حماتي قنبله ذريه _ كامله _ بقلم هويدا زغلول
نسمه
انا ماقصدش كده بس انتي كنتي عارفه ان هي خطيبة شريف الاولي وما ينفعش ان هي تقعد معاه
الحما
لا يا نن عين امك الشقه دي بتاعتي وانا اقول مين يقعد فيها ومين ما يقعدش ولو مش عاجبك اتكلي على الله وامشي
نسمه
هو انا عملت ليكي ايه علشان تعملي فيا كل اللي بتعمليه ده ده انا بحاول افرحك انتي وابنك وبنتك كمان
الحما
ايوه كده اظهري على حقيقتك كنت عارفه ان اليوم ده هيجي وهتعايرينا بالفلوس اللي دفعتيها لبنتي
اه ياني تعالي شوف مراتك يا شريف بتعمل
فيا اي وفي الوقت ده دخل شريف
شريف
الحما
مراتك يا ابني بتذلني بالفلوس اللي دفعتها لبنتي انا هسدد الفلوس دي بس لو حصل ليا حاجه قبل ما اسدها الدين ده هيكون في رقبتك
نسمه
انا داخله اوضتي بجد انا زهقت، وبعدها
دخلت وقعد شريف جنب أمه
شريف
في ايه تاني يا ماما ايه اللي حصل بس بينك وبينها
الام
بقولك ايه سيبك منها ركز في الكلام اللي انا هقوله ليك البنت رقيه اتطلقت وانت كنت عارف ان المؤخر بتاعها عالي
شريف
طيب وانا مالي ومالي المؤخر بتاعها يا ماما
الام
طول عمرك هتفضل عبيط كده هي جايه وعايزه تقوم محامي قوم ليها انت المحامي وخليك جنبها وخليك الصدر الحنين ليها
شريف
تصدقي يا ماما فكره انا بسمع ان جوزها ده كان غني قوي ومعاه فلوس كتيره يعني كده كده هيدفع المؤخر
الام
بس مش عايزه اقولك ربنا مديله ام بتموت على القرش يعني لازم تقوم محامي جدع وبقولك ايه اصرف الاول ما يهمكش
شريف
اصرف منين يا ماما ما انتي عارفه البير وغطاه هو انا معايا فلوس
الام
ملكش دعوه يا واد انا هديلك الفلوس اللي انت عايزها يلا ادخل غير هدومك بقي وقول
الاكل وكنا قاعدين علي السفره ولقيت
شريف بيقول
شريف
طيب وانتي يا رقيه عملتي ايه علشان خاطر يطلقك
رقيه
والله يا شريف انت عارفني ان انا غلبانه وماليش في اي حاجه بس أمه بقى الله يسامحها هي اللي فضلت وراه خالتي قالتك على موضوع المحامي اللي انا عايزه اقومه
شريف
طبعا طبعا انا هقوملك محامي وهنشوف الموضوع ده وباذن الله حقوقك كلها تاخديها
رقيه بصتلي وقالت
ربنا يخليك ليا يا شريف وما اتحرم منك ابدا والله يجازي الشيطان بقى اللي ضحك على دماغنا زمان
