انا وحماتي _الاخير _بقلم هويدا زغلول

وفضلت حماتي تقولي
ماهو انتي هتوافقي يعني هتوافقي وڠصب عنك كمان
هيام
انتو فعلا متعرفوش ربنا انا هسيبلكم البيت وامشي خالصمن وشكم
سعيد
استني هنا يابت رايحة على فين
ماجدة
سيبها ياسعيد سيبها
سعيد
اسيبها ازاى ياما دي هتمشي وتسيب البيت وهترجع بيت ابوها وتحكيلو على اللي احنا عايزين نعمله
ماجدة
سيبها تروح هي اصلا مش هتستحمل تقعد مع مرات ابوها يومين وهترجع
سعيد
طيب مرجعتش وابوها عرف او خرجت من البيت وطفشت خالص هنعمل ايه احنا ساعتها
ماجدة
انت خاېف يعني لتحكي لابوها ماتحكيلو ولو عصلج ميرفت حكماه وميرفت ټموت في الفلوس ولو قولنالها انه في مصلحة زي دي هتخلي الراجل ابوها يوافق علطول

سعيد
لما نشوف اخرتها ايه البت دي
وفعلا سبت البيت ومشيت وكنا بالليل ورحت على بيت بابا فتحتلي مراتة واول ماشافتني قالت
هو انتي ايه اللي جايبك دلوقتي وايه الشنطة اللي في ايديك دي
هيام 
بقا دي مقابلة يامرات ابويا على اساس اني عندكم علطول دنا حتى مجتش هنا من زمان ولا شوفتيني علطول ولا انتي مش عايزة تشوفيني
ميرفت 
لا ياختي مش عايزة أشوفك خالص
هيام 
وانا مش جيالك انتي انا جاية في بيت ابويا هو مش هنا ولا ايه
ميرفت 
لا عنده مبطشية وهيبات في الشغل وهيرجع الصبح روحي وابقي تعالي الصبح
هيام 
انتي هتطرديني من ابويا وسعي كده خليني ادخل وسبتها ودخلت على جوه
ميرفت 
بيت ابوكي مين يابت البيت ده بيتي انا
هيام 
طيب سبيني انام الليلادي لحد بابا مايرجع الصبح ونبقا نشوف ده بيت مين سبيني في حالي دلوقتي بقا
وسبتها ودخلت اوضتي لقيت اختي الصغيره نايمة على سريري وصحيت لما شافتني وقالتلي 
ابلة هيام وحشتيني اوي انتي مش بتيجي عندنا ليه
هيام 
حبيبتى ياتوتا انتي كمان وحشتيني اوي انتي اللي منيمك هنا
توتا 
منا بنام في الاوضة دي من ساعت لما انتي مشيتي ماما قالتلي انها هتبقا اوضتي والاوضة التانية لاخواتي الولاد ينامو فيها
هيام 
طيب انا هنام جنبك النهارده ماشي 
وفضلت صاحيه طول الليل افتكر عمايل حماتي وابنها ومش عارفة هعمل ايه مع الناس دي بس قررت احكي لبابا كل حاجة 
والصبح بابا رجع من الشغل وهيام قالتله 
المحروسة بنتك جات امبارح بالليل وجايبة شنطة هدومها
فوزي 
جايه بشنطة هدومها ليه جوزها ڠضبها ولا ايه
ميرفت
معرفش ياخويا اهي عندك جوه ادخلها
ودخل بابا صحاني من النوم واترميت وفضلت اعيط
فوزي
مالك ياهيام هو سعيد زعلك ولا ايه
هيام بټعيط
سعيد وامه يابابا
فوزي
طيب اهدي واحكيلي وساعتها ميرفت كانت واقفه معانا في الاوضة وانا قولتله
انا عايزة اتكلم معاك لوحدنا
ميرفت
يعنى انا اللي عزول طيب ياختي اديني خارجة بره في الصاله وخرجت ميرفت وفضلت احكي لبابا كل اللي بيعملوه معايا وبابا ساعتها اتعصب وقالي
ومحكتيش كل اللي بيحصل معاكي ده من زمان ليه ياهيام يعنى شغلوكي خدامة عند الناس وكمان عايزين يجوزوكي واحد تاني هي الناس دي اټجننت ولا ايه
هيام
دي ناس متعرفش ربنا يا بابا انا مش عايزة ارجعهم تاني خليني هنا معاكم وطلقني منه
فوزي
انتي