سلفتي وامها _كامله _بقلم هويدا زغلول

حد فينا اتكلم وقالها ان اللي بتعملة ده غلط ممكن تعمل ايه
سهير
انتو للدرجة دي پتخافو منها دي ربنا مش هيسبها في اللي هي بتعمله ده
الحما
هنقول ايه يا سهير ربنا يهديها يابنتي
وعند ليلى في الشقة رجع يحي وليلى قالتلة
انت شرفت يابيه
يحي
مساء الخير يا ليلي عامله ايه
ليلى
نعم ياخويا بقالك يومين بايت بره البيت وراجع تقولي عامله ايه هو ده اللي باخده منك انت كنت فين يا راجل انت
يحي
هو انا مش كلمتك وقولتلك اني عندي شغل مهم ومش هعرف ارجع قبل يومين
ليلى
ااه قولت لي بس انا بصراحة كده مقتنعتش وبعدين انت أحوالك مش عجباني اليومين دول دايما سارح وعلطول تتأخر بره البيت
يحي
استغفر الله العظيم انتي عايزة يا ليلي بقولك انا راجع من الشغل مش شايف قدامي وعايز ارتاح تصبحي على خير
وسبها ودخل الاوضه وسمعت امها بتقول 
ااه انا جعانة بطني بتوجعني ااه
ليلى 
عايزة ياولية هو انتي ما بتهمديش ابدا بطلي بدل ما اجبلك الاكل البايظ تاكلي منه تاني
الام 
انتي وحشه انا عايزة اكل حلو عايزة لحمه ااه عندي ۏجع ااه
ليلى
ماتسكتي ياوليه بقا دماغي وجعتني الله
يحي
ما تشوفي امك يا ليلي ماتجيبلها تاكل وتديها العلاج بتاعها
ليلى
اسكت انت ملكش دعوة انا عارفه انا بعمل ايه
وسابها يحي ودخل اوضتة والباب عندها خبط فتحت لقت واحد بيقولها 
سلام عليكم هو الاستاذ يحي موجود
ليلى
انت مين ياخويا وعايزه في ايه
حامد
انا حامد الساعي اللي شغال معاه في الشركة أصله بقاله يومين مجاش الشغل وفي ورق لازم يعمله
ليلى
انت بتقول ايه ياخويا مجاش الشغل وقالت لنفسها امال كان فين طيب انا هناديلك عليه من جوه بس ياريت متعرفوش انك قولتي لي انه مراحش الشغل
ودخلت قالتله وخرج قال
اهلا ياحامد انت ايه اللي جابك
حامد
جايبلك الورق اللي انت المفروض تخلصه يا استاذ يحي
يحي وطي صوتة وقاله
اوعي تكون قولت للجماعه اني مرحتش الشغل ياحامد
حامد
ها لا لا يا استاذ عن اذنك بقا انا ماشي
ليلى
هو في حاجه ولا ايه يا يحيى
يحي
ها لا مفيش حاجة يا ليلي انا داخل اخلص الورق ده
وفضلت قاعده تقول لنفسها امال لما يحي مكنش في الشغل امال كان فين ماشي يايحي انا هعرف بطريقتي
وكنت في يوم عندي في شقتي كانت حماتي قاعدة معايا وقالت لي
ابني كان نفسه يجيب حتة عيل يا سهير وراح اتجوز عزه عشان يخلف منها والحمد لله ربنا كرمة وجاب بنوتة زي القمر
سهير
طيب الحمد لله انتي ياماما برغم ان ليلى تستاهل ان يحي يتجوز عليها بس والله دي صعبانة عليا من اللي هتشوفه في حياتها بعد كده اصل اللي بتعمله في امها ده حرام
الحما
طبعا يابنتي حرام بس هتقولي ايه بقا هي مستقوية عليها ربنا يهديها
سهير
يارب ياماما 
وفجأه دخلت ليلى وقالت عشان كده بقا غايب بقالو يومين ولما سالتة انت كنت فين قالي كنت في الشغل واللي عرفتة انه اصلا مراحش الشغل اتاري البيه متجوز ومخلف كمان
سهير 
اهدي يا ليلي مش كده وبعدين ده حقه انه يتجوز ويخلف
ليلى 
ااه يعنى لما سي مراد جوزك يروح يتجوز عليكي ساعتها برضو هتقولي حقة انا ليا صرفه لما يرجع
الحما 
بصي يا ليلي انتي كان مصيرك هتعرفي واديكي عرفتي اهو خلاص اللي حصل حصل وهو دلوقتي بقا معاه عيلة من مراته التانيه يبقا لازم ترضى باللي عمله عشان مش هينفع يسيبها عشان بنته
ليلى بخبث 
ااه عندك حق ياحماتي مينفعش يسيب مراته وبنته عشان اي حد فعلا طيب خلاص يبقا يعرفني عليهم
سهير 
يعني بجد يا ليلي انتي مسامحة يحي وهتعدي اللي حصل ده
ليلى 
هو مش خلاص اتجوز وخلف ياسهير يبقا هو حر بقا لكن انا من حقي كنت اعرف برضو بس يلا معلش المهم دلوقتي تخليه يجبهم ياحماتي ده بيته برضو ومينفعش سيب مراته وبنته بعيد عنه انا طالعه شقتي
وسبتنا وطلعت وانا قولت لحماتي 
معقولة ياماما تكون ليلى بتقول كده برضا ولا ايه
الحما 
مش عارفه يا سهير بس البت دي مش سهله ربنا يستر على ابني منها
رجع يحي وامه قالت له ان ليلى عرفت قالها
يانهار اسود وبعدين ياما ليلى مش سهله ومحدش عارف بتفكر في ايه
سهير
مش يمكن قلبها حن لما عرفت انك خلفت يا يحيى يعنى متقلقش
وطلع يحي وليلى عملت نفسها زعلانه منه ودخل وقال 
بصي انا عارف اني غلط في حقك