حماتي وبنتها _كامله _بقلم هويدا زغلول
ياماما اداكي فلوس كام
فايزة
اهم ٥٠٠ جنية يلهوي لو كان شافك باللبس ده يابت ده كان طين عيشتك
ريم
مانا مرضتش اخرج من الاوضه وهو هنا عشان مش يشوفني بقا ويفضل يفتحلي محضر هاتي الفلوس خليني انزل
فايزة
انتي هتاخدي الفلوس كلها يابت لا هما ٢٠٠ جنية مفيش غير
ريم
٢٠٠ جنية ايه بس ياماما هما يجيبو حاجة هاتي ياماما بقا وشدت منها الفلوس ونزلت بسرعة
فايزة بتقول لنفسها
شوف ياختي البت اخدت الفلوس وجريت ازاى يلا وماله خليها تدلع براحتها دي البت اللي حيلتي
وراحت ريم عند أصحابها وقابلت ولد وقالها
مازن
ريمو حبيبتى وحشتيني اوي ياقمر ايه الجمال ده بس مقدرش انا
بس بقا يامازن انا بتكسف الله
مازن
تجنن وانت بتتكسف ياحبيبي تعالي ندخل نقعد مع الشلة جوه تعالي
ريم شدته وقالت
استني يامازن انا مش هشرب معاكم ماشي
انت عارف اني محبووش
مازن بيمثل عليها وقالها
حاضر ياقلبي وبعدين اصلا انا قايلك اني مش معايا فلوس لان فلوسي كلها اتسرقت واتزقنت في فلوس
ريم
معلش ياحبيبي انا جبتلك ٥٠٠ جنية اهم اخدتهم من ماما بالعافيه اصل بصراحة مهانش عليا اسيبك مزنوق في فلوس واسكت
مازن
لا لا طبعا انا مش هاخد منك حاجة ياريم مش هينفع اصلا المفروض انا اللي اديلك ياقلبي
وانا ايه وانت ايه يامازن ماهو ياحبيبي لما نتجوز فلوسي هتبقا هي فلوسك مش كده ولا ايه
مازن
طبعا ياقلبي وبعدين لما نتجوز انا اللي هصرف على البيت مش انا الراجل برضو وعلى العموم انا مش هكسفك وهاخدهم دلوقتي بس ارجوكي ياريم مش تعمليها تاني اوك
وعدت الايام وريم امتحنت وجات وقت النتيجه جابت مجموع زفت وحماتي قالتلها
الحما
بقا كده ياريم تجيبي المجموع المنيل ده وانا اللي كنت باخد من اخوكي فلوس اد كده عشان اعلمك واقوله دي اختك هتدخل احسن كليه تقومي تعملي كده وتيجيبي المجموع ده ياشماتة سارة مرات اخوكي فيا
بقولك ايه ياماما اللي حصل حصل وبعدين انا اصلا نفسي ادخل الجامعة الأمريكية
فايزة
ودي هتدخليها ازاى ياروح امك بالمجموع الزفت ده
ريم
ماهي ياماما مش بالمجموع دي بالفلوس
فايزة
ودي عايزه فلوس اد ايه بقا ان شاء الله
ريم
يعني قولي كده في رينج ١٥٠ الف جنية
فايزة
نعم ياختي بتقولي كام وانا المبلغ ده كله منين ان شاء الله انتي بتستهبلي يابت انتي انتي
عارفه معاش ابوكي قد اي ياختي وانا
معرفش اجيب ليكي المبلغ ده
ريم
ولا بستهبل ولا حاجة ياست ماما الفلوس موجودة بس انتي تفتحي مخك معايا ياماما
افتح مخي ازاى يابت
ريم
هي مش شقة اخويا انتي اللي كنتي شاريها من فلوسك والمفروض انها باسمك بسيطة يبقا نبيع الشقة وانا اخد الفلوس وادخل الجامعة الأمريكية وخلاص كده
فايزة
طيب اخوكي ومراتة وبناتة يروحو فين بقا
ريم
معرفش يروحو ياجروا بره يروحو يقعدو عند امها وابوها ولا اقولك خليهم يجو يعيشو معانا هنا اهيه الشقه بتاعنتا واسعه وتكفينا كلنا
فايزة
تصدقي يابت فكرة حلوه خلاص هاقول لاخوكي واشوف راية ايه واهو حجا اولا ب لحم طوره
واتصلت با امجد
امجد
خير يا ماما فيه اي اوعي تقولي انك عايزه
فلوس بالله عليكي انا الفتره دي مش قادر
علي اي مصاريف خالص
الحما
جرا اي يا واد انت فيه اي لا يا روح امك
مش عايزه فلوس عايزك انت اللي تيجي
ضروري ليا
امجد
طيب ممكن بكره الصبح ربنا يعلم انا راجع
من الشغل تعبان والله
الحما
بقولك اي اقفل السكه من هنا تقوم
تلبس وتيجي من هنا لاحسن والله يا امجد
هتلاقني لابسه وجايه ليك وانت حر بقي في اللي هيحصل قدام مراتك وعيالك
امجد
لا لا وعلي اي خليكي مكانك يا أمي وانا جاي
ليكي وبعدها قفل السكه معاها
وراح لها وقال
امجد
خير ياماما اتصلتي بيا وقولتي في حاجة
