تلاجه المستشفى الحلقة 6

وجيت اقوم لقيت القطه السودا واقفه عند الباب واول ما بصيتلها جريت بعيد...
_تاني يوم الصبح قومت وروحت جهزتلي فطار وكنت لسه هقعد افطر لقيت صوت حد. ورايا ولما بصيت لقيت الراجل الكبير اللي قاعد علي كرسي متحرك وعمال يقرب مني وانا ارجع لورا وبعدين قالي...
الراجل _
مستنيكي.. اوعي تتاخري عليا جه الدور عليا
رديت عليه وانا خاېفه وقولتله _
انت مين ومستنيني فين..
الراجل _
عمك هيكلمك قوليلو موافقه وبعد كده هتوصليلي...
_وبعدين صحيت من نومي علي صوت المنبه معقوله كنت بحلم كل بس مين ده جيت اقوم لقيت موبيلي بيرن وبأسم عمي قلبي اتقبض وقولت لنفسي..
سهيله _
هو الحلم بيتحقق ولا ايه..
رديت علي عمي وقولت _
الو صباح الخير يا عمي..
العم _
صباح النور يا بنت الغالي عامله ايه.. 
وبعدين معاكي بقي مش ناوين تيجي تغيري جو عندنا ايه بحر اسكندريه موحشكيش...
ضحكت وقولتله _
لا طبعا وحشني بس اللي وحشني اكتر من البحر هو انت يا عمي ومرات عمي..
العم _
طيب وافقي علي اللي هقولهولك ده واما اجيلك واجيبلك مرات عمك لحد عندك..
قلقت وقولت لنفسي يا تارا ايه الحاجه اللي اوافق عليها دي وكمان افتكرت كلام الراجل اللي ظهرلي في الحلم وقالي وافقي وانتي هتوصليلي...
العم _
روحتي فين يا بنتي انتي معايا يا سهيله..
سهيله بهدوء _
ايوه يا عمي معاك خير يا حبيبي... 
العم _
الدكتور هشام صاحب المستشفي اللي انتي شغاله فيها جالي امبارح وطلب ايدك وانا سألت عليه كويس فوقتها وطلع من عيله كبيره وابن ناس هو قالي انك مردتيش عليه وقولتلو الرد هيوصلك مع عمي كبرتيني ورفعتي راسي ربنا يجبر بخاطرك يا بنتي..
سهيله _
ربنا يخليك ليا يا عمي هو انا ليا غيركم المهم انت قولتله ايه..
العم _
بعد ما سألت عليه قولت هسألك انتي الاول رئيك ايه..
سهيله بقلق _
والله يا عمي انت عارف انا ومعتز مكملناش حاجه سايبين بعض و...
العم _
انا فاهم كل ده كويس بس الفرصه الكويسه بتيجي مره واحده في العنر بلاش تضيعيها وفكري كويس...
اتنهدت وقولتله وانا كلي فضول اوصل للراجل اللي بيجيلي فالحلم وقولت لعمي..
سهيله _
انا موافقه يا عمي..
وبعدها روحت المستشفي
علاء _ مالك يا سهيله فيه اي شكلك 
مش طبيعي انهارده
سهيله _ الحاله اللي كانت النهارده راجل كبير في السن مش كده
علاء _ لا خلاص دي بنت ولسه صغيره عندها 18 سنه بس ايه اللي خلاكي تقولي كده
سهيله _ ابدا مافيش وبعدها 
دخلت وكان كرسي المكتب بتاع هشام 
مديني ظهرو وقولت 
مساء الخير يا استاذ دكتور معلش انا كنت عايزه اتكلم مع حضرتك في حاجه
وبعدها لقيت الكرسي لف وكان 
الراجل الكبير وقالي
الراجل _ بلاش تاخير يا سهيله لازم تيجي بسرعه انتي سامعه ولا لا وفضلت ارجع لورا لحد ما 
خبط في هشام
هشام _ مالك يا سهيله في ايه عماله ترجعي 
لورا ليه
سهيله _ هو مين اللي قاعد هناك ده
وبعدها بصينا مش لقيت حد
هشام _ ان شكل اعصابك تعبانه قوي الفتره دي انتي محتاجه تاخدي اجازه
سهيله _ لا لا مش محتاجه اي اجازات بس انا كنت جايه عشان اقول لك ان عمي كلمني وانا موافقه
هشام _ ما تعرفيش والله انتي فرحتيني ازاي بالخبر الجميل ده
_وبعد اقل من شهر اتجوزنا انا وهشام والفتره دي كلها انا مشوفتش الراجل اللي علي الكرسي خالص وكمان شغل المستشفي كان طبيعي جدا مفيش غير القطه السودا او الجني اللي في كل تفصيله في حياتي بيكون موجود..
_وتاني يووم جوازي...
هشام _
يا سهيله يلا هنتاخر...
سهيله بتوتر _
حقك عليا يا هشام انا امبارح مش عارفه نمت ازاي وسيبتك..
لقيته قرب مني وضحك وقال _
يا حبيتي ولا يهمك ليه الايام بينا كتير المهم اجهزي علشان منتاخرش علي ماما دي زعلها وحش..
سهيله _
اممممم هتبدأ عليا شغل الحموات من اولها...
هشام _
انتي ونصيبك بقية...
_بعد شويه اخدني هشام وروحنا بيته اللي كنت اول مره ادخله كان بيت كبير جدا زي القصر وقعدنا مع مامته واخته...
الحما _
نورتي البيت يا سهيله.. ما تعرفيش انا فرحانه ازاي ان ابني خلاص غير رايه واتجوز اصله كان رافض موضوع الجواز ده خالص
سهيله بهدوء _
منور بوجود حضرتك يا طنط..الحمد لله 
الحما _
ميرسي يا حبيبتي المهم في قواعد للبيت هنا الاكل بمواعيد والنوم لمواعيد الصحيان بمواعيد...
_قلقت من كلامها انا