مرات ابويا _الحلقه الثالثه_ايسو ابراهيم
عشان ترجعي معايا على بيتك
بصتله رهف پخوف وقالت لأ مابقتش عايزة أروح معك
منصور ببرود أنا لسه عند قراري هطلق بنتي لأنك متستهلهاش
رياض بعصبية إيه اللي بتقوله دا يا خالي يعني بدل ما تقولها ارجعي مع جوزك تقوم تقول طلقها
رضا بضيق ماتخليها ترجع معه يا منصور يعني عرف غلطه واعتذر
بصلها منصور بعصبية وقال والله لو ادخلتي في الموضوع دا لتكوني طالق
شهقت رضا پصدمة وقالت هتطلقني عشانها
منصور ببرود دا لو أنت عايزة دا وادخلتي
طلعت من الأوضة بعصبية وقالت ماشي يا رهف إما وريتك
مشي رياض بعصبية بعد لما شاف إن مفيش فايدة
طبطب منصور على رأسها وقال نامي وماتفكريش في حاجة يا حبيبتي
في اليوم التالي في بيت رحيم كان بيفطر عشان ينزل يروح الشغل
سهام معلش يابني الحمل تقيل عليك
رحيم بابتسامة ولا تقيل ولا حاجة خلي بالك من نفسك ومن أخويا أو أختي
سهام بابتسامة حاضر
نزل رحيم وفي طريقه لبيت عمه محمد ولكن قابل سالي
سالي رحيم ليه ماجيتش خدتني امبارح من الدرس
رحيم معلش يا سالي أصل روحت بدري ورجعته لصاحبي شوفي بقى مواصلات أو غيري معاد الدروس
سالي ما دا اللي هعمله
رحيم ماشي سلام بقى عشان وقفتنا غلط وسابها ومشي
فات شهر وكل يوم رياض بيروح يتحايل على منصور عشان يرجعله مراته ولكن بدون فايدة ولكن جاب معه رجالة عشان يكلموا منصور
ووافق رياض على شروطه ودخل منصور عشان يطلع بنته لجوزها ولكن وقف مصډوم
ياترى حصل إيه
انتظرو حلقة بالليل
مرات_ابويا
الحلقة الثالثة عشر
دخل منصور عشان يطلع بنته لجوزها
ولكن وقف مصډوم لما لقاها قاعدة منكمشة وبتعيط
منصور بخضة مالك يا رهف في حاجة تعباكي
رهف بدموع بطني يا بابا بتوجعني
منصور بسرعة تعالي نروح للدكتورة بسرعة وجري على برا وقف تكتوك ودخل جابها ووراه رياض اللي بيسأله وهو مخضوض
منصور وهو بيركبها التكتوك بطنها بتوجعها تعالى اركب بسرعة وطلعوا على الدكتورة
دخلت كشف مستعجل والدكتورة بدأت تفحصها
بعد فترة طلعت لهم وقالت دا بسبب التعب يا جماعة ما أنا قولت قبل كدا لازم تستريح وبلاش إجهاد
منصور لرهف قال عملتي حاجة النهاردة
رهف بدموع اها خالتي رضا خلتني أقف النهاردة أطبخ وأغسل ومن بعدها حسيت بالتعب ونمت ومخدتش الدوا
منصور في نفسه بس لما أرجعلك يا رضا وبص لبنته وقال هترجعي مع جوزك يا بنتي وخلاص ندم على اللي عمله ومټخافيش
بصت رهف لرياض اللي واقف زعلان وقالت ماشي يا بابا
منصور بزعيق أنت ليه خليتي رهف تشتغل ها وأنت عارفة حالتها إيه
رضا بضيق يعني كل الحوامل بيناموا ولا إيه ما أنا كنت حامل في أخواتها وبشتغل شغل البيت كله مش بدلع زيها وأعمل نفسي عيانة
منصور بزعيق أنا بنتي تعبانة ومابتستحملش شكة دبوس والحمل تاعبها وبسبب اللي عملتيه دا البيت دا يتنضف دلوقتي ويتمسح وادخلي اغسلي المطبخ والحمام دلوقتي بردوا يلا
رضا بزعيق دا كله عشان إيه وإيه يعني لما وقفت شوية في المطبخ
منصور بزعيق أنت بتزعقيلي نسيتي نفسك ولا إيه اتعدلي كدا معايا أحسنلك ما بناتك أهم يعملوا هما بدل ما هما طول النهار نايمين واكلين شاربين لا بيعينوا كوباية ورايحة للغلبانة وتشغليها
رضا بزعيق أنا زهقت من العيشة دي
منصور بعصبية طالما زهقتي الباب أهو يفوت جمل
بصتله رضا پغضب ودخلت أوضتها بعصبية
في بيت رحيم كان رجع وبيذاكر وجت مرات أبوه وقالت بقولك يارب رحيم أنا لقيت الورق دا فوق الدولاب لما قولت لنوران تطلع تجيبلي شنطة فيها هدوم قديمة
رحيم باستغراب ورق إيه دا
قعدت سهام وقالت دا ورق لشقة كانت مكتوبة باسم والدتك ودلوقتي محدش ساكن فيها
رحيم باستغراب بس بابا ماقالش حاجة زي دي قبل كدا
سهام بحيرة يمكن عشان بتاعت والدتك وكان هيخليها بعدين باسمك يعني يضمن حقك أو حاجة تعيشك لو حصله حاجة وكدا
رحيم بحيرة ماعرفش بصي أحسن حاجة نروح بكرة نشوفها
بقلم إيسو
