مشكله بنتي

يخليكي ليا 
وطول ما كنا قاعدين كانت عامله تبوس ف 
مريم بنتي وانا اقعد وقولت ليها
ناهد
اللي يشوفك بتحبي البت دي ازاي ميقولش 
انك مخلفه 3عيال
سهير 
بس كل خلفيتي صبيان وانتي عارفه ان انا بحب البنات قوي المهم ادخلي نامي شويه 
وكنت عايزه اقولك يا حبيبتي علي حاجه 
انتي شايفه الدنيا غاليه ازاي والله وأبو 
العيال مش بيبعت ليا فلوس
ناهد
فهمت قصدك يا حبيبتي بكره باذن الله هنزل ادور على شغل
سهير
والنبي ما تزعلي مني ظروفي اللي مخلياني 
اقولك كده
ناهد
عارفه والله بس مش عارفه هعمل اي في البت
سهير
ولا تشيلي هم خالص هتفضل معايا طول اليوم لحد ما ترجعي من الشغل وانتي عارفه ان انا بحب بنتك قوي وبعدها روحت سألت علي 
شغل وكانو عايزين عامله نظافه في مستشفي 
واخد ورديه بليل وكنت بروح علي النوم 
بس وفي يوم قولت ل سهير
ناهد 
هو انتي مش شايفه ان غلط ان بنتي تبات مع عيالك في قلب الاوضه
سهير 
مش عايزكي تخافي يا حبيبتي عيالي محترمين
واكيد بيحبوا بنتك زي ما تكون اختهم واكتر
ناهد
ربما يخليهم ليكي الحمد لله اشتغلت في المستشفي صحيح المرتب من كبير اوي 
بس شكلي كده هرتاح فيها
سهير 
طيب لما اقوم اجهزلك الاكل وخرجت مريم 
من الاوضه
مريم 
ماما هو انا ما ينفعش اجي معاكي الشغل بدل ما اقعد هنا انا مش بحب اقعد هنا خالص وانت مش موجوده
ناهد 
هاخدك الشغل معايا بس ازاي يا حبيبتي مش هينفع وبعدين طنط سهير 
بتحبك اوي
مريم 
طيب هو احنا هنفضل قاعدين كده معاها على طول انا عايزه يكون لينا شقه لوحدها
ناهد 
لا يا حبيبتي الشهر ده بس يعدي وانا هكلم صاحب العماره هنا وناخد شقه جنبهم برده علشان تكوني موجوده معاه طنط سهير 
على طول وانا في الشغل وبعدها دخلت 
الاوضه وفضلت ساكته 
وعدا كام شهر واحد شقه ايجار 
في نفس العماره وفي يوم كنت في وجت 
سحر وقالت
سحر 
اسكتي يا بنت ده انتي ربنا بيحبك جدا فاكره الحاجه نعمات اللي كانت في العنايه المركزه هتخرج النهارده وعايزين حد يكون معاها
ناهد
مش فاهمه قصدك طيب انا علاقتي ايه بيها ان انا اروح معاها يعني هكنس ولا امسح
سحر 
هو انت على طول مخك تخين كده ما انتي بتعرفي تدي ابر كويس قوي وهما عايزين حد 
يدي ابر
ناهد 
لا ياختي مش هينفع انا كده مش هعرف 
اشوف بنتي
سحر 
كام شهر بس وبعد كده هتشوفيها براحتك بس يا بنت هيبقى ليكي مستقبل كبير معاها الست دي كريمه جدا وبتدفع فلوس كثير
ناهد 
تفتكري هديتي كام
سحر
انا سامعه ان هي عايزه واحده بمرتب 7000 جنيه في الشهر بس هي بتحبك ممكن تديكي اكثر من كده
ناهد 
يسمع منك ربنا والله ما تعرفي انا 
فرحت ازاي والله ليكي الحلاوه لو الكلام ده حقيقي وفعلا بعدها روحت الفيلا وكانت 
منيره بنت مدام نعمات وافقه معايا
ناهد
كنت عايزه استأذن حضرتك هو ينفع 
اجيب بنتي هنا معايا وتساعد في المطبخ
منيره 
لا طبعا مينفعش انتي عارفه ماما محتاجه 
هدوء ومش عايزه دوشه
ناهد 
تمام