شحاته ب امر حماتي _الحلقه الاولي _بقلن هويدا زغلول

أنا ابني يتعوض ولا يتعوض
فريده
اي الكلام ده يا عاصم وبعدين 
هو انا كنت عملت حاجه يعني يا عاصم ما انا ساكته اهو
عاصم
خليتوها تقوم من على الفطار بكلامكم انا مش جاي هنا علشان اعمل مشاكل لو وجودي مضايق فرد من البيت ده انا اروح اقعد في اي اوتيل
وفاء
اخص عليك يا جوز بنتي عايز تسيب بيت حماتك وتروح تقعد في اي اوتيل وبعدين البيت بيتي وانا ليا الكلمه الناهيه هنا
عاصم
مع احترامي الكامل ليكي يا طنط دي كمان فرد من البيت بما ان مدحت الله يرحمه كان عايش هنا فده بيتها زي بيت حضرتك بالظبط ماينفعش ما يبقاش ليها كلمه او انها تضايق من وجود شخص موجود في بيتها من حقها انها تاخذ راحتها وانا بالنسبه لها راجل غريب
وفاء
انت كبرت الموضوع يا عاصم ما فيش حاجه لده كله هي لا متضايقه ولا حاجه عادي يعني تشغلش دماغك هي على طول قلبه وشها كده
عاصم فضل واقف ساكت وبعدها 
حماتي ندهت عليا وقالت
وفاء
بنت يا ناديه اعملي لنا الشاي وهاتيه وبعدها خرجت من المطبخ وقولت
ناديه بهدوء
حاضر يا حماتي يخلص المواعين بس وهاجي علي طول
فريده بتكبر
بقول لك يا ناديه يا ريت تعملي لي قهوه تبقى من غير سكر ويا ريت كوبايه ميه معاها وفي الوقت ده اتضايقت وقولت
ناديه 
ماشي يا فريده اللي تشوفي
عاصم
انت صاحبه بيت يا فريده قومي اعملي قهوتك بنفسك هي كده كده شغاله من الصبح تحط في الاكل وتشيل في الاكل قومي اعملي قهوتك بنفسك
فريده وشها احمر
نعم هو فيه اي مالك با عاصم حسام عامل تدافع ليه كده ما تهدي
وفاء
ايه الكلام ده يا عاصم طب ما تعمل لها القهوه يا ايه يعني
عاصم
مش هي كده كده صاحبه بيت ايه يعني لو قامت عملت القهوه لنفسها اصلا بنتك ما بيعجبهاش حاجه غير اللي بتعملها بايديها علشان ما تتعبش غيرها
فريده
ماشي يا عاصم هقوم اعمل انا القهوه بايدي
وبعدها دخلت المطبخ اعمل الشاي الشاي ودخلت ورايا فريده
ناديه
يا ريت تبطلي اسلوب التوقيع ده يا فريده انت جايه هنا كم يوم وهتمشي فبلاش تعملي مشاكل بيني وبين امك
فريده بضيق
انا لا بعمل مشاكل ولا غيره لو انت شايفه اني بعمل مشاكل فبراحتك
ناديه بتريقه
انت اصلا ما بتطقنيش يا فريده ما اعرفش السبب حتى من قبل ما اخوك يروح ما بتطيقنيش وكاني عامله لك ازمه في حياتك
فريده بتريقه
ليه يا حبيبتي وانا هطيقك لي وما تقفيش ليه انت حيا الله مرات اخويا واهو راح مش فاضل غيرك انت قصفتي عمره بدري
ناديه بعصبيه
ليه ان شاء الله ده قدر ربنا وحصل ايه هتعارضيه
فريده استفزاز
ايوه قدر ربنا ما قلناش حاجه بس انت كمان كنت سبب طول الوقت بتشتكي ومتضايقه من العيشه لغايه ما جبتي اجله
ناديه بعصبيه
انا مش هاخد وادي معاكي في الكلام
فريدة بتريقة 
احسن برضه يعني كلامك هيفرق معايا في حاجه
نادية بعصبية 
ياريت لو سمحتي تخليكي في حالك و ملكيش دعوة بيا 
عاصم سمع صوتها 
هو في اية
وفاء بغيظ
ماشي يا نادية ان ما وريتك خليك يا عاصم وانا هشوف في اية
عاصم 
لا معلش يا حماتي انا جاي معاكي اشوف في اية
وفاء بغيظ 
في اية يا نادية صوتك عالي كدة ليه يا بت
نادية بعصبية 
ياريت يا حماتي تخلي بنتك في حالها علشان جبت اخري منها
وفاء بغيظ 
في اية يا بت انتي هي عملتلك اية ولا انتي بترمي بلاكي عليها
نادية 
وانا ههتبلي عليها ليه ان شاء الله
عاصم بهدوء 
انا اسف ليكي يا مدام نادية فريدة انتي عملتي قهوتك.
فريدة بتوتر 
ايوة يا عاصم
عاصم 
اتفضلي اطلعي انتي بعد اذنكم احنا هنقعد بره
فريدة 
حاضر واول لما خرجت فريدة عاصم مسك ايديها بعصبية وقال
عاصم 
انتي مالك يا فريدة مش مريحة نفسك ليه اخدك و امشي يعني
فريدة بتوتر 
يا عاصم انا هو انا عملت حاجه فيه اي
عاصم بعصبية 
مش عايز اسمع كلام كتير انتي فاهمه لو حصل منك اي حاجه تاني ساعتها هرجعك علي اسكندرية وهأجى اي اوضة في اوتيل لوحدي
فريدة 
طب خلاص حقك عليا يا حبيبي مقصدش 
وفي المطبخ كنت عامله اعيط ولقيت حماتي داخله تقول 
وفاء بغيظ 
بقي كدة يا بت بتوقعي البت في جوزها
نادية بعصبية 
بقولك اية يا حماتي ارحميني ربنا يرضي عنك اظا تعبت من صبحية ربنا سبني في حالي بقي انتي و بنتك