قصه رمضان _ الجزء الثاني _بقلم هويدا زغلول

عليكي في زوجة اصيلة تخون جوزها و تكتبه وصل امانه يا نوال عيب عليكي اقسم بالله
نوال 
بقولك اية يا حسين ما بلاش ۏجع دماغ بقي انا اللي عندي قولته و مش هعيده تاني فا ياريت بقي كدة يا تسكت يا تعمل اللي قولتلك عليه قولت اية
حسين 
خلاص هكتبلك الارض باسمك
نوال 
وهاخد نص التمن وو انت بتبيع اه احسن انا لازم يتحط ليا مكسب امال اية
حسين 
لا بقي كدة كتير يا نوال مش هتشغلي دماغك عليا يا اختي
نوال 
بقولك اية انا اللي عندي قولته شوف انتي بقي هتعمل اية و انا معاك
حسين
ماشي يا نوال هكتب لك الارض باسمك واديك ربع الفلوس ومش هزود
نوال
ماشي يا حسين موافقه يلا نبيع الشقه بس مش هديك الفلوس برده لما العقد في ايدي عشان تبقى عارف
حسين
انا شفتك على حقيقتك دلوقتي اخص عليك ماشي يا ستي ما فيش مشكله
نوال بهمس
اخويا محسسني ان انت اللي شيخ جامع ما انت نصاب هو انت ايه يعني
وبليل في شقتي 
قدام الباب كان بيتكلم بصوت واطي وانا فتحه الباب بس حطاه ايدي علشان مش يدخل
محمود
ايه يا سماح افتحي الباب انا واقف بره
سماح فتحت بتوتر وخوف
قول عايز ايه خلص
  سماح
ايوه يا سيدي ايوه
محمود
طب ادخلي ادخلي يلا وانا وسعت لي ودخل
محمود
اسمعيني يا حبي كده علشان نتفق من الاول وطقطقي لي ودنك كده معايا
سماح بدموع 
طيب في اليوم التاني صحيت من النوم 
لقيت امير واقف عند السرير وبيقولي
امير 
ماما هو عمو محمود جه بالليل واحنا نايمين
سماح بتوتر 
لا لا هو ايه اللي هيجيب عمك بالليل كده وانتم نايمين ليه بتقول كده
امير 
اصل سمعت صوته فقلت يكون جه ولا حاجه اصل اول امبارح جه برده وسال عليك وانا قلت له انك عندي تيته تحت
سماح
لا يا حبيبي دي تلاقيها تهيؤات بس يلا انا هنزل عند ستك علشان اشوف لها هي عايزه ايه مني النهارده واحضر لها الفطار خد بالك من اخواتك ايه يا امير
امير
حاضر يا ماما ما تتعبيش نفسك تحت اعملي على الوش
سماح
ازاي بس يا حبيبي ده لو في حاجه مش معموله مظبوطه تفضل تقولي شوفي دي شايفه دي عامله دي يلا انا هنزل بدل ما تقعد تقول لي اتاخرتي وعملتي
امير
ماشي يا ماما اتفضلي
سماح
ما تنساش يا امير تروح درسك النهارده اول ما يجي معاه درسك نزل لي اخواتك وروح انت
امير
حاضر يا ماما ما تقلقيش
وانا نزلت على شقه حماتي وخبطت وهي قالت ليا
نبويه
يا ترى خير ايه اللي اخر الهانم لغايه دلوقتي مش عارفه الساعه كام ولا ايه الساعه كام في ايدك يا ابله
سماح
الساعه 1000 يا حماتي
نبويه
ولما انت عارفه ان الساعه 1000 ايه اللي اخرك لغايه دلوقتي مش ميعادك تنزلي لي الساعه 600 الصبح
سماح
قلت ارتاح لك كم ساعه يعني يا حماتي ما انا من ساعه ما سيد الله يرحمه راح وانا بنزل لك الساعه 600 الصبح فيها ايه لما اخذ يوم وانزل 10
نبويه
يعني غلطانه وبدل ما تعتذري بتقاوحي معايا يا بت يا سماح ولا عشان اتهونت معاكي ومشيتك بدري امبارح
سماح
لا اقسم لك بالله يا حماتي ما ده اللي بفكر فيه انا بس والله كنت تعبانه شويه قلت اما ارتاح فيهم ما عدتش هتتكرر تاني يا حماتي صدقيني حقك علي
نبوية 
ماشي يا سماح هعديها لك المره دي بس اقسم لك بالله لو ده حصل ثاني لا هتشوفي وشي الثاني لنبويه يا سماح مفهوم
سماح
مفهوم يا حماتي مفهوم
نبويه
يلا يا اختي خدي الورقه دي وروحي اشتري
لي الحاجات دي من السوق علشان الفطار النهارده انا عازمه محمود بمراته وعياله وانت كمان هتفطري معانا انت وعيالك النهارده يلا
سماح
حاضر يا حماتي هروح اجيبهم لك واجي على طول
نبويه
ماشي يا اختي مستنياك ما تعوقيش يا سماح
سماح
حاضر يا حماتي مش هتاخر السلام عليكم وبعدها مشيت ومحمود رن عليا
محمود 
انت فين يا سماح
سماح
انا في السوق بجيب الحاجات لامك علشان الفطار
محمود
هبعت لك عنوان تقابليني فيه واوعى تتاخري
سماح
بس امك قالت لي ما تاخرش عليها وهتبهدلني لو اتاخرت عليها شويه
محمود
ما لكيش دعوه بامي يا سماح وبعثت لك العنوان اهو ربع ساعه وتبقي قدامي يلا سلام
سماح 
الو الو ياربي علي النصيبة دي وبعدها كنت خاېفه اروح بس حصل
ولحد هنا تكون خلصت حلقتنا