قلب عيالي حجر_ الاولي_ بقلم هويدا زغلول
تحفه اوي
الام
ربنا يجبر بخاطرك بابني ويحميك ويبارك
في عمرك يارب
رؤوف
انا همشي علشان ورايا شغل وبعد اذنك ابقى اجي اطمن عليكي
الام
تنور في اي وقت يا حبيبي وبعدها مشي وعملت الاكل والكل نزل ولقيت الفت قالت
الفت
قولت لماما علي اللي اتفقنا عليه يا عماد
ولا اي
عماد
مش وقته يا الفت كلي وانتي ساكته
احسن
الفت
فيه اي يا ولاد ما تقولوا ليا
عماد
مافيش يا ماما انتي عارفه أن أنا محامي
في مكتب شرك وعايز افتح مكتب ليا لوحدي
يكون خاص بيا
الام
وماله يا حبيبي ما انت عارف ان الشقه اللي في اول دور مقفوله خدها وافتحها مكتب
اه يا ماما ده الموضوع اللي انا كنت عايزه اكلمك فيه بصراحه كده مش هينفع اول دور
الام
امال ايه يا حبيبي عايز تفتح شقتك وتسكن انت في اول دور
الفت
والله يا حماتي فكرت في الموضوع ده بس انتي عارفه انا ما ينفعش اقعد تحت ايه رايك انتي تسيبي الشقه دي لعماد وتقعدي في اول دور
عماد
واظن يا ماما انت مش محتاجه شقه كبيره محتاجه اوضه وصاله على الاقل
الام
حبيبي بس انت عارف ان دي شقه ابوك وانا بحبها
عماد
طيب انا اتصرف ازاي دلوقتي بجد انا مش حابب اكون في مكتب شرك مع حد وفي الوقت
احمد
طيب واحنا ذنبنا ايه انك تاخد شقتين انت نصيبك شقه واحده بس
عماد
هدفعلك ايجارها يا استاذ احمد مش عايز كلامك انت بقى
رانيا
ايجار ايه اللي انت بتتكلم عنه بس يا عماد وبعدين ايه يا احمد الكلام اللي انت بتقوله ده المفروض تكون فرحان ان اخوك محامي كبير
وهيكون ليه مكتب لوحدو
الام
بس بقى خلاص مش عايزه كلام كثير شوف يا عماد عايز تعمل ايه وانا معاك ما فيش مشكله
احمد
اه بس الشقه اللي تحت مكركبه توضبها لامك
مينفعش تعيش فيها كده
عماد
اه طبعا طبعا هعمل كده ربنا يخليكي ليا يا امي وما يحرمني منك ابدا
ويخليكوا ليا يا عيالي يارب وفي الوقت ده نزل
يوسف وانا قولت
الام
ايه ده يا حبيبي هو انت نازل وسايب عروستك فوق ليه
يوسف
لا يا ماما نيره مصممه نسافر شهر عسل انا وهي
والمفروض أننا هنسافر دلوقتي
الام
تسافر وتتهنى يا حبيبي بس تعالى عايزاك جوه دقيقه واحده وبعدها دخلنا اوضه النوم ويوسف قال
يوسف
انا عارف يا ماما عايزه تكلميني في ايه انا اسف في اللي انا قولته ليكي حقك عليا
الام
انا عمري ما ازعل منك يا حبيبي بعدها طلعت فلوس واديتها له خد يا حبيبي علشان تقدر تجيب ل مراتك كل اللي نفسها فيه
ربنا يخليكي يا ماما بس انا معايا فلوس
الام
دي نقطتك يا حبيبي علشان فرحك انا كنت طالعه عشان انقطك انت وعروستك بس حصل بعدها يلا بقى اللي حصل حصل
يوسف
والله يا امي مش عارفه اقول لك ايه ربنا يخليكي ليا وما يحرمني منك ابدا
الام
ويخليك ليا يا رب وبعدها مشي يوسف وطلعت رانيا واحمد شقتهم ودخلوا
