سلفتي وحمايا _الثانيه _بقلم هويدا زغلول
غبت عليها يلا سلام ومشي عماد من عندنا
وشهد راحت لحماتها
الحما
انا مش عارفة انتي ايه اللي جابك هنا تاني
مش انا قولتك مش عايزه اشوف وشك هنا
تاني ي بت
شهد
بقا دي مقابلة تقابلي بيها مرات برضو ياماما
الحما
ماما مين ياختي دي انا مش مامات حد اللي كنت امه خلاص راح الله يرحمة ويغفر له وبتعيط
الله يرحمك ياضنايا ويسامحك
شهد
الله يرحمة طيب ماهو كان جوزى وفي عيل في بطني منه ولا هو ده مش حفيدك برضو
ده بيقولوا اعز من الولد ولد الولد برضه
الحما
لا ياختي ولا انتي كنتي مرات ابني ولا اللي في بطنك ده يخصنا مش كفاية وش فقر على ابني اتجوزك من هنا وياحبة عين اعد معاكي شهرين وحصلتلة الحاډثة اللي راح فيها دي وراح وسبني ياحبيبي يابني
حرام عليكي انتي بتشيليني ذنب أنه ټوفي ليه ده قضاء الله وقدره ونصيبة كده ولما ماټ اكتشفت اني حامل قلبي اتوجع اكتر عليه
الحما
بقولك انتي جاية وعايزة ايه دلوقتي
انا مش عايزه اشوف وشك هنا تاني
شهد
انا تعبانة وقربت اولد وماما مش معاها حق الكشف عليا فانا قولت اجيلك تديني قرشين واكشف واولد منهم
الحما
قرشين منين ياحبيبتي مفيش فلوس روحي خلي امك تتصرف وتجبلك
شهد
طيب منا ليا ورث في جوزى الله يرحمة ومخدش حاجة منه فانا بقولك عايزة بس اكشف حرام عليكي حسي بيا كفايه اخدتي مني كل حاجه
قولتلك مفيش فلوس وتفضلي امشي بقا
شهد
روحي ياشيخة الله يسامحك ومشيت من عندها معيطه وفي شقه ياسر كان قاعد هو وايه وقال
ياسر
بقولك ايه يا ايه ماتيجي بكرة نروح نشوف دكتور كده عشان موضوع الخلفة ونشوف هنعمل ايه
بصراحه انا نفسي اكون اب بقي
ايه
خلفة ايه ياياسر اللي بتفكر فيها انتي عايزنا نجيب عيال ونظلمهم معانا مانت عارف يدوبك مرتبك مكفينا بالعافية وعشان كمان ابوك بياخد منك
ياسر
منا بفكر اقول لبابا اني يبقا كفايه عليا كده مصاريف له واهو بياخد معاشه وبياخد من جلال اخويا
ايه
لا اوعي يا ياسر ليغضب عليك وانت عارف الا زعل ابوك
طيب منا نفسي في حتة عيل منك ياحبيبتي وقولتلك هاشوف شغلانه كمان واكيد هيجي برزقة يعني
ايه
بقولك ايه خليها بظروفها بقا واللي ربنا عايزة هيكون قوم انت ناملك شوية قبل ماتنزل يلا قوم وبعدها قام دخل وهي مسكت التلفون
وقالت بصوت واطي
ايه
الووو ايوه ياعصام ابنك مصمم نروح لدكتور عشان الخلفة الظاهر كده ان مرات ابنك مقالتلوش حاجة عن موضوع البرشام ده احسن برضو طيب طيب يلا سلام دلوقتي لحسن ياسر نايم وفي شقه شهد كانت قاعده عامله ټعيط وامها قالت
نادية
لاحول ولا قوة الا بالله هي الولية حماتك دي ايه معندهاش قلب دي المفروض بعد مۏت ابنها تحطك في عنيها عشان هتجبيلها حتة منه يعنى من ريحتة
دي بتتهمني اني نحس عليه ياماما ومش عايزاني حتى اخد حقي في ورث جوزى منها لله على اللي عملته فيا
نادية
معلش يابنتي هدي نفسك انتي عشان اللي في بطنك انتي مش ناقصة تعب ياشهد
شهد
ياريتني اروح واخلص من حياتي دي كلها عشان ارتاح من الهم ده
نادية
بعد الشړ عليكي يا بنتي متقوليش كده وتوجعي قلبي عليكي ان شاء الله ربنا هيفرجها
وقررت نادية انها تروح لعصام وتخليه يحنن قلب عيالة عليها
عصام
انتي انتي اللي جابك هنا وعايزة ايه
نادية
عايزاك تحنن قلب ابنك جلال عليا وعلى اختة اي نعم هي مش بنتك بس هي برضو اخته هو ارملة وليه حق عليها دحنا اتنين ولايه وملناش حد
عصام
بقولك ايه يانادية انتي كنتي ماضي وانتهى بالنسبة لعيالك خلاص وهما اصلا مش عايزينك
