جبت ل حماتي هديه _الاولي _بقلم هويدا زغلول

الشاي واوعي تنسي الكيكه والا والله هجيبك من شعرك قدام بنتك ....خاڤت مروه لتعمل حماتها كده فعلا قدام بنتها
ودخلت المطبخ وعملت الكيكه الاول وبعدين عملت الشاي وطلعت قالت لحماتها
مروه 
اتفضلي يا ماما الشاي والكيكه اهوو
الحما 
لفي يا بت الكيكه دي عشان رايحه لسهي بنتي وهديها ليها بتقول نفسها ريحالها
مروه 
حاضر يا ماما من عينيا بس هاخد حته لملك عشان نفسها فيها
ثريا پحده 
اعمليلها غيرها يا عين امك انتي وبنتك انا مش هاخد حاجه ناقصه عند بنتي ....ودخلت تغير هدومها ومروه لفت ليها الكيكه كلها واخدتها ثريا ومشيت
ملك پبكاء 
بس انا كان نفسي اوي في كيكه يا ماما
مروه 
استني هديكي السكر والبيض والحاجه بتاعتها وروحي لخالتك ريتال تعملهالك بس ما تعيطيش يا عيون ماما
ملك 
انا بكره تيته اووي يا ماما هي مش بتحبني وبتحب نور بنت عمتي سهي اكتر مني
مروه 
لا لا يا حبيتبتي تيته بتحبكم كلكم اد بعض بس هي بتهتم شويه ببنت عمتك عشان بعيد عنها انما احنا عايشين معاها اهو في بيت واحد
ملك 
ماشي يا ماما هعمل نفسي مصدقااكي
ضحكت مروه وحضنت ملك بنتها وقالت 
هههههههه ااه يا لمضه انتي ربنا يخليكي ليا وما يحرمنيش منك ابدا يا نور عيون امك انتي .....وفي شقة سهي اخت هاني جوز مروه
كانت ثريا قاعده عندها وبيشربو شاي وبياكلو كيكه وهما بيضحكو وسهي قالت
سهي 
استني يا ماما هحط حتت كيكه للكلب بتاع نور
ثريا 
طي يا اختي ده اللي سقي كلب دخل الجنه قوليلي انتي هتروحي عند حماتك امتي في رمضان
سهي 
والله لو عليا ما اروحش يا ماما دي وليه بقرف منها ومن اكلها وكل حاجه وبعدين هي بتخليني قاعده علي طول وبتعاملني علي اني ضيفه وانا مش بحبها ولا بحب كلامها
ثريا 
اتحملي بس لحد ما ربنا ياخدها وترتاحي منها ويبقي جوزك ليكي انتي وبنتك لوحدك
سهي 
اسكتي يا ماما ماهر عينه علي واحد صاحبه مراته خلفت وجابت ولدين توام وقال ايه بيقولي اشيل مانع الحمل وعايز يخاوي البت نور
ثريا پخوف 
يا نهار اسود ليعرف اللي فيها ويعرف انك مش هتقدري تحملي تاني وانهم شالولك الرحم بعد ما ولدتي
سهي
ما انا قولتلك يا اما اقول ليه الحقيقه من وقتها انتي اللي صممتي نضحك عليه ونقوله اني هعمل المراره
ثريا 
يعني انتي هتفرحي لما كان يتجوز عليكي وبعدها يطلقك ويرميكي في الشارع انتي وبنتك
سهي 
لا يا ماما ماهر كويس وطيب وما يطلعش منه حاجه زي دي خالص ....ثريا ضحكت بسخريه وقالت
ثريا 
هههههههه يا حبيبتي ما فيش راجل تديله الامان ابدا والا هتاخدي علي قفاكي في الاخر تعالي شوفي اللي ما تتسمي مروه عامله في اخوكي دي طفشت اخوكي يحيي من البيت من كتر ما بتسخن هاني عليه
سهي 
شوفتي البت القادره بس اهو احسن من غيرها علي الاقل بتسمع كلامك يا امي
ثريا 
طيب هي تقدر ما تسمعش كلامي او تتني