي البت اللي اسمها حبيبه اللي معاكي في المصنع
إسراء باستغراب
حبيبه اه اعرفها بس انت بتسأل عنها ليه ياوليد وبعدين البت دي مش صاحبتي ولا انا عايزاها تبقى صاحبتي
حلو اوي يا اسراء يبقا تصحبيها وتاخديها تحت جناحك وانا هاقولك تعملي ايه بالظبط
إسراء
وليد انت بتلعب بيا تاني مش كده وعايز تهرب من الموضوع بتاعنا صح
وليد
ابدا والله ياحبيبتي انا وعدك ياسوسو خلاص وقولتلك اني جاي اتقدم لأبوكي بس اسمعي كلامي الأول
إسراء
ماشي ياوليد لما اشوف اخرتها معاك ايه بس عرفني الاول عايزني اعمل معاها ايه
اسمعي بقا ياقلبي
ورجعت إسراء البيت لقت مرات ابوها بتقول
اهلا ياغندورة انتي يابت مش عايزة تعقلي كده وتوافقي على ابن عمك الواد هيطير من ايدك وده عريس لقطه
إسراء
وانا مش عايزاه العريس اللقطه ده يامرات ابويا وبعدين لو عجبك اتجوزيه انتي اوعي من قدامي بقا عايزه ادخل اوضتي ارتاح انا راجعة من الشغل تعبانة
دلال
شايف بنتك ياراجل وعمايلها وكلامها يرضيك كده
إبراهيم
معلش يادلال إسراء متقصدش اكيد وبعدين قولتلك متتكلميش معاها في الموضوع ده تاني سبيها على راحتها
دلال
خليك كده مدلعها لحد ماقطر الجواز يفوتها وتفضل اقعدالك كده انت حر انت وبنتك انا داخله المطبخ
وتاني يوم في المصنع لقيت إسراء بتقولي
كنت عايزة اتكلم معاكي ياحبيبه
حبيبه باستغراب
تتكلم معايا انا غريبة اوي إسراء ده انتي مش بطيقيني ولا بطيقي تكلميني
إسراء
معلش ياحبيبه اصل انا لما ببقا تعبانة مش بحس بالكلام اللي بقوله حقك عليا لو كنت زعلتك ولا حاجة
حبيبه
لا ابدا عادي مفيش زعل ولا حاجة انا بس لما لقيتك تعبانة كنت عايزة اساعدك مش اكتر يعني
إسراء
تسلميلي ياحبيبه احنا لازم نبقا أصحاب وانا ياستي مش هازعلك مني تاني خلاص صافي بالبن
حبيبه
ماشي يا إسراء حليب يا قشطة بس هو انتي كشفتي على التعب اللي عندك ولا لسه
إسراء
التعب ااه كشفت اسكتي ده انا طلع عندي برد في معدتي وهو اللي كان تعبني بس الحمد لله باخد علاج دلوقتي
وفضلنا نتكلم مع بعض كتير انا واسراء وقالتلي
انا بقا عايزاكي تبقى تيجي تقعدي معايا في يوم بعد الشغل ياحبيبه انا بروح وببقا قاعده لوحدي يعنى لو ابويا ومراتة خرجو
واتفقت معاها على كده وانا ماشية في الشارع وقفني وليد وقالي
القمر ماشي لوحده ليه هو هيفضل تقلان علينا كده ولا ايه
حبيبه.
ابعدي عني بدل ماروح اقول لعم
