قلب عيالي حجر_ الثانيه_ بقلم هويدا زغلول

الظروف اللي معايا جواز يوسف اخد فلوس كتير وطبعا خد فلوس علشان خاطر يطلع شهر عسل هو ومراته
الفت 
هو انا عايزه اسالك سؤال يا ماما هو عماد مش بيصعب عليكي هي كل حاجه بتروح لاحمد وتروح ليوسف وعماد الوحيد اللي لا
الحما 
شكلك بتنسي يا مرات ابني هي العربيه اللي جوزك راكبها دي راكبها منين مش انا برده كنت هطلع احج واول لما عرفت ان جوزك عايز عربيه جديده ومش معاه قولت لا يبقى زيه زي اخواته
واخد مني فلوس الحج
الفت 
يعني هو انتي برده مش عايزه تقفي مع ابنك وكل اللي انا عايزاه منك بس ان انا هروقلك الشقه وهمسحهالك بس مش هنعمل فيها حاجه ثانيه يعني مش هنصرف عليها جنيه
الام 
اعملي يا بنتي اللي انتي عايزاه وانا مش هقول لك لا على حاجه
الفت
والله يا ماما كنت عارفه ان حنيه الدنيا فيكي ربنا يخليك لينا وما يحرمنا منك ابدا يارب وفعلا 
نزلت والشقه كانت محتاجه توضيب وبعدها 
جم عيالي عندي وأحمد قال
احمد 
وهو ده برده اللي احنا اتفقنا عليه يا عماد مش انا قولتلك هتبيض الشقه لماما
الام 
هو قال يا حبيبي بس انا قلت له لا انا عايزاها كده اصل كنت حابه انزل انا وابوك في الشقه هنا فماكنتش عايزه اتحرم من كل حاجه فيها ريحه ابوك
احمد 
بطلي بقى يا ماما اللي انتي بتعمليه ده انا عارف كويس اوي ان هو اللي قالك مش عايز يبيض الشقه
عماد 
وهو انت مالك اصلا اه انا اللي قولتلها وهي موافقه حاجه بيني وبين امي انت مالك بيها
احمد 
والله يا ماما حرام عليكي نفسك انتي بتيجي عليها كثير
الام 
ما خلاص بقى يا احمد انا مش قادره اقول اي كلام يلا اتفضلوا كل واحد يطلع على شقته عشان انا محتاج ارتاح شويه
احمد 
طيب هو المطبخ لسه ما ترصش انتي هتاكلي ازاي
الام 
سيبها على الله يا حبيبي واطلع شقتك انت بس
أنا مش جعانه وبعدها طلعوا وأحمد دخل 
المطبخ ورانيا دخلت ورا وقالت
رانيا
ايه ده يا حبيبي هو انت جعان ولا ايه اول مره تدخل المطبخ يعني
احمد 
لا مش جعان بشوفك عامله اكل ايه علشان عايزه انزل لماما تاكل
رانيا 
نعم يا حبيبي هو انت بتقول ايه انا مش عامله اكل بكفايه مقلتش ليه كنت عملت حسابها معانا ما انت عارف ان ماما واختي جايين يتغدوا معايا
احمد 
والله المفروض ان حضرتك يكون عندك نظر وتشوفي ان الست كانت شقتها كلها مكركبه هتعمل اكل ازاي
رانيا 
طيب اصبر هجيب لها اكل وبعدها راحت على التلاجه وطلعت عيش وجبنه وقالت 
خد كده كده مامتك مش بتاكل كثير اديها عيش وجبنه خليها تاكل
وبعدها حصل
ولحد هنا تكون خلصت حلقتنا
قلب عيالي حجر
الحلقه الرابعه 
بقلم هويدا زغلول
وفي الوقت ده احمد قال
احمد 
يعني انت عامله لامك فراخ ولحمه ومكرونه وحاجات كثيره وعايزه تاكلي امي انا جبنه وعيش
رانيا 
والله امي بيجي ليا