دبحت لحماتي القطه _ الاخير_ بقلم هويدا زغلول

لقاء _طلقني يا مدحت انا مش عايزه اعيش معاك

مدحت _ للاسف قبل ما اعرف موضوع حملك كان سهل ان انا اطلقك بس انا مش هسيب ابني يتربى معاه واحده زيك اخد ابني وغوري في داهيه

الحما _ حامل وليه مقلتش لينا

مدحت _ تصدقي ان عرفت من الدكتور

لقاء _ لما اولد ابقى خده انما انا دلوقتي مش عايزه اعيش معاك تاني وبعدها مشيت من البيت

مدحت _ حبيبتي ماما هو انت اكلتي من الحاجه اللي هي جابتها دي انا اسف والله خلتها  هي اللي تعمل الاكل

وفاء _ هستاذن انا يا طنط معلش هبقى اتصل بيكي من الوقت للتاني اطمن عليكي ربنا يجعلك دايما بخير

الحما _اقعدي يا وفاء لو سمحت عايزه اتكلم معاكي شويه معلش يا مدحت روحي اعملنا حاجه وبعدها خرج

وفاء _ تحت امرك يا طنط اتكلمي في اللي انتي عايزاه انا سامعاكي

الحما _ انا عارفه ان انا مهما اعتذرلك واقولك سامحيني على اللي انا عملته فيكي انتي عمرك ما هتسامحيني بس ارجوكي يا بنتي ترجعي 
لمدحت لانه عمره ما حب غيرك

وفاء _ مش وقته كلام في الموضوع ده يا ماما لو سمحت معلش خليها في وقت ثاني

الحما _ اللي يريحك يا وفاء اعمليه انا عارفه ان اللي عملته فيكي مش شويه ان خليته يسيبك قبل ما يجي يتقدملك بحاجات بسيطه بس هو والله بيحبك وما لوش ذنب في اللي حصل ده

وفاء _ارجوك يا طنط بلاش كلام في الموضوع ده دلوقتي وانا هبقى اجي واتكلم معاكي
وبعدها مشيت

وفي شقه سمير كانت لقاء بتخبط 
وفتح وقال

سمير _ الله يخرب بيت عقلك انتي ايه اللي جابك هنا وعرفتي عنواني منين

لقاء _ جرا اي ي سمير في ايه وانت هتسيبني واقفه اتكلم كده من على الباب ولا ايه 
انا خلاص أطلقت ومش راجعه ليه تاني وجه الوقت يا حبيبي اللي هنعيش فيه

سمير _ قولتك امشي من هنا مش عايزه حد يشوفك

لقاء _ حد زي مين بقولك اي أنا جبت الدهب كله يا حبيبي وهنبيعه صحيح هي الشقه دي ايجار 
ولا اي  وبعدها خرجت شوشو