جوزي _كامله_

انك في حياتي مش عايز عيال وبيقولي انا عايزك انتي وبس
سالي
طيب ماهي جايه اهو انتي بقا تعبه نفسك وشاغله دماغك لييه
ايمان
اولا يا سالي نفسي اخلف منه اوي عشان بحبه اوي وثانيا ماما تملي تقولي لازم اجبلة عيل عشان مابيصش كده ولا كده وكمان عشان حماتي متزنش عليه وتقولو يتجوز عليا وانتي عارفاه معندهاش غير نبيل واخته يبقا اكيد نفسها تشيل احفادة
سالي
سيبك من الكلام الفارغ ده اللي لا هيودي ولا يجيب خلي حياتك ماشية مع جوزك زي ماهي ماشية كده واللي عايزة ربنا هو اللي هيكون ياحبيبتي
ايمان
ونعم بالله المهم انتي عماله تسأليني عني ومعرفتش حاجة عنك يابنتي طمنيني عاملة ايه مع جوزك لسه برضو مش بتحبيه
سالي
ايوه طبعا ولا عمري هحبه انا عايشه معاه عشان يصرف عليا وبس ده معاه بحر فلوس يابنتي وشوفتي بقا الفرق بينا انا مش بحب جوزى ومش عايزة اخلف منه وانتي بتحبي جوزك ومش عارفة تخلفي منه شوفتي الدنيا يا إيمي
ايمان
ايوه الله عندك حق ياسو الدنيا دي مبتديش للواحد كل حاجة هو عايزها لازم تكون في حاجة ناقصه المهم انتي هتتغدي معانا النهارده ومش عايزة اي اعذار انتي فاهمة
سالي
لااا انا شويه وهمشي لا جوزك يرجع يلاقيني قاعده كده وهو يكون راجع وعايز حاجة كده ولا كده ههههه يزعل ساعتها عشان انا هبقا عزول
ايمان
لا ياختي اطمني هو خلاص حصل امبارح بالليل والنهارده لا واستنى بقا هتصل بيه اعرفه انك عندي واخليه يجيب شوية حلويات وهو راجع
وفعلا اتصلت بنبيل وغريبة انه رجع البيت في اليوم ده بدري
نبيل
مساء الخير ياجماعة ده ايه النور ده اهلا وسهلا يا سالي
سالي
اهلا بيك يا نبيل ده نورك والله
نبيل
منوره ياسالي وفينك كده ايه الغيبة دي كلها محدش بقالك فترة بيشوفك يعني
ايمان
حمد الله على السلامة ياحبيبي انت رجعت بدري النهاردة يعنى ده انتي وشك حلو عليا يا سالي تصوري
سالي
ليه بقا يا ايمان هو كل يوم بيرجعلك وش الفجر ولا ايه ههههه
نبيل
والله ابدا يا سالي انا كل يوم برجع البيت في الميعاد العادي اللي هو بالليل وطبعا مش عاجب المدام
ايمان
ايوه بترجع بالليل وتسبني طول اليوم اعده لوحدي بكلم نفسي
سالي
لا ملكش حق يانبيل بقا حد سيب القمر ده طول النهار لوحده برضو
ايمان
ايوه قوليلو والنبي ياسو
نبيل 
انتو اتلمتو عليا بقا وهتعملوا عليا كماشة لا انا هسيبكم وادخل جوه اغير هدومي
ايمان
يلا يابنتي احنا ندخل المطبخ نحضر الغدا
وفضلت سالي عندنا في اليوم ده طول النهار وبالليل قالت هتروح عشان جوزها ونزل نبيل يوصلها
سالي
ابقي خلي بالك من إيمان يانبيل دي بتحبك اوي وپتخاف على زعلك
نبيل
وهي اشتكيتلك مني ولا ايه يا سالي
سالي
لا ابدا دي حتى بتشكر فيك اوي بس بتقول انك مش عايز تروح معاها للدكتور عشان موضوع الخلفة ده
نبيل 
قولتلها مېت مره اني مش عايز اولاد انا حر
سالي 
بس هي ياحرام نفسها في بيبي عمتا انا اقنعتها انك بتحبها ومش ممكن تستغنا عنها
نبيل 
وفكرك يعني اقتنعت وهتسكت ومش هتتكلم تاني في الموضوع ده تاني دي لو هي سكتت امها مش ساكتة وعماله تزن عليها
سالي 
انت هتقولي على حماتك دي يتفاتلها بلاد بصراحه البت إيمان غلبانة خالص طالعه لابوها مش لأمها ههههه
نبيل
انتي بتقولي فيها ده انا الله يكون في عوني من حماتي دي
سالي 
طيب وصلنا عند البيت اهو نزلني هنا بقا
نبيل
متبقيش تغيبي علينا كتير كده ماشي
سالي
من عيوني يلا باي
وبعدها راح عند مامته
الام 
كويس انك جيت كنت لسه هرن عليك علشلن 
تيجي سهير بنت خالتك هنا
نبيل 
يوووو تاني يا ماما قولتك الف مره