ابني _الحلقه الثانيه _بقلم هويدا زغلول

عليه تنفذيه وخلاص انا حره بقول لك حطي فوق في السطوح يبقى تحطي فوق في السطوح
ماجده 
حاضر يا بنتي حاضر وفي الوقت ده حطيت الاكل في الصينيه بس ما قدرتش تشيلها
ماجده 
مش قادره اشيلها يا بنتي لوحدي وقرب احمد 
وقالي
احمد بحزن
هاتي يا تيته وانا هشيل معاكي
نوال بعصبيه
ولا يا احمد خد اختك واطلع فوق يلا على السطوح قال تساعدها يعني
احمد 
حرام يا ماما وبعدين فيها ايه يعني لما اساعد تيته واطلع الاكل انا فوق
نوال 
بقول لك اطلع وخد اختك معاك مش عايزه ۏجع دماغ احمد زعل من نوال جدا واخذ اخته وطلع فوق على السطوح
نوال 
مش قادره تشيلي كله مره واحده خدي حاجه واحده طلعيها فوق وانزلي خدي الثانيه وكذلك لغايه ما تخلصي
ماجده 
يا بنتي انا مش قد ده كله انا مش بقدر اطلع اصلا السلم حرام عليك خدي طيب انت طلعي الصينيه وانا هنزل بيها على الاقل هتبقى اخف من كده
نوال
لا يا حبيبتي انا هطلع دلوقتي وزي ما قلت لك طلعي حاجه حاجه علشان ما تتعبيش يلا
نوال سابتني وطلعت وانا فضلت اطلع الاكل 
طبق طبق ولسه هقعد جنبهم علشان أفطر نوال قالت پحده
نوال 
استني انت هتعملي ايه
ماجده 
ايه يا بنتي هفطر معاكم مش انت مصمماني طول اليوم علشان افطر معاكم
نوال 
لا يا حماتي انت هتقعدي جنب الحيطه هناك كده لغايه ما نخلص اكل كلنا وبعدين تيجي تاكلي اللي هيفيض مننا
ماجده 
ليه كده بس يا بنتي ما انا عملت كل اللي انت قلتي لي عليه
نوال
انا مش عايزاك تقعدي هنا معايا انا حره يا حماتي قلت لك تاكلي بعدينا لو مش عاجبك بقى ما تاكليش خالص ايه رايك
ماجده 
حاضر حاضر يا بنتي
روحت قعدت جنب السور وانا بټعيط ومستنياهم يخلصوا
احمد بحزن
ليه كده يا ماما ليه بتعاملي تيته بالطريقه دي حرام عليك هي جعانه من الصبح
نوال 
خليك في حالك يا ولا وكل الاكل اللي قدامك ده كله انت عارف لو سبت حاجه
احمد 
انت وديتي اكل تيته فين طبقها مش موجود
نوال 
انت مالك انت كل اللي قدامك واسكت اكلها يا اخويا عيناه لها يلا
احمد
انا ما ليش نفسي اكل وتيته جعانه يا ماما
نوال بعصبيه
انت يعني ما فيش فايده فيك قلت لك اطفح وما لكش دعوه بسيادتك انت فاهم
احمد سكت ووهو زعلان وبعد الاكل حطت خمس معالق رز بالظبط في طبق وطبق صغير خضار وقالت
نوال 
تعالي كلي علشان تعرفي اني مش حرماكي من حاجه راحت وشافت اللي هي حاطاه
ماجده 
هو ده الاكل يا بنتي
نوال
ماله مش عاجبك ولا ايه ليكون مش عاجبك
ماجده 
انت سايباني بواقيكم سايبه لي عضم الفراخ يا نوال هي حصلت
نوال
الفراخ غاليه يا حبيبتي ويا دوبك على قد انا والعيال وسايبه النايب ابنك ولا عايزاه لما يجي علي السحور ان شاء الله ما ياكلش منها تاكلي انت وابنك لا وبعدين اهو شويه رز حلوين وعليهم
شويه الخضار عايزه ايه
ماجده 
معاكي حق يا بنتي متشكره قوي هاكلهم وانزل
نوال 
وهاتي بقى معاكي الاطباق يلا يا ولا يا احمد
اخذت نوال ابنها ونزلت واحمد كانت الدموع في 
وانا فضلت اكل وانا بعيط وقولت
ماجده 
يا رب خذني وريحني يا رب انا ما اعرفش انا عملت ايه فيها علشان تعاملني المعامله دي مش عايزه اكلم ابني واقول له علشان ما اخربش بيته خدني عندك يا رب انت احن من كل البشر
وبعدها خلصت اكل ونزلت بالاطباق
نوال وهي بتتفرج على التلفزيون
روحي اعملي لي كوبايه شاي علشان دماغي ۏجعاني
ماجده بدموع
حاضر حاجه تاني
نوال 
ايوه بعد ما تعملي الشاي سخني ميه سخنه وتعالي اغسلي لي رجلي لاحسن ۏجعاني اوي