جوازي_ الجزء الاخير

عايزه اخد ولا ادي في الكلام بعد اذنك سيبيني امشي
زينب بضيق
يا بنت اقعدي على حالك خلينا نتكلم كلمتين ايه الخيبه دي استني اما افتح الباب بيخبط
راحت زينب تفتح الباب وكانت مها وعلا
زينب
ادخلي يا اختي انت وهي
مها 
مالك يا حماتي متضايقه كده ليه معاش ولا كان اللي يزعلك
علا
شكلها رفضت مش عارفه متكبره على ايه ده حتى معيوبه ومش لاقيه حد يتجوزها مش تحمدي ربك يا اختي انك لقيتي حد يطلبك للجواز بعد ما تعرف في الحته كلها انك محروقه ومشوهه
ساره بعصبيه
احترمي نفسك يا بت انت وهي ولا مفكريني هسكت لكم
زينب
اسمعي بقى يا ساره انت مش هتخرجي من هنا يا حبيبتي غير لما اشوف اللي انا عايزاه واطمن عليك غير كده مش هتطلع
ساره بعصبيه
استحاله اللي انت عايزاه ده يحصل انت فاهمه انا هكلم بابا انت هتحبسيني ولا ايه
زينب پحده
ادخلوا يا بنات واضح انها مش هتيجي بالذوق ولا بالادب
وفعلا مها وعلا قربوا منها ومسكوا التليفون وخدوه وحاولوا يخلوها تخلع ملابسها ولكن هي صړخت مها حطت ايديها علي بقها علشان تسكتها وفعلا عملوا اللي هما عايزينه و زينب شافت جسمها وقالت بعدم اهتمام 
ما طلعتش حاجه كبيره يعني طب كويس كان لازم يبقى بالاجبار احنا حتى ستات في بعضينا
ساره عيطت جدا وكانت مڼهاره ولبست هدومها وخرجت بسرعه من غير ما ترد عليها وراحت على البيت
حنان پخوف
مالك يا بنتي في ايه
ساره بعصبيه وعياط
انت كنت عارفه صح من قبل ما انزل وانت بتقولي لي هي عايزه تشوفك عشان تطمن عليك صح انت كنت عارفه ان ده هيحصل
حنان اتوترت
ايه بس اللي حصل يا بنتي ما تفهميني
ساره بعياط وعصبيه
للدرجه دي مش طالعني في البيت وعايزه تخلصي مني للدرجه دي بايعاني ورخصتيني انت مش ام حرام عليك ازاي جالك قلبي تعملي فيا كده ازاي تهنيني بالمنظر ده ما انت لو ما كنتيش موافقه على حاجه زي دي من الاول ما كانتش اتجرات وعملتها
حنان بدموع
يا حبيبتي انا كنت عايزه افرح بيكي واشوفك عروسه وتبني اسره لكن انت الناس عارفه ان انت عندك چرح وكلهم مفكرينك مشوه كان لازم تتجوزي
ساره بعصبيه
مش عايزه اتهبب ومش مسامحاك على اللي انت عملتيه ومش هتجوز الا اسمه كريم ده لو الزمن طبعت على الارض وانت الكلام بيني وبينك اتقطع مش عايزه اكلمك ولا اشوفك حتى
قالت ساره كلامها ودخلت اوضتها وهي مڼهاره
وبعد ساعتين دخل عاصم وكانت حنان بټعيط لما حاولت تقرب من بنتها ولكن ساره ما تقبلتهاش وفضلت تصرخ فيها وطردتها بره الاوضه
عاصم بقلق 
في ايه يا حنان مالك انطقي البنت جرى لها حاجه
حنان بعياط
مش عارفه اقول لك ايه يا عاصم
عاصم 
مالك يا بنتي مالك يا حبيبتي حصل ايه
ساره بعياط ابتدت تحكي له كل حاجه واللي عمله زينب ومها وعلا