امي وجوزها
يا علي ماتروح عند عمتها احسن بدل ما كل شويه تعملنا مشاكل
على
يامشيرة مش هينفع لازم البت تبقى قدام عنينا متسبيهاش تروح عند حد دي بنتك وانتي اللي تعرفي تحكميها وبعدين اهي خدماكي في البيت ياحبيبتي انا عايزك تبقى هانم وبس
مشيرة
اه صح عندك حق ياحبيبي خليها وسطنا احسن واهو تشتغلي بلقمتها انتي يابت يامروة انتي يازفته
مروة
نعم في ايه عايزين مني ايه
ميشرة
شوف ياخويا البت بترد عليا ازاى والله انت اللي مسكتي
على
اهدي ياقلبي أعصابك مش كده
ميشرة
غوري يابت على المطبخ حضري الغدا يلا
ودخلت المطبخ اعمل الاكل
والنبي انا قلبي واكلني اوي على البت مروة يا كوثر ماتيجبي تليفونك اكلمها اطمن عليها يابنتي انا قلقانة
كوثر
قلقانة عليها ليه أن شاء الله ماهي قاعدة جنب امها ياماما هو احنا هنفضل طول العمر شايلين همها ماتسبيها تغور هي وامها
الجده
والله انا مش عارفة انتي قلبك ده ايه
وفي اللحظة دي دخل شريف وقال
ايه ياجماعة في ايه مالكم
الجده
ابدا يابني اصلي بقول لمراتك تجيب تليفونها عايزة اطمن على مروة بنت اخوها انا قلقانة عليها مش راضية
شريف
ليه كده ياكوثر بس ماتخليها تطمن على البنت خودي ياحماتي تليفوني كلميها من عندي
بقولك ايه يا شريف انت تسكت وملكش دعوة بالموضوع ده وبعدين البت في حضڼ امها هتقلق عليها ليه بقا
الجده
يابنتي البت مع امها بس في واحد غريب معاهم في البيت والله اعلم ايه اللي بيحصل
كوثر
هيكون ايه اللي بيحصل يعنى ياماما هو هياكلها ولا هياكلها ولا انتي هتخافي عليها من ايه دي بت ابنك تخوف بلد بحالها
الجده
ماشي يابنتي اللي تشوفيه
كوثر
وانت اتفضل ادخل غير هدومك على ماحضر الغدا
شريف
حاضر ياكوثر ربنا يهديكي
وعدت الايام وفي يوم على كان قاعد مع ماما وقالها
علي
بقولك ايه ياقلبي انا كنت عايز اطلب منك طلب كده
ميشرة
اطلب ياحبيبي
انا كنت عايزك تكتبي الشقة دي باسمي بدل يعني ما الناس تقول ده قاعد في ملك مراتة ويقولو عليا مش راجل ولا انتي يرضيكي الناس تقول عليا كده
ميشرة
معاش ولا كان اللي يقول عليك كده ياحبيبي انت سيد الرجاله كلها بس يعني هو لازم ياعلي اكتبها باسم انا بس يعني بقول.....
على
خلاص يامشيرة خلاص متقوليش حاجة هي كده بانت وانتي مش مأمناني على الشقه ولا عندك ثقة فيا عن اذنك انا داخل انام
ميشرة
استني بس ياعلي رايح فين انت زعلت مني ولا ايه انا مقصدش ازعلك ياحبيبي طيب خلاص نروح بكرة الشهر العقاري واسجل الشقة باسمك مانت برضو جوزى وانا ميهونش عليا زعلك
تعرفي يامشيرة اني انا بحبك اوي وعمري ماحبيت واحدة قبلك ولا هحب بعدك
ميشرة
ربنا يخليك ليا ياحبيبي
وكانت ماما قاعده هي وعلى وانا قولتلها
مروة
لو سمحتي ياماما انا عايزة اروح أزور تيتة عشان وحشتني وعايزة اشوفها ممكن اروح عندها
ميشرة
ابقي روحي ياحبيبتي ولو عايزة تفضلي عندها علطول خليكي هناك
على
لا لا تروح فين يامشيرة لا طبعا مش هتروح في اي مكان احنا قولنا ايه يامشيرة
ميشرة
خلاص ياعلي اللي تقول عليه ياخويا غوري يابت على اوضتك امشي
مروة
والله حرام اللي بيحصلي ده ربنا ياخدني عشان ارتاح ومشيت من قدامهم دخلت اوضتي
وبالليل لقيت على جاي لي الاوضة زق الباب ودخل بيقولي
علي
ايه يامروة انتي هتفضلي حابسة نفسك في الاوضة كده علطول انا عايز اقعد معاكي
مروة
انت ازاى تدخل عليا كده هو انت مش المفروض تخبط ولا انت متعلمتش الزوق والادب
على
اتلمي يابت واتكلمي معايا بأدب مابدل ماجبلك امك تلمك
مروة
انا متعلمة الادب ڠصب عنك الدور والباقي عليك ولو مخرجتش من الاوضه دلوقتي هصوت واقول لماما عليك انك جايلي دلوقتي
