مراتي غريبه _كامله_بقلم هويدا زغلول
انت في الصفحة 1 من 5 صفحات
كانت الصدمة لما اتجوزت مراتي ولقيتها كل يوم بتنام لوحدها ولما دخلت عليها لقيتها بتعمل
في البدايه اعرفكم بنفسي انا اسمي عادل عندي 40 سنة عشت عمري كله برة مصر ولما رجعت من السفر لقيت امي بتقولي
الام
هو انت ياحبيبي مش ناوي تتجوز بقا العمر عدي بيك وانت لسه ياعادل انا نفسي افرح بيك
عادل
ايه ياست الكل هو انا عجزت يعنى ولا ايه وبعدين انا مرتاح كده
الام
لا ياحبيبي انت زي الفل بس انا نفسي افرح بيك واشوفك عريس عروستك معاك
عادل
وهو انا لقيت عروسة وقولت لا بصراحه انا عايز
اتجوز هنا من بلدي بنت تكون كويسه بنت بلد
الام
خلاص يعني اشوف لك انا العروسة انا قدامي واحدة بنت حلال هي يتيمة الأب بس بصراحة الكل بيشكر في اخلاقها ايه رايك اروح اتكلم مع أهلها
عادل
خلاص يا أمي اللي تشوفية المهم بس انا اعجبها ههههه انتي عارفه ان سني كبير ومش عارف هي هترضي بيا ولا اي
الام
انت تعجب الباشا ياحبيبي هو حد يطول يجوز بنته لواحد زيك على العموم انا هاروح بكرة واتكلم مع عمها
وتاني امي راحت لأهل العروسه هي عايشة مع عمها ومراته وبنتة اول لما شافت العروسه قالت
الحما
بسم الله ماشاء الله عروسه قمر ربنا يحرصك من العين يا حبيبتي
امال الاستاذ عادل مجاش معاكي ليه ياحجة
مش المفروض كان جه واتعرفنا عليه ولا اي
الام
بصراحة يا استاذ جمال هو عادل بعتني انا الأول كده يعني عشان يبقا في بينا ربط كلام وكمان مينفعش يدخل كده وانتو لسه متعرفوش عنه حاجة
العم
تنورونا ياحجة والله
الام
تسلم ياخويا يعنى يا استاذ جمال اجيب عادل ابني عشان يشوف بنتكم ونقرا الفاتحة
جمال
وماله ياحجة احنا في انتظاركم
وحددت امي معاه ميعاد عشان نروحلهم
وبنت عمها قالت لمامتها
شيماء
يعنى الست هانم يجيلها عريس زي ده وانا لسه ياماما بنت المحظوظة ده زمانه راجع من برة معاه فلوس ومتريش على الاخر
اه يا بت ياشيماء بصراحة البت أميرة دي محظوظه طول عمرها معقول عادل اللي مسافر
برا طول عمره عايز يتجوزها هي
شيماء
انتي بغظيني بالكلام ده ياماما يعنى انا اللي بومة
سعاد
يابت بكرة يجيلك احسن منه اهمدي بقا
ودخل جمال لأميرة عشان يسألها عن رايها
جمال
ها قولت ايه يا أميرة اظن ده عريس مايترفضش اوعي بقا تقولي زي ماكل واحد بيجيلك لا وترفضي
أميرة
ياعمي انا مش عايزة اتجوز خالص انا عايزة افضل كده من غير جواز وبعدين انت اللي عايزني اعيش معاك هنا لو تقيله عليك خليني اطلع اعيش في شقتي فوق مع بابا
لا يا أميرة مينفعش تفضلي من غير جواز ولازم توافقي انا قولت كلمة خلاص بصراحه يا بنتي انا مش هكدب عليكي انا ظروفي وحشه وعندي بنت عايزه تتجهز
اميره
طيب واي العلاقه
جمال
عادل مش هخليكي تجيبي حاجه خالص انا واقفت خلاص وسبها وخرج
امي رجعت من عند الناس وانا سألتها
عادل
عملتي ايه ياست الكل طمنيني العروسة حلوه ولا ايه
الام
مشاء الله تبارك الله ياعادل زي القمر بنت مفيش في جمالها ولا اخلاقها
عادل
طيب اتفقتي مع عمها على ايه يعنى نروح ونتكلم في التفاصيل ونقرا الفاتحة
الام
انا اتفقت معاهم هنروحلهم الجمعة الجاية
وفضلت قاعد على ڼار ومستني اليوم ده بفارغ الصبر وجه يوم الجمعة ورحنا
جمال
يا اهلا وسهلا بيك يا استاذ عادل
عادل
اهلا بحضرتك اظن الحجة جات واتكلمت معاك في كل حاجة يا استاذ جمال وقالت لكم اني عندي شقتي وجاهزة من كل حاجة مش ناقصها غير العروسة اللي هتيجي تنورها
جمال
اكيد طبعا يابني
ودخلت العروسة وشايلة صنية الحاجة الساقعة وقالت مساء الخير
عادل
مساء النور
واول لما شوفتها بصراحه انبهرت
