انا وحماتي _الثانيه_بقلم هويدا زغلول
يخليكي ويجبر بخاطرك والله اول حد يقولي كلمة حلوه من زمان محدش جبر بخاطري بكلمة حتى
الحما
ليه هي أم سعيد بتعاملك وحش اكيد طبعا منا عارفاها وليه اعوزو بالله منها هي وبنتها الاتنين ابالسة اكيد هتستغربي عشان انا كمان عاملة حما على سحر وهزقتها يوم مكنتي عندها هنا
بس أصلها تستاهل دي علطول مخلية البيت من غير نضافة ومش البيت بس وعيالها كمان
هيام
معلش ياحجة يمكن عشان خاطر الحمل مخليها مش بتقدر تعمل حاجة
الحما
لا دي هي جاية من بيتهم كده ياهيام وبعدين الست الشاطرة النضيفة لو شايلة عشر عيال في بطنها هتنضف ومش هتسيب بيتها من غير نضافة يلا هاقول ايه بقا
هيام
ايه دول ياحجة
الحما
دول مني ليكي ياحبيبتي شوفي لو عايزة زيادة قولي
هيام
بس انا مش عايزة حاجة خالص ياحجة انا مش جاية عشان انضف واخد فلوس انا مش خدامة
الحما
يابت خوديهم هاتيلك حاجة ياخيبة وبعدين بصراحة انا متفقه مع سحر وحماتك على كده وهما اللي قالو اديكي فلوس
هيام مصډومة وبتعيط
هما اللي قالولك كده طيب كتر خيرك تؤمريني بحاجة تاني انا همشي بقا
ومشيت من عندها وصلت البيت لقيتهم اعدين
ماجدة
ها عملتي ايه انشالله تكون الست انبسطت من شغلك
ايوه انبسطت على الآخر دي حتى اديتني اجرتي
سحر بلهفة
ادتك كام ياهيام ها ادتك كام
طلعت الفلوس وقولت لحماتي خودي اهم اللي ادتهوملي
ماجدة
جدعة ياهيام عقبال كل مره ههههه
وفضلت تضحك هي وسحر
وانا اخدت بعضي وطلعت على شقتي عشان انضف نفسي من التراب والپهدلة اللي كنت فيها
دخلت على دولابي عشان اطلع عباية البسها لقيت نص هدومي وقمصان نومي مش موجودين نزلت جري عند حماتي وقولت
هيام
هو مين اللي طلع شقتي ياماما انا مش لاقية هدومي طلعت فيا وزعقت وقالت انتي هترمي بلاكي علينا يابت وهتسرقينا كمان
انا مش بسرقكم انا بسالكم مين اللي طلع شقتي وانا مش موجودة
سحر
وده مين اللي هيطلع شقتك وانتي مش موجوده واصلا اللي هيطلع شقتك هياخد منها ايه انتي حيلتك ايه يامعفنه انتي
هيام
عندي حاجات جديدة هو انا مش لسه عروسه
ماجدة
عروسه ولا جاموسة احنا مالنا
هيام
بس
