قصه ړعب _الخامسه

علي اذان الفجر فضلت ابص حواليا وانا مړعوبه هو ايه اللي حصل وحسام والمشرحه ايه اللي رجع الحاجات دي لحياتي تاني...
_الصبح جهزت وطلعت من بيتي بس مش علي المصنع روحت المستشفي اللي كنت شغاله فيها واول ما ظخلت قابلني عم عوض وقالي وهو مبسوط..
عم عوض _
اهلا وسهلا بيكي يا بنتي نورتي المستشفي كانت ضلمه من غيرك..
رديت عليه وقولت _
ده بنورك يا عم عوض انت بتعمل ايه هنا هما نقلوك...
عم عوض _
لا انا اللي طلبت انزل هنا يا بنتي بعد منك انتي والدكتوره رباب الله يرحمها مبقاش ليا نفس اقعد فوق سيبتها...
سهيله بفضول _
اومال مين اللي بقي حارس المشرحه دلوقتي...
عم عوض _
مدير المستشفي الدكتور هشام جاب واحد معرفته اسمه الاخرس وهو اخرس فعلا...
سهيله _
ماشي يا عم عوض بعد اذنك..
_مشيت خطوتين لقيته نده عليا...
عم عوض _
يا دكتور سهيله..
بصيتله ورديت عليه وقولت _
خير يا عم عوض..
عوض بقلق _
اخر يوم كنت فيه فوق في التلاجه سمعت اصوات لناس كتير اووي ستات في رجاله بيقولو سهيله هترجع تعرفي حاجه عن الموضوع ده...
اتقبض قلبي ورديت عليه وقولت _
لا معرفش حاجه يا عم عوض..
_سيبته وروحت لمكتب المدير واول ما دخلت وقف ورحب بيا وقال...
هشام _
اهلا وسهلا يا دكتوره سهيله نورتي المستشفي...
_استغربت انه عارفني هو مسك المستشفي بعد ما انا مشيت بكام شهر ابتسمت ورديت عليه برسميه وانا بقعد قدامه وقولت..
سهيله _
اهلا بحضرتك يا دكتور هشام..
هشام _
متستغربيش اني اعرفك مفيش موظف هنا اتكلم معاه الا وانه بيجيبلي سيرتك واد ايه كنتي متفوقه في شغلك..
سهيله 
طيب وانا حابه اكمل التفوق ده...
ابتسم وقالي _
قصدك انك عايزه ترجعي هنا الشغل تاني..
رديت عليه برسميه _
طبعا ده بعد موافقة حضرتك..
هشام 
وانا موافق...
ضحكت من غير مقصد وقولتله _
هههه اي ده بالسهوله دي..
بصلي وسكت شويه وبعدين قال _
تعرفي ان ضحكتك حلوه جدا واسف لو اعترافي بجمالها ازعجك...
_بصيت علي مكان دبلة معتز اللي بقي فاضي واتنهدت ورديت عليه وقولت..
سهيله _
ميرسي لذوق حضرتك بس ممكن طلب..
هشام 
اتفضلي خير..
سهيله _
انا عايزه ابدأ شغل من النهارده...
هشام _
طيب انا هبلغ الدكتور علاء اكيد تعرفيه وهبلغه انكم هتمسكو الشغل مع بعض...
سهيله _
اكيد طبعا دكتور علاء اتدرب علي ايديا...
هشام _
ما هو عشان كده متفوق واخد منصب كبير في وقت صغير...
_وبعد. متكلمت مع هشام وجاملنا بعض برسميه طلعت من عنده وروحت علي مكتبي لقيت علاء قاعد وبيقرأ في روايه ضحكت ڠصب عني ودخلت وقولتله...
سهيله _
مش عيب عليك تبقي دكتور محترم وتقرأ روايه...
وقف وقالي وهو مبسوط _
دكتوره سهيله انا مش مصدق نفسي انك جيتي هنا تاني ولا تكوني مش انتي ودي روحك...
سهيله _
يلا يا قليل الادب وبعدين ايوه رجعت وهقرفك في عيشتك تاني...
علاء _
طيب وربنا علي قلبي زي العسل انتي رجعتي بجد...
سهيله _
لا جايه اسلم علي الضيوف اللي جوه وامشي في ايه يا علاء رجعت والله وانا وانت اللي هنمسك الشغل...
علاء _
تعالي احكيلك طيب حاجه من الحاجات اللي حصلت معايا وانا جوه...
سهيله بفضول _
احكيلي اي اللي حصل...
علاء پخوف _
كنت بشرح في روح وفجأخ لقيت اا..
_دخل واحد من اللي شغالين في المستشفي وقال لعلاء...
العامل_
يا دكتور علاء دكتور هشام عايز حضرتك ضروري..
علاء _
قوله جاي...
وبعدين علاء بصلي وقال _
هروح اشوفه عايز ايه واجيبلك اتنين فول واتنين طعميه وبدنجان مخلل وشاي..
سهيله _
يااه لسه فاكر يا علاء..
رد عليا بسخريه وقال _
لسه فاكر ايه يا حجه انا بفطر كده كل يوم وقولت اجيبلك معايا...
مسكت الكتاب اللي كان بيقرأه وسألته _
بقي في دكتور محترم زيك يقرأ كتاب اسمه مقدرش اهز جامد غير لما اقول لحامد..
علاء _
مانا كان عندي فضول اعرف يطلع مين حامد ده اللي هي عملاله حساب وخاېفه تهز جامد....
ضحكت اووي وقولتله _
هههههههه اطلع بره يا علاء شوف اللي وراك..
_مشي علاء وانا قعدت اقلب في موبيلي وسمعت صوت جاي من المشرحه هو بعيد شويه بس مفهوم ده صوت وحده بتقول _متتأخريش يا سهيله...
وقفت وانا خاېفه جيت اطلع واروح عند المشرحه لقيت في وشي راجل شكله يخوف شويه سألته وانا باخد نفسي بصعوبه..
سهيله _
انت مين يا عم وكح قبل ما تطلع كده زي العفريت..
شارولي علي الباب وقولتله _
انت الحارس اللي واقف