عتمان باع أرضه _ بقلم هويدا زغلول _ الاخيره
محمد
طيب انا اعمل ايه دلوقتي انا لو روحت وكلمته على الارض دي هيعرف ان انا كنت عايزها ليه
روحيه
الحل ان اخوك يروح قبل ما يبيع الارض
محمد
انت بتقولي ايه يا مرا انت انت عايزه اني اخلص من اخويا
روحيه
لا تسيب الفلوس دي كلها تروح من ايدينا
ما تروح ياراجل شوف هتعمل اي
وبعدها جه محمد وقال
محمد
ازيك يا عتمان عامل ايه معقول الكلام اللي انا سمعته ده هيحصل انت ناوي تبيع
ارضك
عتمان
ايوه يا محمد وبعدين هو انت مالك بالموضوع ده اساسا
محمد
ازاي تفكر تبيع ارضك لواحد غريب ده انا اتحايلت عليك علشان اخدها منك مارضيتش
عتمان
هو ازاي لما مظهر قالك على موضوع الارض ما جيتش قولتلي اي كنت فاكر أن مش هعرف
محمد
لا بس قولت ان انت عمرك ما هتبيع ارضك لحد غريب
عتمان
انا محتاج فلوس وهبيع الارض وبصراحه
كده دي حاجه براحتي بقي
محمد
ماشي يا عتمان بس بكره تندم على كلامك
ده وبعدها مشي عتمان كان رايح يبيع الأرض
بس الغريبه أن أنا تعبت والدكتوره طلبت
مني تحليل وطلعت حامل
نفسيه
ايه ده معقول ازاي ده
بطه
ربنا يا حبيبتي رايد بكده اول ما ياجي عتمان
أنا اللي هفرحه
نفسيه
حبيبتي يا بطه ربنا يخليكي ليا وبعدها جه سيد
البيت وقال لينا أن عتمان اضرب بالنار
وكلنا روحنا عالمستشفي وكانت وافقه نجلاء
و روحيه
روحيه
انك حامل
نجلاء
سيد اللي قال مقولش بقولك اي هو انتي
تعرفي لو راح نصيب كل واحد فينا هيكون
كام
روحيه كام من اي انتي متعرفيش
ولا اي مش عتمان باع الأرض لمحمد
نجلاء
لا بقولك اي اللعب ده ميبقاش عليا
أنا انتي فاهمه ولا لا
روحيه
لو مش مصدقاني يا حبيبتي روحي أسألي
نجلاء
والله لوريكي يا روحيه ومحمد كان واقف
مع سيد وسيد قال
سيد
اللي حصل لاخوك ده حصل ازاي لو عرفت ان انت اللي ليك يد فيه ما تعرفش انا اعمل فيك ايه
محمد
انت اكيد اتجننت هو انا معقول اعمل في اخويا كده
