اخو جوزي عايز يتجوزني _الحلقه الاخيره_ بقلم هويدا زغلول

حسام _
بصراحه انا مش عايز اجيب حاجه، انا قولتلهم كده عشان نخرج لوحدنا وتعملي كل اللي نفسك لاني حسيتك مخنوقه من البيت..

اتملت عيون نيره دموع وردت عليه وقالت _
انا بجد مش عارفه اقولك ايه كفايه كلامك ده عليا، بس انا مش هقدر اروح معاك اي مكان غير لو انك هتشتري حاجه...

حسام بحزن قالها _
ليه طيب يا بنتي انا واثق انهم مش بيكلعوكي اصلا، ولا اسامه اخويا ليه في الفسح والحاجات دي..

اتنهدت نيره وردت عليه وقالت _
اصلا مش هينفع نطلع بس مع بعض لاني ما مقولتش لاسامه ان خارجه اتفسح  وغلط اطلع  واروح مكان من غير ما اقوله..

ابتسم ليها حسام وقال _
انتي بنت اصول اووي يا نيره ومتربيه كمان، وبعدين يا ستي اعتبريني زي اخوكي وهنطلع نتفسح شويه وانغير جو.. بصراحه حاسك مخنوقه اوي

ضحكت نيره وقالتله _
من غير ما اعتبرك انت اخويا اصلا، ويعلم ربنا انك من لما جيت وانا بقيت مرتاحه اووي في البيت ان في حد بيدافع عني ومش بيخلي حد يجرحني  

حسام بهدوء رد عليها وقال _
واتعودي علي كده، من النهارده مش هسمح لحد يزعلك ابدا...

_بصتله نيره بهدوء وكانت مبسوطه بكلامه ولاول مره تحس ان ليها حد وكانت مبسوطه اووي بالاحساس ده..

سالها حسام وقال _
ها يا نيرو تحبي تروحي فين؟..

فضلت نيره تفكر وقالت _
امممممم الملاهي..

بصلها بتفاجي وبعدين قالها بهزار _
ملااهي جايب بنت اختي معايا، تصدقي انا غلطان يلا بينا انا هروحك..

اتدايقت نيره وقالتله وهي شبه الاطفال _
لا يعني انا ماليش دعوه انت قولتلي هتفسحني يلا ماليش دعوه..

ضحك حسام اووي ورد عليها وقال _
انتي هتبكي ولا ايه خلاص يلا بينا هوديكي الملاهي...

_فرحت نيره واخدها حسام ووداها الملاهي وخلاها تتمرجح في كل اللعب وكان حسام كل شويه يطلع موبيله ويصورها وهي بتضحك وبتلعب، وبعد شويه اخدها ووفضلو يتمشو علي البحر وجابلها دوره..