جوز اختي
انت في الصفحة 1 من 5 صفحات
قبل مانبدا حكايتنا اعرفكم بنفسي انا اسمي فريدة عندي 25 سنة متجوزة بس معنديش اولاد وبشتغل عندي خالي في شركتة انا السكرتيرة بتاعته
في يوم كنت قاعدة في مكتبي واتصلت بحسام حوزي قولتله
الو ايوه ياحسام بقولك ايه معلش ياحبيبي انا هرجع البيت متأخرة شوية عشان لسه عندي شغل كتير في الشركة
حسام
يعني هو مفيش مرة ارجع البيت الاقيكي موجوده فيه يافريدة لازم ارجع وأفضل لوحدي لحد ماتخلصي هو خالك ميعرفش انك عندك بيت وزوج لازم يلاقي مراتة موجوده
فريدة
ايه ياحسام في ايه ياحبيبي هو انت مصدقت واتفحت فيا وبعدين انت عارف ان خالو معتمد عليا في كل حاجة في الشغل اقوله ايه يعنى
متقوليش حاجة يافريدة خليكي مع خالك براحتك لما نشوف اخرتها معاكي انتي وخالك
فريدة
خلاص بقا يا حوسو انا هخلص على بالليل وارجع علطول يلا باي ياحبيبي
قفلت مع حسام ودخلت عند خالي مكتبة وكان قاعد معاه ناس قولتله
اتفضل يا فندم الورق اللي حضرتك طلبتة اي أوامر تانية
نبيل
شكرا يافريدة بس بقولك ايه اطلبي لنا تلاتة قهوه مظبوطة عشان الضيوف
فريدة
تحت امرك يافندم عن اذنكم
وفضل قاعد في المكتب بيشتغل والناس اللي عنده مشيت رن الجرس دخلتلة
معلش يافريدة انا عارف اني خليتك طولتي النهاردة في الشغل زمانك تعبتي ياحبيبتي
لا يا خالو وبعدين ما انت عارف اني بحب الشغل معاك وببقا مستمتعة وانا معاك هنا في الشركة
نبيل
اه ياحبيبتي مانا عارف بس انتي وراكي بيتك وجوزك يلا يلا خودي بعضك وارجعي البيت الساعة داخله على 12 بالليل
فريدة
عادي وبعدين حسام اتعود على كده المهم قولي الصفقه هتم ولا ايه النظام
نبيل
ان شاء الله تتم بس ادعيلينا انتي بس وليكي عندي ان شاء الله مكافأة هايلة يافريدة
فريدة
ربنا يخليك ليا ياخالو انت هديتي اصلا والله بس انا نفسي تتجوز واشوفك سعيد في حياتك
نبيل
لا ياستي انا كده مرتاحة وبعدين انا قولتلك مېت مرة ان عمري ما هفكر ادخل حياتي واحدة بعد مها مراتي الله يرحمها
الله يرحمها هو فعلا طنط مها مكنش فيه واحده زيها بس ياخالو هتفضل وحيد كده دايما انت صعبان عليا ياحبيبي
نبيل
لا متقلقيش عليا انا زي الفل بقولك ايه اخلصي ويلا على بيتك شوفي جوزك
طلقني ياحسام طلقني دلوقتي حالا
حسام
مش هطلق يافريدة مش هطلق
فريدة
انا همشي ومش قعدالك في البيت ولا دقيقة واحدة انا عند اختي وورقة طلاقي تجي لي لحد هناك
ونزلت روحت عند اختي وانا مڼهارة من العياط
خبط وفتحت اختي سالي وقالت
فريدة ايه في ايه مالك ياحبيبتي وايه اللي جايبك في وقت متأخر كده
الووا الوا
سالي
انتي بتقولي ايه اهدي بس انا مش فاهمة منك حاجة اهدي اهدي ياحبيبتي
وخرج مروان جوزها من الاوضة وقال
في ايه يافريدة مالك انتي مڼهارة كده ليه ايه الحكايه ياسالي
سالي
وحشة عشان يعمل كده هو نسي المعفن ده انه حفي عشان يتجوزك
مروان
معقولة حسام يعمل كده طيب ليه
مروان
معلش يافريدة اهدي انتي بس وادخلي جوه ريحي لحد الصبح ونشوف حكايتة ايه اللافندي ده
سالي.
اسمع يامروان انت تخليه يطلقها ورجل فوق رقبتة وان مرضاش توديه في ستين داهيه
فريدة
ايوه يامروان انا مش عايزة اشوف وشه تاني الحقېر ده ابدا
سالي
اطمني يافريدة اطمني تعالي ادخلك الاوضة عشان تريحي شوية شكلك اصلا مرهق خالص
سالي
صباح الخير ياحبيبتي عامله ايه دلوقتي
فريدة
تعبانة ياسالي قلبي وجعني اوي مامنتش طول الليل بقا حسام يعمل فيا كده
سالي
معلش يافريدة ده طلع واطي بجد ومش يستاهل دمعة واحدة من عنيكي
فريدة
انا هاقوم البس عشان اروح الشركة انا اتاخرت اوي على خالو
سالي
لا شركة ايه بشكلك ده انتي هتفضلي النهارده
