اختي عايزه تتجوز جوزي _ بقلم هويدا زغلول _ الحلقه الاولي
انت في الصفحة 3 من 3 صفحات
ندي
عالعموم أنا عايزه اخد رايك في حوار
بس خليها لما تكون رايق احسن
منير
هحاول ارجع بكره من الشغل بدري شويه علشان نقعد نتكلم مع بعض انا وانتي
ندي
تمام ماشي وبعدها دخل نام وتاني يوم
صحي وخرج من الاوضه براحه
وندي كانت في المطبخ
ندي
صباح الخير يا منير والله كنت لسه هخبط عليكم علشان اصحيك عشان ما تتاخرش على شغلك
منير
وطي صوتك انا خارج بروح علشان خاطر سها ما تصحاش بصراحه حسيت ان هي تعبانه قوي
ارجوكي خليها نايمه
ندي
موافقه بس تيجي تفطر معايا ونكمل كلامنا
منير
تمام ماشي يلا ودخلوا المطبخ
ايه يا ستي ايه موضوع المهم اللي انتي عايزاني فيه
ندي
بصراحه كده بقى انا بحب واحد ومش حاسس بيا خالص مش عارفه اعمل ايه علشان خاطري وكمان هو اكبر مني ب 10 سنين ومتجوز
منير
ايه الكلام الغريب اللي انتي بتقوليه ده بتحبي واحد متجوز ليه هنا ده ان شاء الله
ندي
والله يا منير الحب مش بايدينا انا غصب عني اتعلقت بيه المشكله مش في كده المشكله اكبر من كده
منير بص في ساعته وقال
معلش يا ندى انا لازم امشي دلوقتي نبقى نكمل كلامنا بعدين ويا ريت ما تفتحيش سهي في الموضوع ده علشان متحصلش مشاكل بينك وبينها وبعدها مشي
ندي
ما انا للاسف مش هينفع افتحها مش عارفه انت هتحس بيا امتى بس وانا كنت في اوضتي
واتصل بيا حسام ابن خالتي
حسام
معلش يا سهي لو كنت صحيتك من النوم بس ممكن اعرف ندى عندك ولا ايه
وينفع تمشي من البيت من غير ما تعرف حد كده
سهي
صباح الخير يا حسام معقول الكلام اللي انت بتقوله ده يعني هي ما قالتش يا خالتو ان هي جايه عندي
حسام
لا والله ما قلتش لحد انا اول امبارح كنت اتكلمت معاها ان انا عايزه اخطبها بعدها صحينا ما لقيناهاش
سهي
طيب وهي قالتلك ايه لما انت قولتلها كده ده انت الف عروسه تتمناك
حسام
رفضت الكلام اصلا في الموضوع ده مش عارف انا عايزك تقعدي معاها وتساليها لو في حد في دماغها تقولنا
سهي
حاضر يا حسام وبعدها دخلت ندي وقالت
ندي
بقولك يا سهي انا كنت محتاجه شويه فلوس عشان عايزه انزل اجيب هدوم
