اخو جوزي عايز يتجوزني _الحلقه الاخيره_ بقلم هويدا زغلول

نيره بحزن _
انت الوحيد اللي مصدق، اسامه ومامتك واختك كدبوني واديك شايف المعامله اللي بتعامل بيها علي ءنب انا ومامتي ملناش اي دعوه بيه..

حسام بحده _
عشان ما يستهلوكيش يا نيره، انتي المفروض كنتي تتجوزي واحد بيحبك واحد يقدر انك ست جدعه وبنت بمليون راجل، واحد يعوضك ان غياب باباكي ويبقالك هو الاب والاخ والزوج والابن كمان..

مسحت نيرع دموعها وقالت _
يلا الحمد لله علي كل حال، اي ده الساعه خمسه المغرب احنا ازاي اتاخرنا كده؟..

ضحك حسام وقالها _
يا ستي كبري دماغك هي خروجه واتحسبت علينا وخلاص، تعالي بقي نشتري كام حاجه عشان هفرش بيهم شقتي اللي فوق شقتك انتي واسامه...

نيره بهدوء سألته وقالت _
انت هتتجوز فيها صح؟..

بصلها وسرح وبعدين رد عليها وقال _

ادايقت نيره وهي مش عارفه ليه حست بغيره انه ممكن يتجوز ويبقي مع وحده تانيه وبعدبن حاولت تبتسم وقالتله..

نيره _
ربنا يرزقك ببنت الحلال يارب..

ضحك حسام ورد عليها وقال _
طيب يلا يا بنت الحلال عشان منتاخرش اكتر من كده..

_رجعو البيت وكانت ام اسامه قاعده متعصبه انهم اتاخرو واول ما دخلو قالتلهم بحده..

ام اسامه _
ما لسه بدري منك ليها؟...

خافت نيره فقعد حسام جنب مامته وقال بخبث _
اسكتي يا ماما مش انا جالي مشوار مهم واحنا في محل الموبليا وسيبت نيره هناك وروحت وقعدت اكتر من اربع سعات، ورجعت يا حرام لقيتها مستنياني..

الام بحده قالته _
ينفع كده يا حسام حرام عليك البنت دي لسه قدامها ترويق وتنضيف وتجهيز اكل..

اتنهد حسام بضيق وقال _
مرات البواب بتاع العماره اللي جنبينا انا هبعتلها تيجي تخلص كل حاجه وادفعلها اجرتها..

الام بضيق _
طيب وليه المصاريف دي كلها بس..

حسام بحده _
يعني يا ماما البنت معايا اليوم كله وطلعان عينها وكمان اخليها تعمل شغل البيت عشان اوفر كام قرش...

الام بهدوء ردت عليه وقالت _
خلاص اللي تشوفه اعمله..

وبعدين بصت الام لنيره وقالتلها بسخريه _
وانتي واقفه عندك ليه يا نيره، يلا يا حبيبتي جوزك جه من شويه فوق اطلعي شوفيه ليكون محتاج حاجه كده ولا حاجه كده..