قصه هادفه

هشوفك بكرا في الدرس..متلبسيش البنطلون الكحلي
ليه دا جميل عليا
لو في عبايه سمرا تعالي بيها
أنت بتهزر يا كريم
صاحبي شافك بالبنطلون وقالي بص الفرسه دي
وأنا أعمل إيه يعني
أنتي مش هترتاحي غير لما أدخل السچن في حد ..لو هترتاحي قولي
سلام يا كريم
سلامين
أتعصبت من كلامه وعندت فيه ونزلت بنفس البنطلون الي قالي متلبسهوش ووصلت الدرس وأول ما لمحته من بعيد قلبي أتقبض وكان هاين عليا ارجع ألبس العبايه السوده ..أجمدي يا سما هو مش هيتحكم فيكي 
قربت منه ودخلت الدرس بسرعه بس هو لمحڼي ..ينهار اسود ينهار اسود يارب مايكون شاف البنطلون 

بص ياض المزه دي..اجمد واحده في الدرس كله
متتكلمش ع بنات الناس يسطا
دا احنا دفنينه سوا
طب ملكش دعوه بالبنت دي
أشمعنا ..بتاعتك ولا ايه
لا مش بتاعتي بس متقربش منها ولا ترمي عليها كلام
باين عليك واقع بس يابختك دا انت معاك فرسه فرسه يعني
أحترم نفسك للمره الأخيرة
وإذا محترمتش يا كريم
لسه المدرس هيبدأ شرح ولقينا اصوات غريبه جرينا نشوف في إيه لقيت كريم منيم صاحبه ع الأرض ونازل فيه بالبوكس في وشه المدرس جري عليهم بعدهم عن بعض وكريم بصلي بصه كلها شړ ومشي 
جه بالليل والمفروض يرن وانا ماشيه في الأوضه رايح جاي وخاېفه اقرب من التليفون ..وبعد خمس دقايق التليفون رن
أ..أ..ألو
وقسمآ عظمآ يا سما لو لقيتك ماشيه بالبنطلون في حياتك تاني لأكون كاسر رجلك أنتي اساسا واحده مبتسمعيش الكلام
أسفه والله
مش هضعف وربنا وعزه جلاله الله لو لمحتك ببنطلون تاني لأكون ..لأكون
أهدا طيب
متقوليليش أهدا
طب أنت كويس
اه كويس شكرا ع سؤالك سلام
أستني عشان خاطري
عايزه ايه
بحبك
يعني ينفع أقولك حاجه وتعانديني انا مش بتحكم فيكي بس عشان عارف صحابي والكلام الي بيتقال
خلاص بقا أنا أسفه حقكك عليا
شوفتيني وانا نازل ضړب في الواد
أتوجعت
أنا موجعنيش غير كلامه عليكي وكنت عايز أخدك من وسط الناس وأمسك ايدك واعرفهم انك ملكي انا لوحدي
بتكسف
وعد مافيش بنطلونات تاني
وعد
بس إيه رأيك فيا النهارده
بدأت ألبس جيب ودريسات مع الوقت وكريم بيحاول يبعد عني عيون الناس وحارصني بعنيه بس مكنش بيعرف يخبي حبه ..نظراته ليا كانت ڤضحاه وصحابي كلهم لاحظو وكانو بيجبولي أخباره اول بأول
خلصنا ثانويه ونزل التنسيق ودخلنا كليات مختلفه في محافظات مختلفه ومبقناش نشوف بعض نهائي وبنكتفي بالمكالمات بس ..بس كان عصبي وفي نفس الوقت حنيه الدنيا فيه
أنا سمعت أن النقاب بيحمي من أشعه الشمس وبيخلي الواحده بيضه
عايز ايه يا كريم
أنا مش عايز انا بقولك بس
مش هلبسه
وأنا عمري ما أجبرك تلبسيه ..بس قولت أقولك المعلومه دي
أمممممم
ربنا مش هيدخلك الڼار
كرييييييم
هتبيضي ومش هتستخدمي صن بلوك تاني
لا
هحبك اكتر
كريييم
خلاص ماشي تصبحي ع خير
حصلت ظروف في شغل بابا فخلتنا ننقل لمحافظه تانيه وكريم أنشغل في شغله فتره كبيره عشان يجهز في الشقه بجانب دراسته وكان عدي علينا تلت سنين ونص