فتاه متمرده _ الحلقه الثانيه _ بقلم هويدا زغلول

شروق لسه هتشرب العصير وبصت لقت احمد قدامها 
شروق:،اي ده انت اي اللي جابك هنا
احمد:ابوكي تعب في الشغل ونقلوا عالمستشفي 
شروق:اي بتقول اي
مازن:مسكها من درعها رايحه فين اب فيه اي
احمد:سيب ايدك كده بس انت ماسكها كده ليه
مازن: هههههههههههه شروق شايفه السواق بتاعك بيكلمني ازاي
شروق:مش وقته يا مازن بابا تعبان

احمد:السوااااق بتاعك تمام يالله بينا وجريت شروق علي المستشفي لقت عمتها وجدتها ودعاء وافقين 
شروق فيه اي مالو بابا 
دعاء تعبان شويه والدكتور عندو جوا 
شروق:طيب انا عايزه ادخله عايزه اطمن عليه 
الجده:اصبري بس تعالي هنا جمبي 
دعاء:شكرا يا احمد انك تعبان وواقف معانا من الصبح بجد احنا ملناش اخ وانت فعلا ونعم الاخ والله 
احمد:الاخ والسواق بتاعكم كمان 
دعاء:بتقول اي مش فاهمه
احمد:بعدين يا دعاء نتكلم وخرج الدكتور والكل جري عليه وكان معاه عصام ابوه مياده😦😦
الجده:طمني يادكتور ابني مالو فيه اي
الدكتور كويس يا جماعه دي غيبوبه سكر والحمد لله بقي احسن من الاول 
شروق اول ما شافت عصام فضلت وافقه بعيد شويه 

عصام:اتفضلي يا حاجه خلي الفلوس دي معاكي لحد ما ربنا يقوم عم يحيي بالسلامه 
الجده:كتر خيرك يابني مش كفايه تعبت نفسك وجيت لحد هنا معاه ربنا يخليك ويحميك 
عصام:عيب كده يا امي والله ما تعرفي معزه عم يحيي عندي ازاي اي ده شروق انتي هنا بتعملي اي
الجده:مهي دي بنته ودعاء كمان بنته مش عندو غيرهم 
عصام:اه ربنا يخليهم ليه طيب هتعوزي حاجه يا امي 
الجده:كتر خيرك يا بني ومشي عصام وشروق كمان مشيت روحت وفضلت منهاره من العياط عالشان طبعا واثقه ان الدنيا كلها هتعرف هي بنت مين 
الجده:هي البت دي مشيت راحت فين من غير ما تطمن علي ابوها
احمد:سبيها يا حاجه دلوقتي وتعالي نطمن علي عم يحيي 
دعاء:هو فيه اي انا مش فاهمه حاجه 
احمد:هفهمك بعدين بس تعالي نطمن علي بابا الاول ودخل احمد ودعاء والجده ورحاب اخته
الجده؛سلامتك يا حبيبي الف مليون سلامه عليك ربنا يطمنا عليك دايما يارب
يحيي:انا الحمد لله كويس يا امي متخافيش
رحاب:احرم نفسك شويه يا يحيي حرام عليك صحتك 
يحيي:مش وقته يا رحاب امال فين شروق 
دعاء:روحت يا بابا تعملك الغدا عالشان لما تروح معانا تلاقي حاجه تكلها 
يحيي:ماشي يا حبيبتي هو انا همسي امتي