السلايف _ الثلاثه _بقلم هويدا زغلول

ياماما
فرح
ايوه فعلا احنا لازم نمشي ودلوقتي حالا
ايمان بټعيط
عندك حق يا صفاء انا فعلا معرفتش اربي عيالي سبتلك انتي التربية والأصول يابنت الأصول الله يرحمة ويسامحة حاتم كان جبل انه مستحمل واحدة زيك والله يكون في عونكم ياولاد ويعينكم على امكم
صفاء
انتي كمان بتهنيني انا بنت أصول ڠصب عنك يا ايمان ولو مش عجباكي متقعديش معانا وتاخدي ولادك وتمشي
ايمان
حاضر انا همشي بيت اخويا مفتوحلي ومش هترمي في الشارع يلا بينا ياولاد
زياد
لا ياطنط متمشيش وبعدين الوقت متأخر كمان
صفاء
زياااد
زياد
انا مش صغير عشان تشخطي فيا
ايمان
عيب يازياد دي مهما ان كانت مامتك برضو ياحبيبي احنا كده كده هنمشي ونسيبلها بيتها
ودخلت انا وولادي نلم هدومنا
شرين
ليه كده يا ماما احنا بنحب طنط ايمان وولادها متنسيش انها مرات عمنا وولادها زي اخواتنا واتعودنا عليهم
صفاء
مش عايزة اسمع ولا كلمة منكم يلا غورو من قدامي
وولادها بصولها بزعل ودخلو اوضهم انا اخدت ولادي ونزلت في الشارع وقفت تاكسي وركبنا
أحمد
انا اسف ياماما انا السبب في ده كله سامحيني
ايمان
انت غلطان يا أحمد انك عملت كده ومشيت من غير اذن انما اللي حصل مش ذنبك هي صفاء مرات عمك مكنتش عايزانا في البيت اصلا بس عادي
فرح
بس انتي يا ماما عارفه ان مرات خالو مش بتحبنا ومقابلتها وحشة
مروة
فعلا هي هي نفس اسلوب طنط صفاء
فرح
لا مرات خالو اسخم بكتير
ايمان
بس بقا انتي وهي مش عايزة صوت احنا هنقعد يومين لحد منشوف شقة نروح فيها ياما اكلم الراجل اللي سكن في شقتنا ونقولو يسيبها
مروة
ياريت يا ماما والله حاولي كده
وروحنا بيت اخويا وخبطنا وطبعا اتفاجأ بينا في نص الليل واخويا شافنا وقال
ايمان في ايه يا ايمان انتي جاية انتي وولادك في وقت متاخر ليه كده
ايمان 
ايه يا مجدي انت هتسبنا وقفين على الباب كده
مجدي 
لا طبعا اتفضلو ياحبيبتي ازيكم ياولاد وحشتوني
فرح 
وانت كمان ياخالو وحشتنا
مجدي ايه اللي حصل يا ايمان احكيلي 
وحكيتله على كل اللي حصل من سلفتي وقال 
اما ست قليلة الأصل بصحيح
ايمان 
ماهو بيتها برضو يا مجدي وحقها تعمل فيه مابدالها 
وصحيت مراتة وقالت اهلا يا ايمان ايه الزيارة الغربية دي
ايمان 
وايه الغريب ياعبير هو ده مش بيت اخويا واجي فيه وقت منا عايزة ولا ايه
عبير 
اه طبعا ياحبيبتي تيجي وقت ماتحبي ولو نص الليل كمان
ايمان 
انتي بتتريقي بقولك ايه انا هقعد معكم يومين انا وولادي وبعدين هنمشي متقلقيش مش هنطول
مجدي 
ولو هطولي ايه المشكله يا ايمان ده بيتك ياختي 
ولا ايه ياعبير
عبير 
اه طبعا ياخويا اومال ايه
مجدي 
عايزك الصبح تطلعي تنضفي الشقة اللي فوق عشان ايمان وولادها يقعدو فيها
ايمان 
الله هي مش الشقة كان فيها سكان يامجدي
مجدي 
ايوه كان فيها بس خلاص مشيو يا ايمان ومن النهارده هتبقا شقتك
ايمان 
منحرمش منك ياخويا يارب
مجدي 
يلا ياولاد قوم ريحو جوه والصباح رباح
وعند صفاء في بيتها حضرت الفطار وجمعت ولادها ومحدش بياكل وقاعدين ساكتين
صفاء 
انتو مبتكلوش ليه متخصلو فطاركم