فتاه متمرده _ الجزء الاول _ بقلم هويدا زغلول
مازن:متخافيش هكسرلك مناخريها وهجبهالك الأرض
مياده:طيب تعالي لما اعرفك عليها وراحت مياده ومازن
مياده:بحسبك مش هتيجي
شروق:وانا اقدر مع أن بابا كان عامل حفله عندنا في الفيلا بس لازم اجيلك طبعا
مياده:اعرفك بمازن ابن رجل الأعمال محمد الطحاوي
شروق:غني عن التعريف اهلا بيك يا مازن
مازن:اهلا بيكي ياااااه
شروق:اسمي شروق
مازن عاشت الاسامي اسمك جميل وشكلك جميل جدا وعند باب الفيلا وصل عصام ابو مياده
عصام:خليك هنا يا عم يحيي هدخل اجبلك
الظرف وضرورى بكره تدي للحسابات عالشان مش هقدر اجي بكره بدري
يحيي:تمام حاضر يا باشا ودخل عصام
مياده:بابا حمد لله على سلامتك كنت فكراك مش جاي
عصام:يووو والله فعلا كنت ناسي أن عيد ميلادك انهارده هدخل مكتبي اجيب ورق مهم وانتي خلي
حد من الشغالين ينده الراجل اللي قدام الباب برا ومعلش خليهم يجهزو ليه اكل وحلويات ويخدهم معاه
مياده:حاضر يا بابا وفعلا عملت كده
مازن واقف مع شروق:ماتيجي تقف في الجنينه برا شويه
شروق:تمام يالله بينا وخرجت وقفت في الجنينه وهي وافقه مع مازن شافت عم يحيي خارج بكراتين وشنط اكل
شروق بابا ينهار اسود
مازن:بتقولي اي مش سمعت
شروق:تعالي ندخل جوا مع الناس
مازن:بس انا حابب اتكلم معاكي شويه
شروق:تمام نتكلم جوا احسن معلش
مازن:اللي يريحك يلا ودخلوا وشروق عامله تبص وراها عالشان تشوف ابوها شافها ولا لا ودخلت الفيلا وفضلت تتكلم مع مازن
مازن انا هعمل حفله عندي الخميس الجاي في الفيلا عندي اي رايك هستناكي
شروق: هحاول والله بس مش اكيد اصل بابي بيخاف عليا اوي
مازن:لا اكيد تحاولي تيجي بجد الحفله دي علشانك اكيد تحاولي تيجي
شروق هشوف وفضلت سهرانه وبترقص مع مازن وفجاه بتبص في الساعه لقت الساعه ١ينهار ابيض انا لازم امشي
مازن:انا مخدتش رقم موبيلك طيب
شروق:هات موبيلك وسجلت الرقم وخرجت لقت احمد قاعد في العربيه مخنوق
