جبت ل حماتي هديه _الرابعه _بقلم هويدا زغلول

مستغربه اوي انها تعمل كده في جوزها وتخبي عليه حاجة زي دي
مروة 
ايوه البت دي طول عمرها سوسه وامها مدلعاها تصوري دي عايزاني اروح اطبخ لها بكرة شوفتي
ريتال 
ليه هو انتي كنتي خدامة عندها ولا ايه لا طبعا متروحيش
مروة 
مش هقدر مروحش لأن حماتي طبعا هتتصل بابنها وتتمسكن له عشان تخليه يقولي اروح
ريتال 
ربنا يعينك عليهم ياحبيبتي
مروة 
طيب انا هقفل دلوقتي لحسن هاني جه يلا سلام ياحبيبتي خلي بالك من نفسك
وقفلت معاها ودخل هاني وقال 
احم بقولك ايه يامروة بكرة عايزك .....
مروة 
بكرة عايزني اروح لاختك عشان اطبخلها حاضر ياهاني هاروح اي خدمة تانية
هاني 
ربنا يخليكي ليا يام ملك ياغاليه انتي
ورجع يحي من برة وقاله
احلى مسا عليك يابو ملك
ماهر
ايه يابني هو انت داخل قهوة وبتمسي على المعلم
يحي
ههههه انت بتقول فيها ايه هي امك ناوية تطول عند اختك سهى ولا ايه شكلها عجبتها القاعده هناك
هاني
والله يابني كل ما اكلمها تقولي خليني مرتاحة عند اختك يومين سيبها على راحتها ياعم
يحي
على رأيك هي حرة أصلها مبتحبش حد يقولها تعمل ايه ومتعملش ايه المهم هنتمم الجوازة امتى بقا عشان نخلص
هاني 
ايه يابني انت محسسني انك مڠصوب على الجوازة دي ماتظبط كده وبعدين البنت مفيهاش عيب يعنى
يحي 
هو انا قولت حاجة ياعم هاني بس انا شكلي معجب بواحدة تانية وكنت عايز اقول لمروة مراتك تشوفها لي بس شكلها ممكن تزعل لو رفضت اختها
هاني 
وهي مروة هتزعل ليه بقا وبعدين دي حياتك انت مش حياتنا وانت حر فيها احنا بس كنا بنقول ان البنت مننا وعلينا هنبقا عارفينها
يحي 
طيب ما انا لسه بقولك اهو مروة هاتشوفها وتقولنا هي نظامها ايه
هاني 
خلاص براحتك يا يحي انا هكلم مروة واللي في الخير يقدمه ربنا
وتاني يوم الضهر مروة راحت عند سهى وثريا قالت 
ناموسيتك حكلي يامرات ابني جايه الضهر هو انا مش قايله لك تصحي من النوم تيجي علطول
مروة 
معلش ياماما اصلي قولت احضر اي الاكل للي في البيت بسرعة كده عشان لو رجعت قبل الاذان علطول يبقا اروح اسخن الاكل بس
ثريا 
ااه فالحة ياختي وطول عمرك شاطرة يلا ادخلي على المطبخ واعملي الاكل
مروة 
طيب امال
مروة فين عشان تساعدني في المطبخ وتعرفني هعمل ايه للأكل
ثريا 
سهى لسه نايمة ومش بتصحي دلوقتي وبعدين هي تصحي براحتها ادخلي انتي المطبخ طلعي من التلاجة الفراخ واللحمة المفرومة وظبطي الدنيا كده على ماتصحي
مروة بضيق 
حاضر ياماما بس هي سهى مالها هي تعبانة ولا حاجة انا بس عايزة اطمن عليها
ثريا 
لا هي الحمد لله كويسة بس اليومين دول بتجي لها دوخة ونفسها علطول غمة عليها كده تصدقي يامروة انا حاسه انها ممكن تكون حامل اصلها عندها أعراض الحمل
مروة باستغراب 
بتقولي ايه ياماما عندها اعراض الحمل وهي سها هينفع تحمل تاني
ثريا 
تقصدي ايه بقا يامروة
تفتكرو مروة هتقول انها عرفت حاجة