سر حمايا وجوزي _الثانيه بقلم الكاتب حسن الشرقاوي

اشمعنا اناااااا!!!!!!دا أنا بنت فقيره
قال بعد أن تغير لون وجهه....يابنتى الفقر مش فقر المال إحنا ناس أغنياء ايوااا لكن بنحب البنت بنت الأصول إلي تعيش وتصون واحنا جايين على السمعه وعارفين إنك بنت محترمه ومؤدبه وأنا عاوز بنت بمواصفاتك لإبني مش عاوزها تكون غنيه وماعندهاش أخلاق أهم حاجه عندنا الأخلاق
وفضل يتكلم كتييير لكن الغريب إن إبنه ماكانش بيتكلم خاالص ودا آثار حفيظتي
وبعد ساعه استأذنوا ومشيوووا بعد ما طلبت منهم يوم أفكر فيه ولما طلبت عنوانهم علشان نبعت الرد
قال...لاااا أنا هاجي بكرا واعرفه منك
كنت عاوزاه يتكلم كلمه حتي إلا إنه ماتكلمش وأبوه إلى كان بيتكلم
وبعد ما مشيوا أمي ظهر على وجهها علامات الضيق
وقالت....تفكري يا ياسمين تفكري في اييييه بس هو دا موضوع عاااوز تفكييير إنتي كان لاااازم توافقي عالطول
قلت...يماما دا إبنه ماتكلمش كلمه واحده
قالت...وايييه يعني هتلاقيه خجول وباين عليه الاحترام
وطلبت مني بحتمية موافقتي
وقالت...يابنتي إحنا مكناش نحلم بعريس ليكي زي دااااا
إنتي مش شايفه وضعنا إلي كل يوم بيسوءءء
وبعد كلام كتييير مع بابا وماما دخلت أوضتي علشان أنام
وأول ماوضعت راسي على الوساده
طاردتني الافكااار والتفكير في العرض إلي ماكنتش فعلا أحلم بييييه
وتذكرت كلمته وهو بيقول...سيدة القصر وكلامه عن وضعهم المالي
اتسعت عنيا بسعاده وتخيلت نفسي في الوضع دااا بعد الذل والشقا إلي شوفته في حياتي
التمعت عينيا ونمت وأنا مبسوطه لحد ما نعست
لكن في الليله دي حصلي حاجه غريبه وشعرت بحاجات أول مره تحصلي
شعرت بحراره طول الليل بالقرب مني ومن جسمي وصوت همس بيهمس في ودني
وكمان حلمت بالعريس يااامن كأنه قاعد جمبي وبيوسوس ليا طووول الليل إني اوااافق لحد ماصحيت من النوم
استغربت وكنت خاېفه ولما حكيت لأمي
قالت... يمكن علشان بفكر في الموضوع بزياده
قلت...يمكن
وتاني يوم كله اجمع إني لازم أوافق وإني محظوظه
وكمان أبويا إلي قال وهو بيبكي وآلام المړض متملكه منه
قال...يااابنتي أنا نفسي اطمن عليكي قبل ما أموت
والناس دي هاكون مطمن عليكي معاهم
وبعد تفكير عميق طول اليوم جه الراجل لكن بدون إبنه
علشان يعرف ردي
قعد وقاااال...هاااا يا ياسمين موواااافقه
نظرت ليييه والرعشه إلي حسيتها أول مره شوفته
رجعتلي تاني وحسيت بضيق في التنفس
وقلت....... موووافقه
ابتسم ابتسامه مريييبه
وقعد يتفق مع أبويا وقاله بس إحنا لينا شروووط ياحج نعمان
قال أبويا....ايييه هيا يا سعت البيه
قاله..... إحنا ناااس مابنحبش الأمور المبالغ فيها وكمان بنحب لما نتفق على أمر ننهييه بسرعه
قاله أبويا....يعني ايييه
قاله....الفرح هايكون بعد أسبوع من دلوقتي
وهانعمله بدون مظاهر احتفاليه يعني هانيجي أنا وابني وناخد ياسمين بدون معازيم أو غيره
ردت أمي وقالت...طييب كنا فرحنا بيها يا سعت البيه
قال...افرحوا بيها هنا زي ما انتوا عاوزين لكن هانيجي ناخدها على القصر ونمشي
وقبل ما حد يعلق طلع مبلغ من المال واداه لأمي و قااال دا مبلغ بسيط خليه معاكي لعلاج الحج نعمان
قالت...بسسس
قال...من غييير بسسس إحنا بقينا أهل وكل
أول شهر هايوصلك مبلغ زيييه علشان ترتاحي وماتشغليش تاني
كان على طرف لساني إني أرفض وأقول كلام كتييير بعد كلامه وسرعته إلى مش لاقيا ليها تفسير وكمان العريس إلي هاجوزه بعد أسبوع وما اعرفش عنه أي حاجه
لكن سكت لما شوفت الفرحه في عيووون أبويا وأمي وعرفت أني لازم أسكت علشان يتم الزاوج
لكن صدمت لما قال....وفيه كمان شرررط ودا أهم شرط
وبعد ما قاله اتسعت عنيا
كان الشرط........
انتظروا الجزء القادم بإذن الله القصه هاتزيد إثارة وتشويق بالتدريج وتفاعلكم معاها هايحفزني إني اخلصها بسررررعه
وإن شاء الله هاتعجبكم
بتمني بسسس تدعموني بتفاعلكم