قصه ړعب _الرابعه

بهدوء _اسمه عبد الله انا اسمي علاء عبد الله محمد...
سهيله _طيب ازاي يعني اومال مين ابن حسام..
علاء بقلق _حسام مين..
مردتش عليه وفضلت اكلم نفسي واقول _هو قالي مستنيكي بره ومفيش غيرك مستنيني وانت اصلا عندك خمسه وعشرين سنه وابن حسام اللي راح من اربعين سنه اكيد عنده اربعين سنه واكتر...
علاء _انتي بتكلمي نفسك يا دكتوره سهيله لا انا انفد بجلدي من المستشفي دي قبل ما ابقي زيك...
اتغظت وقولتله _علاء والله هخصملك من مرتبك لو مبطلتش تستظرف معايا...
ضحك علاء وقالي _خلاص والله هسكت..
_جيت امشي بس وقفت لما علاء قالي...
علاء _انتي كان قصدك مين بأبن حسام ليكون قصدك علي هيثم اخويا اصل هو شبهي اووي او انا اللي شبهه عشان انا اصغر منه...
رجعت وسالته بفضول_انت عندك اخ اسمه هيثم ازاي يعني واي علاقته باسم حسام بص بالراحه كده فهمني...
علاء _هفهمك انا عندي اخويا من امي لان امي اتجوزت الاول واحد راح وسابها وهي حامل فيه وبعدين ماما اتجوزت بابا وخلفتني انا واخواتي...
سهيله _اخوك اسمه اي كامل...
علاء _اسمه هيثم حسام الفيقي.. 
اټصدمت وقولتله بسرعه _تعالي وديني لاخوك ده بسرعه...
علاء _يا دكتوره اخويا متجوز ومراته بتغير عليه و... ومش هينفع حد يعرف اصلا ان قولتك حاجه ارجوكي
زعقت فيه وقولتله _انت عبيط يا علاء بقولك ايه تعالي وديني لاخوك والا هخصملك الشهر كله...
علاء _لا خصم ايه بس يلا بينا وربنا يستر...
_بعد شويه نزلنا انا وعلاء من التاكسي قدام مكتب حسابات في منطقه بسيطه سألت علاء وقولتله..
سهيله _هو اخوك عنده مكتب حسابات...
رد عليا علاء وقال _ده انتي طموحك كبيره اووي اخويا شغال هنا يا حرام ظروفه علي قده كلنا ظروفنا علي قدنا...
سهيله _طيب يلا ندخله...
علاء _لا استني المدير بتاعه عصبي وبيتلككله انا هكلمه وهخليه يجيلنا هنا...
سهيله_طيب بسرعه يلاا....
_ كلمه علاء وفعلا بعد شويه جه اخو علاء واتفجئت انه نسخه من حسام لا ده هو واول ما شوفته قولت من غير ما احس..
سهيله _حسام...
هيثم _خير يا دكتوره علاء بيقول انك عايزاني...
اتوترت ومعرفتش اقوله اي بس حاولت اجمع افكاري وسألته..
سهيله _انا كنت ع معرفه ب باباك الله يرحمه...
هيثم بسخريه _ازاي يعني انا ابويا راح من يجي اربعين سنه وحضرتك اصغر من ان يكون عندك اربعين سنه...
اتوترت اكتر وقولت لنفسي بضيق _يخربيتك نفس دماغ ابوك اتصرف ازاي انا دلوقتي 
وبعدها رديت عليه وقولتله _كان بمعرفه بأهلي وكنت عايزه اعرف هو راح امتي وازلي وفين القپر بتاعه عشان ازوره..
هيثم _معرفش كل اللي اعرفه انه راح وامي حامل فيا ولما اتولدت كانو اهله رمونا في الشارع انا وامي...
سهيله _طيب مامتك فين انا عايزه اشوفها..
علاء _ماما في الشغل صح يا هيثم..
هيثم بضيق _لا مش في الشغل هي اجازه الكام يوم دول وبعدين بلاش يا دكتوره تروحيلها هي مش بتطيق سيرة اللي حصل زمان...
سهيله _معلش انا لازم اشوفها.. وهحاول اتكلم معاها بالعقل
علاء _تعالي يا دكتوره سهيله انا هوديكي لماما
وربنا يستر هو انا ممكن افهم فيه اي بالظبط 
شكلك عامل كده ليه
سهيله _ وديني بسرعه لمامتك
_جبت امشي مع علاء بس لقينا قطه واقفه وبتبصلنا بشكل غريب ومش راضيه تمشي...
علاء _اي القطه الرخمه دي..
زعقت فيه وانا خاېفه _اسكت ومتغلطش احسنلك..
علاء پخوف _ بسم الله الرحمن الرحيم هي دي مش قطه.. هي ازاي بتتكلم
سهيله _لا مش قطه ومش عايزك تخاف منها
علاء _طيب يلا نجري والنبي..
_ضحكت ڠصب عني علي علاء وجيت امشي لقيت القطه بصتلي مره واحده وعنيها قلبت