ذئاب الجبل _الحلقه القبل الاخيره للكاتب حمادة فاروق هاشم
انت في الصفحة 1 من 8 صفحات
ذئاب_الجبل.... الحلقه 23
عودة البدرى الجزء الثاني
تأليف حمادة فاروق هاشم
............
تذكير بنهاية الحلقه السابقة.
............
تبص نعمه للعربي وهي متردده وتطلع الكلام بالعافيه وبعد ما اتأكدت من جواها ان علوان حب عمرها كان واخدها علشان خاطر فلوسها وارضها....
نعمه....
اللي تشوفي ياعربي ياخوي....
اللي تشوفي...
وتروح في العياط....
العربي بفرحه.....
عفارم عليكي يانعمه...
عفارم عليكي.....
والله ووقعت ياعلوان الكلب.....
ويقوم العربي علشان يجيب علوان وهو بيفتح الباب علشان يخرج يقابل علوان في وشه....
..................
يدخل علوان ويبصله العربي ويقول....
جاي تعمل ايه اهنه ياعلوان....
علوان يبص باستغراب ويرد...
به كيف ده يعني...
ايه اللي جاي اعمل ايه اهنه...
ده داري....
أنت اللي عتعمل ايه اهنه ياعربي....
عربي يقف قدام علوان وعنيه تطق شرار ويقول....
دارك مين يابو دار انت....
ده دار نعمه اختي....
انت ملكش دار من اصله....
انت نسيت دارك القديمه جمب بهايمك ولا ايه ياعلوان....
علوان بتعصب....
به به يه جري ايه ياعربي...
دار مرتي... يبقي دارى اني....
العربي....
لاه.... مش دارك ياعلوان....
ونعمه... مش مرتك من النهارده....
علوان يغضب اكتر ويرفع ايده ويشوح بيها للعربي ويقول....
لااااااااااه دانت واد قليل الحيا صوح....
انت معتحسش علي دمك ابدا....
ويبص لنعمه ويقولها....
قوليله انتي يانعمه لحسن ده جبله معيحسش....
قوليله يانعمه... ده داري ولا مش داري.....
نعمه بتتابع الموقف بحزن ودموعها تنزل وهي باصه في الارض....
علوان يبص لنعمه ويكرر....
به.... ماتونطقي يانعمه....
نعمه تبص في الارض وتبكي......
العربي يقرب من علوان ويقول....
المره دي مش هتقولها ياعلوان....
ويمين الطلاق ترميه دلوقيت علي نعمه.... والدار دى معتعتبهاش واصل....
علوان... يبص لنعمه ويمسكها من ايدها بشده ويقول....
فيه ايه يانعمه...
كنك موافقه العربي علي حديته عاد....
العربي... يقرب من علوان ويشد نعمه منه ويقول....
شيل يدك عن نعمه ياعلوان....
ولو يدك لمستها تاني...
عقطعهالك ياعلوان....
علوان يقرب من العربي والصراع يكبر مابينهم....
العربي يمسك علوان ه وعلوان يبص للعربي پصدمه ويرد....
والله ويدك اتمدت علي كبير هواره ياعربي...
والعربي يقاطعه ويقول....
ارمي يمين الطلاق....
ارمي يمين الطلاق لا اطلع روحك دلقيت.... أرمي ياعلوان....
نعمه تبكي وتحاول تخلص علوان من ايد العربي وتقول...
سيبه ياعربي....
سيبه روحه عتطلع في يدك
سيبه ياخوي.....
العربي يبص لنعمه ويقول....
لساكي عتخافي عليه يانعمه...
بعد اللي عملو فيكي....
ويبص لعلوان.... ويقول....
انت لساك مرمتش اليمين....
ويشده العربي وېخنقه اكتر وعلوان بيحاول يخلص نفسه ونعمه بتتوسل للعربي يسيبه....
المشهد يجي علي دبور وسامع العراك مابين العربي وعلوان وبيحاول يتحرك من مكانه بدون فايده.....
في اللحظه دى يدخل واحد من رجالة هواره من الباب المفتوح ويخلص مابين العربي وعلوان
وبعد ما علوان يخلص من العربي يعلي صوته پغضب....
طيب ياعربي...
اني عاد هعرفك كيف يدك تتمد علي كبير هواره...
ان ماقطعت يدك دي معيقولوش عني علوان ابو البكري.....
ويحاول العربي يهجم علي علوان ويقول...
وريني.... وريني ياعلوان عتقطعها كيف.... وريني....
سيبني ياعم نيازى.....
وعم نيازى يمسك في العربي ويقول....
صلى عالنبي عاد ياعربي....
ميصحش اكده ياواد عمي....
صلو عالنبي عاد....
الخلق عيتفرجو علينا.....
امشي انت ياعلوان....
امشي دلقيت.....
العربي بيحاول يفلت من عم نيازى....ويقول...
هملني... هملني ياعم نيازى الله يرضي عنيك....
عم نيازى يبص لعلوان وهو ماسك العربي وحاضنه....
قولتلك امشي ياعلوان....
امشي عاد....
علوان وهو بيعدل في هدومه وخارج.... يرد...
طيب.....
طيب ياعربي.....ان ماقطعت دابرك...
مبقاش اني.... علوان ابو البكري كيير هواره.....
ويخرج علوان وعم نيازى ماسك في العربي اللي بيتوسل ليه انه يسيبه...
..........
................
مؤلف القصه
حماده فاروق هاشم...
المشهد الثاني... أسكندريه....
المهندس صلاح بيشرف علي المشروع الجديد والمشروع في اوله عباره عن سملات وعمدان والعمال لسه بيكملو....
المهندس صلاح لابس الخوذه البيضا وطالع وسط العمال علي السقاله...
صلاح....
يلا يا رجاله الهمه ياوحوش متقصروش رقبتي قدام البدري بيه...
وفي اللحظه دي يدخل الدكتور حاتم بالعربيه ويقف قدام المبني وينزل من العربيه وصلاح يروحله...
صلاح....
ياااهلا ياااهلا وانا اقول المشروع نور ليه...
دكتور حاتم عندنا..
يبتسم
حاتم ويرد...
اذيك يا صلاح عامل ايه....
صلاح يبص لحاتم ويعدل النظاره بتهكم كوميدي....
شوف اقوله دكتور حاتم يقولي صلاح حاف....
يضحك حاتم ويرد...
ياسيدي هو انا ضربتك علي ايدك وقولتلك قولي يادكتور...
مش انت اللي قولت....
تعالي... تعالي فرجني عملت ايه...
وياخد صلاح من ايده باتجاه المشروع....
...........
..................
............................
المشهد الثالث.... البدري....
البدري قاعد وبيفطر مع مراته وحماته وبنتهم ورده كبرت شويه وقاعده جمب جدتها اللي بتحاول تخليها تخلص فطارها وتقول...
ياورده ياحبيبتي انت كل يوم هتنزلي من غير فطار كده علي لحم بطنك... ماتقولي حاجه يانورا....
نورا تبص وتبتسم...
والله ياماما غلبت معاها...
هي اتعودت تفطر مع صحباتها في كنتين المدرسه...
البدري متابع الموقف ويبص لورده ويقولها...
متزعليش جدتك ياورده خدي منيها وبعدين اكل الكنتين دة وكل... مدى يدك....
وتبص ورده لجدتها وهي بتمد ايدها وكأنها بتعاتبها بعنيها انها دخلت باباها في الموضوع....
وتبص ام نورا للبدري وتكمل...
الا صحيح يابدرى يابني....
هو ابن عمك العربي دة برضو مش هو اللي كان السبب في اللي حصلكم مع اللي اسمه علوان ده....
يبص البدري لام نورا ويرد...
هو يا حجه... هو...
بس العربي ده... حاجه تانيه واصل...
مش زى علوان.... العربي ده من صوغرنا واحنا مع بعض اتربينا مع بعض وكبرنا مع بعض...
وموشكلة العربي امعانا مش زى موشكلة علوان...
كل حكاية زعل العربي امعانا بسبب ورده اختي...
لكن علوان موشكلته كلها كانت مع ابوي الله يرحمه وكانت امعاي...
عيحلم من زمان انه يبقي كبير هواره... حتي لو علي حساب غيره
وهو السبب في
